အင်္ဂလန်လက်ရွေးစင် နောက်ခံလူဟောင်းတစ်ဦးဖြစ်တဲ့ ဆိုးလ် ကမ်းဘဲလ်ရဲ့ တော့တင်ဟမ်အသင်းကနေ မြောက်လန်ဒန်ပြိုင်ဘက် အာဆင်နယ်အသင်းကို ပြောင်းရွှေ့ခဲ့ခြင်းဟာ ပရီးမီးယားလိဂ်သမိုင်းတစ်လျှောက်မှာ အငြင်းပွားဖွယ်ရာ အကောင်းဆုံးဖြစ်ခဲ့ပါတယ်။ သူဟာ ၂၀၀၁ ခုနှစ် နွေရာသီမှာ ဘာစီလိုနာအသင်းနဲ့ လက်တွဲတော့မယ့်ပုံပေါ်ခဲ့ပေမဲ့ စာချုပ်သက်တမ်းကုန်ဆုံးချိန်မှာ အာဆင်နယ်ကို အလွတ်ပြောင်းရွှေ့ကြေးနဲ့ ရောက်ရှိလာခဲ့တာ ဖြစ်ပါတယ်။

နည်းပြ အာဆင်းဝင်းဂါးဟာ ကမ်းဘဲလ်ရဲ့ အားသာချက်တွေအပေါ် အခြေခံပြီး ချန်ပီယံဆု (၂) ကြိမ်ရခဲ့တဲ့ နောက်တန်းကို တည်ဆောက်ခဲ့ပါတယ် ဒါပေမဲ့ သူဟာ တော့တင်ဟမ်ပရိသတ်တွေရဲ့ ခွင့်လွှတ်ခြင်းကိုတော့ ဘယ်တုန်းကမှ မရရှိခဲ့ပါဘူး။ တကယ်တမ်းမှာတော့ ကမ်းဘဲလ်ဟာ အရင်က ဝှိုက်ဟတ်လိန်းကွင်းကို ပထမဆုံးအကြိမ် ပြန်ရောက်ခဲ့တုန်းက အာခံစကားတွေ ရွံရှာစရာတွေမျိုးနဲ့ ကြုံခဲ့ရပါတယ် ဘယ်ကစားသမားမှ အဲဒီလို အခြေအနေမျိုးကို မကြုံဖူးပါဘူး။

အီးဇီးဟာ ခရစ္စတယ်ပဲလေ့စ်ကနေ တော့တင်ဟမ်အသင်းကို ပြောင်းရွှေ့ဖို့ ကမ်းလှမ်းမှုကို ပယ်ချခဲ့ပြီး၊ ငယ်ဘဝအသင်းဖြစ်တဲ့ အာဆင်နယ်နဲ့ စာချုပ်သစ် ချုပ်ဆိုခဲ့ပါတယ်။ ဒါဟာ အာဆင်နယ်အသင်းနဲ့ နည်းပြ သောမတ်စ် ဖရန့်ခ်ရဲ့အသင်းတို့ နောက်တစ်ကြိမ် ကစားတဲ့အခါမှာ အီးဇီးအနေနဲ့လည်း ဆိုးလ် ကမ်းဘဲလ်လိုမျိုး အခြေအနေမျိုးနဲ့ ကြုံတွေ့ရနိုင်တယ်လို့ အချို့က ယူဆနေကြပါတယ်။ ဒါပေမဲ့ ကမ်းဘဲလ်ကတော့ အီးဇီးဟာ ပိုမိုလွယ်ကူတဲ့ အခြေအနေမျိုးနဲ့သာ ရင်ဆိုင်ရလိမ့်မယ်လို့ ယုံကြည်နေပါတယ်။

သူဟာ Paddy Power သို့ "သူ အချို့အနှောင့်အယှက်တွေတော့ ရနိုင်ပါတယ်၊ ဒါပေမဲ့ အာဆင်နယ်ကစားသမားအဖြစ်နဲ့ တော့တင်ဟမ်ကို ကျွန်တော်ပြန်ရောက်တုန်းက ကြုံခဲ့ရတာနဲ့တော့ ယှဥ်လို့ရမှာ မဟုတ်ပါဘူး။ ဒီလိုဖြစ်အောင်လည်း ဒီဘက်ခေတ်မှာ ခွင့်ပြုမှာ မဟုတ်တော့ပါဘူး။ အဲဒီအချိန်တုန်းက ဖြစ်ပျက်ခဲ့တာကို အခု ဘယ်သူမှလည်း ထပ်ပြီးတော့ ပြောချင်ကြမှာ မဟုတ်တော့ပါဘူး။ ကျွန်တော်ကတော့ အခုထိ ရန်ပြုခြင်းခံနေရဆဲဖြစ်ပြီး၊ ဒါဟာလည်း ဘယ်တော့မှ ရပ်တန့်တော့မှာ မဟုတ်ပါဘူး"

"အီးဇီးအတွက် ဒီအပြောင်းအရွှေ့က ဘာကိုဆိုလိုသလဲဆိုတာကို ခင်ဗျားတို့ မြင်နိုင်ပါတယ်၊ ကွင်းထဲကို လျှောက်လာတဲ့အခါမှာ အိမ်ကိုပြန်လာသလို ခံစားရပါတယ်၊ သူဟာ ကလေးဘဝတုန်းက အာဆင်နယ်ပရိသတ်တစ်ဦးဖြစ်ပြီး၊ သူ့ရဲ့ကစားသမားဘဝကိုလည်း အဲဒီမှာပဲ စတင်ခဲ့တာ ဖြစ်ပါတယ်။ ဒါဟာ သူရဲ့ကလပ်ဖြစ်ပြီး အာဆင်နယ်က ဝင်လာတဲ့အခါမှာ ဒါဟာ အဆုံးသတ်ပဲလို့ ခံစားခဲ့ရပါတယ်၊ ဒါဟာ ပြန်လည်ဆုံဆည်းခြင်းနဲ့ တူပါတယ်လို့ ကျွန်တော် ခံစားရပါတယ်" လို့ ပြောပါတယ်။

ပခုံးဒဏ်ရာရနေတဲ့ မာတင် အိုဒီဂတ်ကြောင့် အီးဇီးဟာ တနင်္ဂနွေနေ့မှာ အန်ဖီးလ်ကွင်းမှာ လီဗာပူးအသင်းနဲ့ ကစားမယ့်ပွဲမှာ ပထမဆုံးအကြိမ် ပါဝင်ကစားခွင့်ရနိုင်ပါတယ်၊

"သူဟာ အသင်းထဲမှာ တွေးမထားတဲ့ ပုံစံမျိုးကို ပေးစွမ်းနိုင်မှာပါ။ သူဟာ ဘယ်လို ခံစစ်ကစားရမယ်၊ ဘယ်လို တိုက်စစ်ဆင်ရမယ်ဆိုတာကို သိပါတယ်။ သူတို့ဟာ ခံစစ်တွေကို ဖြိုခွဲနိုင်ဖို့ တွေးမထားတဲ့ လှုပ်ရှားမှုတွေကို ယူဆောင်လာဖို့ သူ့ကို ခေါ်ယူခဲ့တာလို့ ကျွန်တော်ထင်ပါတယ်။ အာဆင်နယ်ဟာ အဲလိုမျိုး ကစားသမားတွေ ပိုမိုလိုအပ်ပါတယ်၊ အသင်းရဲ့စနစ်ထဲမှာ လိုအပ်တာတွေကို ဖွင့်ပေးနိုင်တဲ့ အထူးချွန်ဆုံး ကစားသမားမျိုးတွေ ဖြစ်ပါတယ်။ အာဆင်နယ်အသင်းဟာ ဒီလိုမျိုး ကစားသမားတွေကို ပြန်ခေါ်ယူတာကို မြင်တွေ့ရတာ ကောင်းပါတယ်" လို့ ကမ်းဘဲလ်က ထပ်လောင်းပြောပါတယ်။

အာဆင်နယ်နဲ့ လီဗာပူး နှစ်သင်းစလုံးဟာ ရာသီသစ်ကို ရာနှုန်းပြည့် အနိုင်ပွဲတွေနဲ့ စတင်ခဲ့တာကြောင့် ဒီအပတ်မှာတော့ မာဆေးဆိုက်ဒ်မှာ ပေးဆပ်ရမယ့် အခြေအနေမျိုး ဖြစ်လာမှာပါ။ ဒါပေမဲ့ ကမ်းဘဲလ်ကတော့ ဒဏ်ရာပြဿနာ အချို့ရှိနေပေမဲ့ သူရဲ့အသင်းဟောင်း အာဆင်နယ်က အသာရလိမ့်မယ်လို့ ယုံကြည်နေပါတယ်၊

"ဒီအပတ်မှာတော့ ပွဲကြီးပွဲကောင်း ဖြစ်ပါတယ်၊ ကျွန်တော် အာဆင်နယ်က ၂-၁ ဂိုး နဲ့ နိုင်မယ်လို့ ထင်ပါတယ်" လို့ သူက ပြောပါတယ်။ "သူတို့မှာ ရှေ့တန်းကနေ ကစားနိုင်တဲ့ ကြီးမားတဲ့ ကစားသမားတွေ ရှိနေပါတယ်၊ ရောကရက်စ်က နံပါတ်တစ်ပစ်မှတ်ကစားသမားအဖြစ် ရှိနေပါတယ်၊ အီးဇီးလည်း ဝင်လာပြီး အပြောင်းအလဲတွေ လုပ်ပေးနိုင်ပါတယ်။ လိဒ်စ်နဲ့ ကစားခဲ့တဲ့ပွဲစဥ်လို ခြေစွမ်းမျိုးပြသနိုင်တာ ကောင်းပါတယ်၊ ဒါပေမဲ့ ကျွန်တော် အမြဲတမ်းပြောခဲ့တာကတော့ ရလဒ်တွေပေါ်မှာ မနေထိုင်ပါနဲ့လို့ ပြောခဲ့ပါတယ် အဲဒီရလဒ်တွေပေါ်မှာ တည်ဆောက်နိုင်မယ်ဆိုရင်တော့ အောင်မြင်မှုတွေ ရတော့မှာပါ၊ အဲဒီအခါမှာတော့ ဒီရာသီမှာ အထူးအရာတစ်ခု ဖြစ်လာနိုင်ပါတယ်"

"ကျွန်တော့်အတွက်တော့ လီဗာပူးဟာ ဗိုလ်စွဲဖို့ ရေပန်းစားနေဆဲပါ၊ သူတို့ဟာ ရာသီအစကို စိတ်ဝင်စားစရာပုံစံနဲ့ စတင်ခဲ့ပါတယ်၊ ဒါပေမဲ့ ပြီးခဲ့တဲ့နှစ်က ချန်ပီယံဖြစ်ခဲ့တာကြောင့် ရေပန်းစားနေတဲ့ အသင်းအဖြစ် မြင်နေရမှာ ဖြစ်ပါတယ်၊ ဒါပေမဲ့ ကျွန်တော်တော့ အာဆင်နယ်က ဒီရာသီမှာ ဗိုလ်စွဲနိုင်မယ်လို့ ထင်ပါတယ်"

"ယုံကြည်ခြင်းဟာ ပထမဆုံးခြေလှမ်း ဖြစ်ပါတယ်။ လုပ်နိုင်တယ်လို့ ယုံကြည်ပါ၊ နောက်ကွယ်ကနေ အလုပ်တွေအားလုံးကို လုပ်ပါ၊ သင့်ရဲ့နောက်ပိုင်းတွေကို လုပ်ပါ၊ အရင်ကထက် ပိုမိုနီးစပ်ဖို့အတွက် သင့်စွမ်းအားတွေကို လုပ်ပါ၊ အဲဒီအခါကျရင် သင်ဟာ တကယ်ကို လိဂ်ဖလားကို ဆွတ်ခူးနိုင်တယ်လို့ ယုံကြည်ပါတယ်၊ အဲဒီအခြေအနေမျိုးတွေကို ကျွန်တော်မြင်ဖူးပါတယ်၊ အဲဒီအခြေအနေမျိုးတွေမှာလည်း ကျွန်တော် ရှိခဲ့ဖူးပါတယ်" လို့ ကမ်းဘဲလ်က ပြောပါတယ်။