
ဇာဗီဆိုင်မွန်နေရာအတွက် လီဗာပူးစတားကို ပစ်မှတ်ထားနေတဲ့ လိုက်ပ်ဇစ်
သတင်းတွေအရ လိုက်ပ်ဇစ်အသင်းဟာ ဇာဗီဆိုင်မွန်ကို တော့တင်ဟမ်ထံ လက်လွှတ်ရတော့မှာဖြစ်တာကြောင့် သူ့နေရာမှာအစားထိုးဖို့ လီဗာပူးစတား အီလီယော့တ်ကို ချိတ်ဆက်နေတယ်လို့ သိရပါတယ်။ဆိုင်မွန်ဟာ တော့တင်ဟမ်အသင်းထံ ပေါင် ၅၂ သန်းနဲ့ ပြောင်းရွှေ့တော့မှာဖြစ်ပြီး ဆေးစစ်မှုလည်း ပြီးဆုံးခဲ့ပြီလို့ သိရပါတယ်။ လိုက်ပ်ဇစ်ဘက်က သူ့နေရာမှာအစားထိုးဖို့ လီဗာပူးစတား အီလီယော့တ်ကိုချိတ်ဆက်နေပြီး ကစားသမားကလည်း စလော့လက်အောက်မှာ နေရာမရတာကြောင့် အသင်းပြောင်းဖွယ်ရှိနေတယ်လို့ သတင်းထောက် ပေါလ်က ဆိုပါတယ်။
ပြီးခဲ့တဲ့ရာသီတုန်းက အီလီယော့တ်ဟာ လီဗာပူးအတွက် လိဂ်ပွဲ ၁၈ ပွဲပါဝင်ကစားခဲ့ကာ ၂ ပွဲသာ ပွဲဦးထွက်ပါဝင်ခွင့်ရခဲ့ပါတယ်။ အင်္ဂလန်သားဟာ ပြိုင်ပွဲစုံလီဗာပူးအသင်းအတွက် ၅ ဂိုးသွင်း ၊ ၃ ဂိုးဖန်တီးထားနိုင်ခဲ့ပါတယ်။ ဇူလိုင်လတုန်းက အီလီယော့တ်တစ်ယောက်ကစားသမားအသစ်တွေက သူ့လမ်းကြောင်းကို ပိတ်သလိုဖြစ်ခဲ့ရင်တောင် အသင်းကို ဘယ်လောက်ချစ်လဲဆိုတာကို ဖော်ပြထားခဲ့တာဖြစ်ပါတယ်။
ဒါပေမယ့်လည်း အသက် ၂၂ နှစ်သားကို ခေါ်ယူဖို့ လိုက်ပ်ဇစ်ဘက်က မည်သည့်ကမ်းလှမ်းမှုမှမလုပ်သေးတာဖြစ်ပါတယ်။ ဆိုင်မွန်အပြောင်းအရွှေ့က သတင်းကြီးနေချိန်မှာပဲ ကစားသမားက လန်ဒန်မြေကိုရောက်နေခဲ့တာဖြစ်ပါတယ်။ အသက် ၂၂ နှစ်သားဟာ တော့တင်ဟမ် နဲ့ ၂၀၃၀ မတိုင်ခင်အထိ စာချုပ်ချုပ်ဆိုမှာဖြစ်ကာ ၂ နှစ်ထပ်မံသက်တမ်းတိုးခွင့်လည်းပါရှိတာဖြစ်ပါတယ်။
မက်ဒီဆင်ကို ကာလရှည်လက်လွှတ်ရမှာဖြစ်တာကြောင့် အီဇီးကိုခေါ်ယူဖို့ လုပ်ဆောင်ခဲ့ပေမယ့် အာဆင်နယ်က ကြားဖြတ်ခေါ်ယူခဲ့တာကြောင့် အခုဆိုင်မွန်ကို အစားထိုးခေါ်ယူခဲ့ရတာဖြစ်ပါတယ်။ လိုက်ပ်ဇစ်ဘက်က အီလီယော့တ်ကို တရားဝင်မကမ်းလှမ်းသေးပေမယ့် လာမယ့်ကမ္ဘာ့ဖလားမှာပါဝင်ချင်တာကြောင့် ကစားသမားအနေနဲ့ အသင်းပြောင်းဖို့များနေပါတယ်။