ယူနိုက်တက် ဂန္ထဝင် ကစားသမားဟောင်း ဒွိုက်ယော့ခ်က ယခုနွေရာသီတွင် အလီဂျန်ဒရို ဂါနာချိုကို ရောင်းချခြင်း မပြုရန် အသင်းအား အကြံပေးခဲ့ပါတယ်။ ဂါနာချိုဟာ ရူဘင် အမ်မိုရင် လက်အောက်တွင် မျက်နှာသာ မရရှိတော့ဘဲ ယခုနွေရာသီတွင် ယူနိုက်တက်မှ ထွက်ခွာရန် သတင်းများ ထွက်ပေါ်နေပါတယ်။ 

အာဂျင်တီးနား တောင်ပံကစားသမားဟာ ပြီးခဲ့တဲ့ရက်သတ္တပတ်က ယူရိုပါလိဂ် ဖိုင်နယ်တွင် တော့တင်ဟမ်ကို ရှုံးနိမ့်ခဲ့တဲ့ပွဲ၌ ဒုတိယပိုင်း အရန်ကစားသမားအဖြစ်သာ ပါဝင်ခွင့်ရခဲ့ပြီးနောက် သူ့မကျေနပ်မှုကို ပြတ်ပြတ်သားသား ပြောဆိုခဲ့ပါတယ်။ ထို့နောက် တနင်္ဂနွေနေ့က ရာသီရဲ့ နောက်ဆုံးပွဲစဉ်ဖြစ်တဲ့ အက်စတွန်ဗီလာနှင့် ပွဲစဉ်တွင် အသင်းလူစာရင်းမှ ချန်လှပ်ခံခဲ့ရပါတယ်။

သို့သော်လည်း ကလပ်ဂန္ထဝင် ကစားသမားဟောင်း ယော့ခ်က PokerScout ကို ပြောကြားရာတွင် အကယ်၍ အသင်းအနေနဲ့ ထိုလူငယ်ကစားသမားကို ရောင်းချရန် ရွေးချယ်ပါက ကြီးမားသော အမှားတစ်ခု ဖြစ်လိမ့်မယ်လို့ခံစားရကြောင်း ပြောကြားခဲ့ပါတယ်။

"ယူနိုက်တက်ဟာ အလီဂျန်ဒရို ဂါနာချိုကို ရောင်းထုတ်ဖို့ စဉ်းစားရင် ရူးသွပ်ရာ ရောက်ပါလိမ့်မယ်။ သူက အရမ်းငယ်ပြီး အရမ်းကောင်းတဲ့ လူငယ်ကစားသမားပါ။ ယူနိုက်တက်မှာ မျှော်လင့်ချက်တွေ မြင့်မားတာကြောင့် သူ့ရဲ့ ခြေစွမ်းကျဆင်းတာကို မြင်ရတာ ပုံမှန်ပါပဲ။ ပြဿနာက သူ့ကို အနားပေးဖို့ တကယ်တမ်း အသင်းလူစာရင်း မရှိတာပါ။ ဘာလို့လဲဆိုတော့ အစားထိုး ကစားသမားတွေက အဆင့်မီ မဟုတ်လို့ပါဘူး။ သူ့အသက်အရွယ်အတွက် အရမ်းများတဲ့ ပွဲတွေ ကစားနေရပြီး ဒါကို ကျွန်တော် နားလည်ပါတယ်"

"သူသာ အနားရခဲ့ရင် ပိုပြီး စိတ်အားထက်သန်မှုနဲ့ ပြန်လာမှာပါ။ သူ သင်ယူမှု အဆင့်ကို လိုအပ်ပြီး ဒါကို ကူညီဖို့က နည်းပြရဲ့ တာဝန်ပါ။ ဒါပေမယ့် သူ အနားမရဘူး။ ဘာလို့လဲဆိုတော့ ယူနိုက်တက်က သူ့ကို အနားပေးဖို့ မတတ်နိုင်လို့ပါ။ သူ ပင်ပန်းနွမ်းနယ်နေတာလို့ ထင်ပါတယ်။ ဒါပေမယ့် ယူနိုက်တက်က သူ့ကို ဖယ်ရှားဖို့ စဉ်းစားရင်တောင် ရူးသွပ်ရာရောက်မယ်လို့ ကျွန်တော် ထင်ပါတယ်" လို့ ယော့ခ်ပြောပါတယ်။

ဗီလာနှင့် ပွဲစဉ်မတိုင်မီတွင် ဂါနာချိုရဲံ ချစ်သူ အီဗာ ဂါစီယာက သူမရဲ့ Instagram တွင် ကစားသမား၏ အနာဂတ်နှင့် ပတ်သက်၍ အဓိက သဲလွန်စတစ်ခု ပေးခဲ့ပါတယ်။ သူမက ၎င်းတို့ရဲ့ သားလေးနဲ့အတူ ယူနိုက်တက်ဂျာစီကို ဓာတ်ပုံရိုက်ကာ "နောက်ဆုံးပွဲ" ဟူသော စာသားကို မျက်ရည်ကျနေတဲ့ အီမိုဂျီနှင့်အတူ မျှဝေခဲ့ပါတယ်။

အသက် ၂၀ နှစ်အရွယ် ကစားသမားဟာ သူ့ရဲ့ အနာဂတ်နှင့် ပတ်သက်၍ ဆုံးဖြတ်ချက် မချရသေးသော်လည်း ချန်ပီယံဆု ရရှိထားတဲ့ နာပိုလီအသင်းဟာ အာဂျင်တီးနား ကြယ်ပွင့်ကို ခေါ်ယူရန် စိတ်ဝင်စားမှု ပြသနေကြောင်း The Telegraph က တနင်္ဂနွေနေ့တွင် ဖော်ပြခဲ့ပြီး ချဲလ်ဆီးကလည်း အရင်က ချိတ်ဆက်မှုများ ရှိခဲ့ပါတယ်။