သတင်းတွေအရ ဘိုင်ယန်တိုက်စစ်မှူး ဟယ်ရီကိန်းတစ်ယောက် နွေရာသီမှာ ပရီးမီးယားလိဂ်ကိုပြန်လာဖို့ ပြင်ဆင်နေတယ်လို့ သိရပေမယ့် တော့တင်ဟမ်က ခေါ်ယူဖို့ ရေပန်းမစားဘူးလို့ သိရပါတယ်။ El Nacional သတင်းဌာနရဲ့အဆိုအရ အသက် ၃၁ နှစ်သားဟာ ရာသီအကုန်မှာ အင်္ဂလန်မြေကို တစ်ကျော့ပြန် ပြန်လာဖို့ ပြင်ဆင်နေတယ်လို့ ဖော်ပြခဲ့ပါတယ်။

လီဗာပူးအသင်းက ကိန်းကိုခေါ်ယူနိုင်ဖို့ ရေပန်းအစားဆုံးဖြစ်နေပါတယ်။ ကိန်းဟာ တော့တင်ဟမ်ကနေ ဘိုင်ယန်ကိုပြောင်းပြီးကတည်းက စွမ်းဆောင်ရည်ကောင်းတွေပြသနေပြီး ပထမဆုံးဆုဖလားကိုရယူနိုင်ဖို့လည်း နီးစပ်နေပါတယ်။ဒါပေမယ့် တကယ်လို့အောင်မြင်မှုရခဲ့ရင်တောင် အင်္ဂလန်အသင်းခေါင်းဆောင်က မိခင်မြေကိုပြန်ဖို့ ပြင်ဆင်နေတယ်လို့ သိရပြီး စာချုပ်ဖျက်သိမ်းကြေးရှိတဲ့အပြင် အလန်ရှီးယားရဲ့စံချိန်ကို ကျော်ဖြတ်နိုင်ဖို့ အလိုရှိနေပါတယ်။

ကိန်းဟာ ဘိုင်ယန် နဲ့ ၂၀၂၇ အထိ စာချုပ်သက်တမ်းကျန်ရှိနေပြီး ပရီးမီးယားလိဂ်မှာ ၂၁၃ ဂိုးအထိသွင်းယူထားနိုင်ပြီး အလန်ရှီးယားရဲ့ ၂၆၀ ဂိုးစံချိန်ကို လိုက်မီနိုင်ဖို့ နီးစပ်နေတာဖြစ်ပါတယ်။ တကကယ်လို့ အင်္ဂလန်သားအနေနဲ့ ပရီးမီးယားလိဂ်ကိုပြန်လာဖြစ်ခဲ့မယ်ဆိုရင် အလန်ရှီးယားရဲ့စံချိန်ကို ကျော်ဖြတ်နိုင်ဖွယ်ရှိနေပါတယ်။

ကိန်းဟာ လာမယ့်ကမ္ဘာ့ဖလားခြေစစ်ပွဲအဖြစ် လက်ဗီးယားနဲ့ပွဲမှာ အင်္ဂလန်အတွက် ပါဝင်လာဖွယ်ရှိနေပါတယ်။ အယ်လ်ဘေးနီးယားကို ၂-၀ နဲ့အနိုင်ရခဲ့တဲ့ပွဲမှာ အင်္ဂလန်အသင်းခေါင်းဆောင်ဟာ ဒုတိယမြောက်ဂိုးကိုသွင်းယူပေးနိုင်ခဲ့ပါတယ်။