အခုနွေရာသီအပြောင်းအရွှေ့ကာလအတွင်း၊ အိုဆာဆူနာမှ ရောက်ရှိလာပြီးနောက် ပရီးမီးယားလိဂ်ဘောလုံးလောကရဲ့ ပြင်းထန်မှုကြောင့် သူ့ရဲ့တိုးတက်မှုအရှိန်အဟုန် ပိုမိုကောင်းမွန်လာပြီလို့ လီဗာပူးတောင်ပံကစားသမားမူနော့ဇ်က ယုံကြည်နေပါတယ်။

ဒီစပိန်လက်ရွေးစင်က မာဆေးဆိုဒ်ဆီ ယူရိုသန်း ၄၀ ဖြင့် ရောက်ရှိလာပြီး အန်ဒိုအီရာအိုလာလက်ထက် ပထမဆုံးခေါ်ယူတဲ့ ကစားသမားလည်း ဖြစ်လာခဲ့ပါတယ်။

ချက်နဲ့ကစားရမယ့် စပိန်ရဲ့နေရှင်းလိဂ်ပွဲစဉ်မတိုင်မီ မူနော့ဇ်က ပရီးမီးယားလိဂ်နဲ့ အသားကျအောင်နေထိုင်ရမှုကြောင့် သူ့ရဲ့ကစားဟန် တိုးတက်လာစေဖို့ ဘယ်လိုစိန်ခေါ်မှုတွေ ဖြစ်စေခဲ့သလဲဆိုတာ ရှင်းပြခဲ့ပါတယ်။

"လာလီဂါနဲ့ ပရီးမီးယားလိဂ်ကြား ကွာခြားချက်တွေကို ကျွန်တော် သေချာပေါက် သတိပြုမိပါတယ်" လို့ မူနော့ဇ်က ကြာသပတေးနေ့မှာ သတင်းထောက်တွေကို ပြောပါတယ်။

"လာလီဂါမှာ နည်းဗျူဟာပိုင်း ပိုမိုအသားပေးပါတယ်။ ပရီးမီးယားလိဂ်ပွဲစဉ်တွေကတော့ ရုပ်ပိုင်းဆိုင်ရာယှဉ်ပြိုင်မှု ပိုများပါတယ်။ အဲဒီကလေ့ကျင့်ရေးတွေမှာ ပြင်းထန်မှုနှုန်းက အရမ်းမြင့်မားတာကြောင့် အဲဒီကွာခြားချက်ကို သိသာစေပါတယ်။ ဒါက ကျွန်တော့်ကို ပိုမိုတိုးတက်လာအောင် အထောက်အကူ ပြုပေးနေပါတယ်" လို့ ဆိုပါတယ်။