မာတီနက်ဇ်ဟာ အာဆင်နယ် မှ ပေါင် သန်း ၂၀ ဖြင့် ပြောင်းရွှေ့လာပြီးနောက် ဗီလာပါ့ခ်တွင် အောင်မြင်တဲ့ ရာသီတွေကို ဖြတ်သန်းခဲ့ပြီး မစ်ဒ်လန်းဒ် ကလပ်အတွက် ပွဲပေါင်း ၂၀၀ ကျော် ကစားပေးခဲ့တာ ဖြစ်ပါတယ်။ အသက် ၃၂ နှစ်အရွယ် ဂိုးသမားဟာ ပြီးခဲ့တဲ့ရာသီက အကောင်းဆုံးလက်စွမ်းတွင် မရှိခဲ့သော်လည်း ယင်းမတိုင်မီက ကမ္ဘာ့အကောင်းဆုံး ဂိုးသမားများထဲမှ တစ်ဦးအဖြစ် သတ်မှတ်ခံခဲ့ရပါတယ်။

မာတီနက်ဇ်ဟာ အာဆင်နယ်မှ ထွက်ပေါ်လာသူဖြစ်သော်လည်း ၂၀၂၀ ပြည့်နှစ်တွင် ရောင်းချခြင်းမခံရမီ ဂန်နာ ပထမအသင်း အတွက် ၃၈ ပွဲသာ ကစားခဲ့ရပါတယ်။ ဗီလာရဲ့ ခက်ခဲသော ငွေကြေးအခြေအနေကြောင့် မာတီနက်ဇ်ကို ယခုနွေရာသီတွင် ရောင်းချနိုင်တယ်လို့ ခန့်မှန်းရပြီး ပရီးမီးယားလိဂ်ကလပ်အများအပြားက ခေါ်ယူရန် ချိတ်ဆက်ထားကြပါတယ်။

ရီးရဲလ်မက်ဒရစ်က မီခေးလ် အာတီတာရဲ့ လက်ရှိ နံပါတ် ၁ ဂိုးသမား ဖြစ်သူ ဒေးဗစ် ရာယာ ကို စိတ်ဝင်စားမှု တိုးလာပါက ကမ္ဘာ့ဖလား ဆုရှင်ကို အမ်မရိတ်စ်သို့ ပြန်လည်ခေါ်ယူရန် စိတ်ဝင်စားနေပါတယ်။ အိုးထရက်ဖို့ဒ်ရှိ အန်ဒရေး အိုနာနာရဲ့ စွမ်းဆောင်ရည်တွေက စိတ်ပျက်ဖွယ်ရာ ဖြစ်ခဲ့ပြီးနောက် ယူနိုက်တက်ကလည်း နောက်ထပ်ဂိုးသမားခေါ်ယူဖို့ ချိတ်ဆက်မှုများ လုပ်ဆောင်ထားပါတယ်။

အာဂျင်တီးနားရဲ့ လာမယ့် ကမ္ဘာ့ဖလား ခြေစစ်ပွဲများ မတိုင်မီ ဗီလာရှိ အနာဂတ်နှင့်ပတ်သက်၍ မေးမြန်းခဲ့ရာ နွေရာသီ အပြောင်းအရွှေ့အတွက် အလားအလာရှိနေတဲ့ ကောလာဟလတွေနဲ့ပတ်သက်ပြီး သေချာဖြေကြားခြင်း မရှိခဲ့ပါဘူး။ "ကျွန်တော့် အနာဂတ်လား။ ကျွန်တော် မသိသေးပါဘူး၊ ကျွန်တော် ဒီကို လက်ရွေးစင်အသင်းအတွက် ကစားဖို့ လာတာပါ။ အဲဒါက အခုအချိန်မှာ ကျွန်တော့်အတွက် အရေးအကြီးဆုံးပါပဲ"

"ကလပ်အသင်းသစ်ကို ပြောင်းချင်လားဆိုတော့ အပြောင်းအရွှေ့ကာလက အခုမှ စတာဆိုတော့ အချိန်အများကြီး လိုသေးတယ်" လို့ ဂိုးသမားက ပြောကြားခဲ့ပါတယ်။ ဗီလာနည်းပြ အမ်မရီက ပရီးမီးယားလိဂ်ရာသီရဲ့ နောက်ဆုံးနေ့တွင် မာတီနက်ဇ်ရဲ့ အပြောင်းအရွှေ့ကောလာဟလများနှင့်ပတ်သက်ပြီး ပြတ်ပြတ်သားသား တုံ့ပြန်ခဲ့ပါတယ်။

မာတီနက်ဇ်ဟာ ရာသီရဲ့နောက်ဆုံး အိမ်ကွင်းပွဲအပြီးတွင် ဗီလာပရိသတ်များကို လက်ပြနှုတ်ဆက်ခဲ့ပါတယ်။ TNT Sports သတင်းထောက် ဂျူးလ် ဘရစ်ချ်က "ဒီနေ့က မာတီနက်ဇ်ရဲ့ ဗီလာ အတွက် နောက်ဆုံး ကစားတာ ဖြစ်နိုင်မလား" လို့ အမ်မရီကို မေးမြန်းခဲ့ပါတယ်။

"မဖြစ်နိုင်ဘူး" လို့ အမ်မရီက ဖြေကြားပါတယ်။ ဘရစ်ချ်က "လုံးဝ မဟုတ်ဘူးလား။ သူ ကလပ်မှာ နေမှာလား" လို့ ဆက်မေးခဲ့ရာ အမ်မရီက "နောက်မှတွေ့မယ်" လို့ ပြောပြီး အင်တာဗျူးအတွက် ကျေးဇူးတင်စကား ပြောကာ ထွက်ခွာသွားခဲ့ပါတယ်။

မာတီနက်ဇ်ရဲ့ လက်စွမ်းမတည်ငြိမ်မှုက နောက်ဆုံးနေ့တွင် ဆက်လက်ရှိနေခဲ့ပြီး အာဂျင်တီးနား ဂိုးသမားဟာ ယူနိုက်တက်ကို ၂-၀ ဂိုး ဖြင့် ရှုံးနိမ့်ခဲ့တဲ့ ပွဲစဉ်တွင် အနီကတ်ပြ ထုတ်ပယ်ခြင်း ခံခဲ့ရပါတယ်။ အမ်မရီက အသင်းရဲ့ လာမယ့်ရာသီ ချန်ပီယံလိဂ် ဝင်ခွင့်ရဖို့ မျှော်လင့်ကာ အိုးထရက်ဖို့ဒ်သို့ သွားရောက်ခဲ့သော်လည်း ထိပ်ဆုံးငါးသင်းတွင် နေရာနှင့် လွဲချော်ခဲ့ပါတယ်။

သို့သော်လည်း ဗီလာဟာ ပရီးမီးယားလိဂ်တွင် အဆင့် ၆ နေရာဖြင့် ရာသီပြီးဆုံးကာ ချန်ပီယံလိဂ်နှင့် အက်ဖ်အေဖလား နှစ်ခုလုံးတွင် အဆင့်တစ်ခုအထိ တက်လှမ်းနိုင်ခဲ့ပြီး ကောင်းမွန်တဲ့ ရာသီကို ပိုင်ဆိုင်ခဲ့ပါတယ်။