ဘိုင်ယန်မြူးနစ် ၃-၀ လာဇီယို (ပွဲပြီးရလဒ်)

ဟယ်ရီကိန်း ၃၉ မိနစ်

မူလာ ၄၅+၂ မိနစ်

ဟယ်ရီကိန်း ၆၆ မိနစ်

ပထမပိုင်းပွဲချိန်အတွင်း နှစ်ဂိုးပြတ်ဦးဆောင်ထားနိုင်ခဲ့တဲ့ ဘိုင်ယန်မြူးနစ်က ဒုတိယပိုင်းပွဲချိန်တွေမှာတော့ သက်သောင့်သက်သာနဲ့ ပွဲစဉ်ဆီ ပြန်လည်ချဉ်းကပ်လာခဲ့ပါတယ်။ တဖက်မှာလည်း လာဇီယိုက လိုအပ်နေတဲ့ချေပဂိုးတွေ ရှာဖွေဖို့ တိုက်စစ်မြှင့်ကစားလာပေမယ့် အိမ်ရှင်တွေရဲ့ခံစစ်ကြောင်းကို ကျော်ဖြတ်နိုင်ဖို့ အခက်တွေ့နေခဲ့ပါတယ်။ ပွဲချိန်တစ်နာရီအကျော်မှာတော့ ဟယ်ရီကိန်းကပဲ အနိုင်ပြတ်သားစေမယ့် တတိယမြောက်သွင်းဂိုးကို ရှာဖွေပေးခဲ့ပြန်ပါတယ်။ အခုပွဲစဉ်ရလဒ်ပိုင်းနဲ့အတူ ချန်ပီယံလိဂ်ကွာတားဖိုင်နယ်အဆင့်ဆီ ဘိုင်ယန်မြူးနစ်တို့ တက်လှမ်းလာနိုင်ခဲ့သလို နည်းပြတူချယ်အတွက်လည်း ဖိအားတွေ အတန်အသင့်လျော့ပါးသွားစေပါလိမ့်မယ်။ စပိန်မြေမှာ ယှဉ်ပြိုင်ခဲ့တဲ့ အခြားပွဲစဉ်မှာတော့ အိမ်ရှင်ဆိုစီဒက်ကို ဧည့်သည်ပီအက်စ်ဂျီက ၁-၂ ဂိုးဖြင့် အနိုင်ကစားပြီး ကွာတားဖိုင်နယ်အဆင့်ဆီ တက်လှမ်းသွားပါတယ်။