ဗန်ကူးပါးအသင်းစတား သောမက်စ်မူလာက ပထမဆုံးပွဲမှာ အသင်းအတွက်ပင်နယ်တီကနေ အနိုင်ဂိုးသွင်းယူနိုင်ခဲ့ပြီး အဲ့နောက် လီဝန်ဒေါစကီးက သူ့နည်းစနစ်ကို တစ်ကြိမ်အတုခိုးခဲ့ကြောင်း ထုတ်ဖော်ပြောကြားခဲ့ပါတယ်။ မူလာဟာ ဗန်ကူးပါးအသင်းအတွက် အချိန်ပို ၁၄ မိနစ်မှာ နောက်ကျပင်နယ်တီသွင်းယူပေးနိုင်ခဲ့ပြီး ၃-၂ နဲ့ အနိုင်ရအောင် စွမ်းဆောင်ပေးနိုင်ခဲ့ပါတယ်။

ဗန်ကူးပါးအသင်းက စိန့်လူးဝစ်အသင်းနဲ့ရင်ဆိုင်ခဲ့ရပြီး မူလာက ဒေါ့မွန်ဂိုးသမားဟောင်း ဘာကီကို လှည့်စားကာ အသင်းသစ်အတွက် ပထမဆုံးဂိုးရယူနိုင်ခဲ့တာဖြစ်ပါတယ်။ ၂၀၁၆ ဂျာမန်ပိုကယ်ဖလား နဲ့ ယူရို ၂၀၁၆ တို့မှာ အရေးပါတဲ့ပင်နယ်တီတွေလွဲချော်ခဲ့ပြီးနောက် ဘိုင်ယန်မှာ မူလာဟာ ပင်နယ်တီတစ်ကြိမ်သာကန်သွင်းခွင့်ရခဲ့ပါတယ်။

အဲ့နောက် လီဝန်ဒေါစကီးက သူ့နေရာကို အစားဝင်ခဲ့ကာ အသက် ၃၅ နှစ်သားဟာက အခုဗန်ကူးပါးအသင်းထံရောက်ချိန်မှ ပင်နယ်တီပြန်လည်ကန်သွင်းခွင့်ရခဲ့တာဖြစ်ပါတယ်။ လီဝန်ဒေါစကီးက သူ့နည်းစနစ်ကို အတုခိုးခဲ့တာနဲ့ပတ်သက်ပြီး မူလာက သတင်းထောက်တွေကို ပြောကြားရာမှာ “ကျွန်တော် ဘိုင်ယန်မှာပင်နယ်တီပင်တိုင်ကန်သွင်းသူမဖြစ်တာနဲ့ပတ်သက်ပြီး အကြောင်းအရင်းတွေရှိပါတယ်။ ကျွန်တော်နည်းစနစ်နဲ့ပတ်သက်ပြီး အိုဗာလုပ်ခဲ့တာကြောင့်ပါ။ လီဝန်ဒေါစကီးက ကျွန်တော့်နည်းစနစ်ကိုအတုခိုးပြီး အဆင့်မြှင့်တင်ခဲ့ပါတယ်။ အဲ့တာကြောင့် သူကနေရာရခဲ့တာပါ။ မှန်ပါတယ်။ ကျွန်တော်က ပင်နယ်တီကို သီးသန့်လေ့ကျင့်ပါတယ်။ ဗန်ကူးပါးအသင်းမှာ ကျွန်တော်က ပထမပင်နယ်တီကန်သွင်းသူမဟုတ်ပါဘူး။ ဒါပေမယ့် ကျွန်တော့်အတွေ့အကြုံအရ ကျွန်တော့်ကိုယ်ကျွန်တော်တာဝန်ယူနိုင်တာကြောင့် ပင်နယ်တီကန်သွင်းခွင့်ရခဲ့တာပါ”လို့ ဖြေကြားခဲ့ပါတယ်။

မေဂျာလိဂ်အစမှာ ဟီးရိုးဖြစ်ခဲ့ပြီးနောက် မူလာဟာ ဒီရာသီဗန်ကူးပါးအသင်းအတွက် နိုင်ပွဲအရှိန်အဟုန်ကို ဆက်ထိန်းထားနိုင်မယ်လို့ပစ်မှတ်ထားနေပါတယ်။ မူလာဟာ အဓိကကစားသမားတစ်ဦးဖြစ်ကြောင်း သက်သေပြထားနိုင်ခဲ့ပြီး လာမယ့်ပွဲတွေမှာ အခုစွမ်းဆောင်ရည်ကို ဆက်ထိန်းထားနိုင်ဖို့ ပစ်မှတ်ထားနေပါတယ်။