အီတီဟတ်တွင် ကစားခဲ့တဲ့ ချန်ပီယံလိဂ် ပလေးအော့ဖ်ပထမအကျော့တွင် ဟာလန်းရဲ့ သွင်းဂိုး ၂ ဂိုးဖြင့် မန်စီးတီးက ဦးဆောင်နေခဲ့ပါတယ်။ သို့သော်လည်း မက်ဒရစ်က အမ်ဘာပေ၊ ဒီးယက်ဇ် နှင့် ဘယ်လင်ဂမ်တို့ရဲ့ဂိုးများဖြင့် ပွဲကို ပြန်လည်ချေပနိုင်ခဲ့ပါတယ်။ မန်စီးတီးဟာ ၂-၁ ဂိုးဖြင့် ဦးဆောင်နေစဉ် ၁၀ မိနစ် ၁၀ သာ ပွဲကိုထိန်းချုပ်ထားတယ်လို့ ထင်ရပါတယ်။ သို့သော် စိတ်ဓာတ်မခိုင်မာမှု၊ ခံစစ်အမှားများနှင့် မက်ဒရစ်ရဲ့ ဂိုးရရန် မဆုတ်မနစ် ကြိုးပမ်းမှုတို့ကြောင့် ဒီယက်ဇ် နှင့် ဘယ်လင်ဂမ်တို့က နောက်ဆုံးမိနစ်များတွင် ဂိုးသွင်းနိုင်ခဲ့ပြီး ဘာနေဗျူးတွင် ကစားမယ့် ဒုတိယအကျော့အတွက် အသာစီးရရှိခဲ့ပါတယ်။

ပွဲအပြီး Amazon Prime သို့ ပြောကြားရာတွင် ရွန်းနီက မန်စီးတီးရဲ့ နည်းဗျူဟာကို ဝေဖန်ခဲ့ပြီး ဂွါဒီယိုလာ လက်ထက်တွင် သူတို့၏ အောင်မြင်မှုကို သတ်မှတ်ပေးခဲ့တဲ့ ယုံကြည်မှုကို ကစားသမားများတွင် မတွေ့ရကြောင်း ပြောကြားခဲ့ပါတယ်။ "မန်စီးတီးမှာ လိုအပ်ချက်တွေ အများကြီးရှိတယ်လို့ ကျွန်တော်ထင်ပါတယ်။ အထူးသဖြင့် ပွဲနောက်ပိုင်းမှာပါ။ ကျွန်တော့်အတွက် မန်စီးတီးကစားသမားတွေက လွန်ခဲ့တဲ့ နှစ်တွေမှာ ခိုင်မာတဲ့ ယုံကြည်မှုနဲ့ ယုံကြည်ချက်တွေ ရှိခဲ့ပါတယ်။ ဒီညမှာ ကစားသမားတွေက တစ်ယောက်ကို တစ်ယောက် ကြည့်နေကြတယ် တစ်ယောက်ကို တစ်ယောက် ယုံကြည်မှု မရှိသလို ဖြစ်နေတယ်။ ဒါက ဂွါဒီယိုလာအတွက် စိုးရိမ်စရာပါလို့ ကျွန်တော်ထင်ပါတယ်။ မက်ဒရစ်က သူတို့ရဲ့ ပထမဦးစားပေးခံစစ်မှုး ၄ ယောက်ထဲက တစ်ယောက်မှ မပါဘဲ ဒီကို ရောက်လာတာပါ အန်ဆယ်လော့တီက ဒါကို တစ်ခါမှ မပြောခဲ့ဘူးလို့ ကျွန်တော်ထင်ပါတယ်"လို့ သူက Prime Video ကို ပြောကြားခဲ့ပါတယ်။ 

မန်စီးတီးဟာ ပွဲရဲ့နောက်ဆုံးအဆင့်တွင် စီမံခန့်ခွဲမှုက ညံ့ဖျင်းကြောင်း ထပ်လောင်းပြောကြားခဲ့ပြီး သူတို့ ဦးဆောင်နေစဉ်တွင် ပိုမိုလက်တွေ့ကျတဲ့ ချဉ်းကပ်မှုကို ကျင့်သုံးသင့်ကြောင်း ရွန်းနီက အကြံပြုခဲ့ပါတယ်။ "မက်ဒရစ်ကို ၂-၁ ဂိုး ဖြင့် ဦးဆောင်နေပြီး ဘာနေဗျူးမှာ နောက်ထပ်တစ်ပွဲကစားဖို့ ရှိနေတဲ့အခါ သူတို့ရဲ့ကွင်းတစ်ဝက်ခြမ်းမှာသာ ဘောလုံးကို ပေးကစားသင့်တယ်လို့ ပြောရမှာပါ" လို့ ရွန်းနီက ပြောပါတယ်။

ပွဲအပြီးတွင် စောဒကတက်ခံရတဲ့ အဓိကလူတွေထဲက တစ်ဦးမှာ ဂိုးသမား အီဒါဆင် ဖြစ်ပြီး သူ့ရဲ့စွမ်းဆောင်မှုက မန်စီးတီး ပရိသတ်တွေအတွက် စိတ်ပျက်စေခဲ့ပါတယ်။ ဘရာဇီးဂိုးသမားဟာ မက်ဒရစ်ရဲ့ချေပဂိုးမှာ အမှားလုပ်ခဲ့ပြီး ဘယ်လင်ဂမ်ရဲ့ နောက်ဆုံးဂိုးအတွက် ဆုံးဖြတ်ချက်များနှင့် ပတ်သက်ပြီး မေးခွန်းထုတ်ခံခဲ့ရပါတယ်။

ရှုံးနိမ့်ကြောင့် မန်စီးတီးဟာ လာမယ့် ဗုဒ္ဓဟူးနေ့ မက်ဒရစ်သို့ သွားရောက်ကစားတဲ့အခါ အနိုင်မရရှိခဲ့ပါက ချန်ပီယံလိဂ်ကနေ စောစောစီးစီးထွက်ခွာရမည်ကို သိရှိထားပါတယ်။ စပိန်သို့ သွားရောက်မကစားမီ မန်စီးတီးဟာ စနေနေ့တွင် ပရီးမီးယားလိဂ်ပွဲစဉ်အဖြစ် နယူးကာဆယ်နှင့် ကစားရမှာဖြစ်ပါတယ်။ နည်းပြကတော့ သူ့ကစားသမားတွေထံကနေ ခိုင်မာတဲ့ တုံ့ပြန်မှုကို မျှော်လင့်နေမှာ ဖြစ်ပြီး ဘာနေဗျူးမှာ ပြန်လည်ကစားမယ့် ပွဲအတွက် ယုံကြည်မှုက အရေးကြီးကြောင်း သိရှိထားပါတယ်။