တော့တင်ဟမ်ကွင်းလယ်လူ မက်ဒီဆင်တစ်ယောက် ဝုဗ်ကိုသရေကျခဲ့ပြီးနောက် အင်စတာဂရမ်ကနေ ပရိသတ်တစ်ဦးကို ပါးစပ်ပိတ်ထားဖို့ ပြောကြားခဲ့ပါတယ်။မက်ဒီဆင်ဟာ ဝုဗ်နဲ့ပွဲမှာ အရန်ခုံကနေ လူစားဝင်လာခဲ့တာဖြစ်ပြီး ဒီပွဲမတိုင်ခင် အသင်းဖော် ဂျွန်ဆင်နဲ့အတူ World Darts Championship ကို သွားရောက်ခဲ့တာဖြစ်ပါတယ်။

အဆိုပါပွဲကို တက်ရောက်ခဲ့တဲ့အနေအထားမှာ တော့တင်ဟမ်စတားဟာ စွမ်းဆောင်ရည်ကောင်းပြသနိုင်ခြင်းမရှိခဲ့တာဖြစ်ပါတယ်။ ဝုဗ်ကိုသရေကျခဲ့ပြီးနောက် တော့တင်ဟမ်ဟာ ၃ ပွဲဆက်နိုင်ပွဲပျောက်ခဲ့တာဖြစ်ပြီး လက်ရှိအမှတ်ပေးဇယားရဲ့အဆင့် ၁၁ နေရာမှာ ရပ်တည်နေပါတယ်။

အဆိုပါပွဲရလဒ်ကို စိတ်ပျက်မိတဲ့ပရိသတ်တစ်ဦးက အင်စတာဂရမ်မှာ “ခင်ဗျားက ပွဲသွားပြီးပြန်လာခဲ့ပြီးနောက် အခုလိုမျိုးစွမ်းဆောင်ရည်မျိုးပြသတာက လက်မခံနိုင်စရာပါ”လို့ ရေးသားတင်ခဲ့ပါတယ်။ အဲ့နောက် မက်ဒီဆင်က ၁၂ မိနစ်အတွင်းမှာတင် “Shut up you wally ဆိုတဲ့မှတ်ချက်ကို ရယ်မောနေတဲ့အီမိုဂျေနဲ့ ပြန်လည်တုံ့ပြန်ခဲ့ပါတယ်။

တော့တင်ဟမ်ဟာ ဦးဆောင်ဂိုးတွေရခဲ့ပေမယ့် နောက်ပိုင်းမှာ ချေပဂိုးတွေပြန်ပေးခဲ့ရပြီး ၂ မှတ်ဆုံးရှုံးခဲ့တာဖြစ်ပါတယ်။ အခုအမှတ်လျော့မှုကြောင့် တော့တင်ဟမ်ဟာ အဆင့် ၄ နေရာက ချဲလ်ဆီးနဲ့ ၁၁ မှတ်အထိ ကွာဟခဲ့ပြီဖြစ်ပါတယ်။တော့တင်ဟမ်ဟာ လာမယ့်ဇန်နဝါရီ ၄ ရက်နေ့မှာ နယူးကာဆယ်အသင်းနဲ့ရင်ဆိုင်ရမှာဖြစ်ပြီး အဲ့နောက် ကာရာဘောင်ဆီမီးဖိုင်နယ်မှာ လီဗာပူးအသင်းနဲ့ ၂ ကျော့ရင်ဆိုင်ရမှာဖြစ်ပါတယ်။