ဘိုင်ယန်ကိုအပြီးသတ်ပြောင်းရွှေ့တော့မယ့် ခရစ္စတယ်ပဲလေ့စ်စတား အိုလစ်ဆီ
သတင်းတွေအရ ခရစ္စတယ်ပဲလေ့စ်တောင်ပံကစားသမား အိုလစ်ဆီဟာ ဘိုင်ယန်မြူးနစ်အသင်းထံ အပြီးသတ်ပြောင်းရွှေ့တော့မှာဖြစ်တယ်လို့ သိရပါတယ်။ နောက်ဆုံးသတင်းတွေအရ အိုလစ်ဆီအပြောင်းအရွှေ့ဟာ ၉၉% အထိ ပြီးစီးနေပြီဖြစ်ကာ အေးဂျင့်ခသာ ကျန်တော့တာဖြစ်ပါတယ်။
အိုလစ်ဆီကလည်း ဘိုင်ယန်ထံပြောင်းရွှေ့ဖို့ ပဲလေ့စ်အသင်းထံ အသိပေးထားပြီးဖြစ်ကာ ပုဂ္ဂိုလ်ရေးအရ သဘောတူညီမှုရယူထားနိုင်ခဲ့တာဖြစ်ပါတယ်။ အသက် ၂၂ နှစ်သားဟာ ချန်ပီယံလိဂ်ကစားချင်တာကြောင့် ချဲလ်ဆီး နဲ့ နယူးကာဆယ်တို့ရဲ့ကမ်းလှမ်းမှုတွေကို ပယ်ချခဲ့တာဖြစ်ပါတယ်။
ပြင်သစ်သားကို မန်စီးတီး ၊ ယူနိုက်တက်နဲ့ လီဗာပူးတို့ကလည်း ချိတ်ဆက်ခဲ့သေးတာဖြစ်ပါတယ်။ အိုလစ်ဆီဟာ ပြီးခဲ့တဲ့ရာသီတုန်းက ဒဏ်ရာကြောင့် ၁၆ ဂိုးသာသွင်းယူနိုင်ခဲ့ပါတယ်။ အိုလစ်ဆီဟာ ၂၀၂၁ တုန်းက ရက်ဒင်းအသင်းကနေ ပေါင် ၈ သန်းနဲ့ ပြောင်းလာခဲ့တာဖြစ်ပြီး ၃ ရာသီအတွင်း ၉၀ ပွဲ ပါဝင်ကစားပေးထားခဲ့ပါတယ်။
