ရီးရဲလ်မက်ဒရစ်ဟာ နောက်ထပ်ကြယ်စင်စုကစားသမားတွေကို စုနိုင်တယ်လို့ သတင်းတွေ ထွက်ပေါ်နေပြီး ယူရိုသန်း ၁၅၀ သတ်မှတ်ထားတဲ့ ဖလော်ရီယန်ဝက်ဇ်ဟာ သူတို့ရဲ့အလိုရှိတဲ့စာရင်းမှာ ပါဝင်နေတာဖြစ်ပါတယ်။

စပိန်သတင်းစာ Marca ရဲ့ဖော်ပြချက်အရ ရီးရဲလ်မက်ဒရစ်နှင့် ဝက်ဇ်တို့ဟာ ၂၀၂၅ နွေရာသီတွင် လော့စ်ဘလန်ကိုစ်သို့ မပြောင်းရွှေ့မီတွင် လူငယ်ကစားသမားကို လေဗာကူဆင်တွင် နောက်ထပ်တစ်ရာသီ ဆက်ရှိနေစေမယ့် သဘောတူညီမှုတစ်ခုရရှိထားကြောင်းသိရပါတယ်။ ရီးရဲလ်မက်ဒရစ်ဟာ ယခုလအစောပိုင်းတွင် ၁၅ ကြိမ်မြောက် ချန်ပီယံလိဂ်ဖလားကို စံချိန်တင် ရရှိခဲ့သော်လည်း ကမ္ဘာ့အကောင်းဆုံး ကစားသမားအချို့ကို အသင်းသို့ ခေါ်ယူရန် ရှာဖွေနေဆဲဖြစ်ပါတယ်။

အမ်ဘာပေရဲ့ ရောက်ရှိလာမှုကို ပြီးခဲ့တဲ့ သီတင်းပတ်က အတည်ပြုခဲ့ပြီး ကလပ်အနေနဲ့ ဂျာမနီရဲ့ အကောင်းဆုံး လူငယ်ကစားသမားတွေထဲက တစ်ဦးကို ခေါ်ယူဖို့ ကြိုးပမ်းနေပြီး အနာဂတ်အတွက် အစီအစဉ်တွေကို ဆက်လက်လုပ်ဆောင်နေပါတယ်။ ဝက်ဇ်ဟာ မကြာသေးမီ ရက်သတ္တပတ်များအတွင်း ဘိုင်ယန်မြူးနစ်အသင်းနှင့်လည်း ချိတ်ဆက်မှု ပြုလုပ်ခဲ့ပါတယ်။

ဝက်ဇ်အတွက် ရီးရဲလ်မက်ဒရစ်ရဲ့ အလားအလာရှိတဲ့ အပြောင်းအရွှေ့နဲ့ ပတ်သတ်ပြီး ချက်ခြင်းထွက်လာတဲ့မေးခွန်းတွေထဲက တစ်ခုက တိုက်စစ်မှူးက ဘယ်နေရာမှာ ကစားမှာလဲဆိုတာဖြစ်ပါတယ်။ ဒီနွေရာသီမှာ အမ်ဘာပေနဲ့ အန်ဒရစ်တို့ဟာ ဘယ်လင်ဂမ်၊ ဂျူနီယာနှင့် ရိုဒရီဂိုတို့နဲ့ ချိတ်ဆက်ကစားရမှာဖြစ်ပါတယ်။ ဒါကြောင့် ဖြစ်နိုင်ခြေအရှိဆုံး အခြေအနေကတော့ ဘယ်လင်ဂမ်က နံပါတ် ၈ နေရာကို ပြောင်းသွားပြီး ဝက်ဇ်က အဓိကတိုက်စစ်မှူးနောက်တွင် ကစားနိုင်တာဖြစ်ပါတယ်။

ယခုအခါ ဝက်ဇ်ဟာ ဂျာမနီရဲ့ယူရို ၂၀၂၄ တွင် အဓိကအခန်းကဏ္ဍမှ ပါဝင်ဖို့ရှိနေပြီး ဇာတိမြေတွင် နိုင်ငံတကာပြိုင်ပွဲကြီးတစ်ခုကို အကောင်းဆုံးကစားနိုင်ရန် မျှော်လင့်နေပါတယ်။ မက်ဒရစ်က သူ့ကိုခေါ်ယူနိုင်ဖို့ ၁၂ လလောက် စောင့်ရမယ်ဆိုရင် ရှုံးပွဲမရှိဘဲ အမှတ်ပေးဖလားနှင့်ပြည်တွင်းဖလားတို့ကို စံချိန်တင်ရရှိထားတဲ့ လေဗာကူဆင်နှင့်အတူ ပြန်ကစားနိုင်မယ့် အခွင့်အရေးရှိနေမှာဖြစ်ပါတယ်။