ရီးရဲလ်မက်ဒရစ်ဟာ ဖီဖာ ကလပ်ကမ္ဘာ့ဖလားတွင် ဖလူမီနိစ်နှင့် တတိယနေရာလုပွဲ ကစားရတော့မှာမဟုတ်ဘဲ နှစ်သင်းစလုံး ပြိုင်ပွဲမှ ထွက်ခွာခဲ့ပြီဖြစ်ပါတယ်။ စပိန်နှင့် ဘရာဇီးမှ အင်အားကြီးအသင်းတွေဟာ အမေရိကန်ပြည်ထောင်စုတွင် ကျင်းပသည့် ကမ္ဘာလုံးဆိုင်ရာပြိုင်ပွဲ၌ အဓိကဆုဖလားအတွက် ယှဉ်ပြိုင်ရန် မျှော်လင့်ခဲ့သော်လည်း အဓိကဖလားကြီးများ ထပ်မံရယူရန် ကြိုးပမ်းမှုမှာ အဆုံးသတ်သွားခဲ့ပြီဖြစ်ပါတယ်။

လာလီဂါမှ ဘီလူးကြီး ရီးရဲလ်မက်ဒရစ်ဟာ ဆီမီးဖိုင်နယ်တွင် ချန်ပီယံလိဂ်ဆုရှင် ပီအက်စ်ဂျီ ကို ၄-၀ ဂိုးဖြင့် အရှက်တကွဲ ရှုံးနိမ့်ခဲ့ပြီး ဖလူမီနီးကမူ ပရီးမီးယားလိဂ်အသင်း ချဲလ်ဆီးကို ၂-၀ ဂိုးဖြင့် ရှုံးနိမ့်ခဲ့ပါတယ်။

ပီအက်စ်ဂျီ နှင့် ချဲလ်ဆီးတို့ဟာ ယခုတနင်္ဂနွေနေ့တွင် နယူးဂျာစီပြည်နယ်ရှိ MetLife Stadium ၌ ဗိုလ်လုပွဲ ယှဉ်ပြိုင်ကစားရန် စီစဉ်ထားသော်လည်း ကြေးတံဆိပ်ဆုတွေကိုတော့ ပေးအပ်မှာ မဟုတ်ပါဘူး။ အလွန်ပူပြင်းတဲ့ အခြေအနေများအောက်တွင် ကစားခဲ့ရတဲ့ ပြိုင်ပွဲအပြီးတွင် ရီးရဲလ်နှင့် ဖလူမီနိစ်တို့ အိမ်ပြန်ရန် အခွင့်အရေးရှိကြောင်း ဖီဖာက သဘောတူညီခဲ့ပါတယ်။ ဆိုလိုသည်မှာ ကလပ်ကမ္ဘာ့ဖလား သမိုင်းတွင် ပထမဆုံးအကြိမ်အဖြစ် တတိယနေရာလုပွဲကို ကျင်းပမှာ မဟုတ်တော့ပါဘူး။

ရီးရဲလ်မက်ဒရစ်က သူတို့ရဲ့ ၂၀၂၄-၂၅ ရာသီ ပွဲစဉ်ပေါင်း ၆၈ ပွဲအထိ ကစားခဲ့ရပြီး ကီလီယန် အမ်ဘာပေ နှင့် အသင်းဖော်တွေဟာ သြဂုတ် ၁၉ ရက်တွင် အိုဆာဆူနာ နှင့် ကစားမယ့် လာလီဂါ ရာသီသစ်မစတင်မီ အနားယူရန် လိုအပ်နေပါတယ်။

ဖလူမီနီးက ၂၀၂၃ ကလပ်ကမ္ဘာ့ဖလားတွင် ဗိုလ်လုပွဲ၌ မန်စီးတီး ကို ရှုံးနိမ့်ခဲ့ပြီး ဒုတိယနေရာ ရရှိခဲ့ဖူးပါတယ်။ သို့သော် ဇူလိုင် ၁၈ ရက် ခရူဇီရို နှင့် စတင်ကစားရမယ့် ပြည်တွင်းလိဂ်ပွဲစဉ်အတွက် ပြင်ဆင်နေချိန်၌ အသင်းအတွက် ဆက်တိုက် ဆုဖလားရရှိမှု ဖြစ်ပေါ်လာမှာ မဟုတ်ပါဘူး။