ချဲလ်ဆီးနဲ့လိဂ်ဖလားဖိုင်နယ်ပွဲမှာ ဆာလက်၊ နူနက်ဇ်တို့ ပါဝင်လာဖွယ်ရှိနေ
လီဗာပူးအသင်းဟာ စီနီယာကစားသမား ၉ ဦးလောက် လွဲချော်ခဲ့ပေမယ့် လူတန်တောင်းကို ၄-၁ နဲ့အနိုင်ရပြီးနောက် အမှတ်ပေးဇယားကို ၄ မှတ်ဖြတ်ကာ ဦးဆောင်နိုင်ခဲ့ပါတယ်။ အလီဆင် ၊ အာနိုးလ် ၊ မာတစ် ၊ သီယာဂို ၊ ကာတစ်ဂျုံးစ် နဲ့ ဂျိုတာတို့ဟာ ဝင်ဘာလေမှာကန်မယ့်ဖိုင်နယ်ပွဲကို လွဲချော်ဖွယ်ရှိနေပါတယ်။
လီဗာပူးဘက်ကတော့ ကလော့ပ်ရဲ့နောက်ဆုံးရာသီမှာ ဖလား ၄ လုံးချန်ပီယံဖြစ်ဖို့ ပစ်မှတ်ထားနေပါတယ်။ “ဒွန် ၊ ဒါဝင်နဲ့ မိုတို့ပြန်လာခါနီးပါပြီ။ ကျွန်တော်တို့ ၂ ရက်အချိန်ရပါသေးတယ်။ ဒီနေ့လေ့ကျင့်ခန်းအပြင် မနက်ဖြန်လေ့ကျင့်ခန်းပါ ကျန်နေပါသေးတယ်။ သူတို့ပါဝင်နိုင်မလားဆိုတာ နောက်ဆုံးမိနစ်အထိ စောင့်ကြည့်ရပါမယ်”လို့ ကလော့ပ်ရဲ့လက်ထောက် ပက်လင်ဒါက ပြောကြားခဲ့ပါတယ်။
လီဗာပူးအသင်းဟာ လွန်ခဲ့တဲ့ ၁ လလောက်တုန်းက ချဲလ်ဆီးကို ၄-၁ နဲ့ အနိုင်ရရှိထားခဲ့ပေမယ့် လင်ဒါက ချဲလ်ဆီးအသင်းရဲ့တိုးတက်လာမှုကို စိုးရိမ်နေပါတယ်။ ပိုချက်တီနိုလက်အောက် ချဲလ်ဆီးအသင်းဟာ ရုန်းကန်နေရပြီး အဆင့် ၁၀ နေရာမှာ ရပ်တည်နေကာ ပြီးခဲ့တဲ့အပတ်က မန်စီးတီး ၁-၁ သရေကျခဲ့ပြီးနောက် လီဗာပူးက ချန်ပီယံဖြစ်ဖို့ ရေပန်းစားလာပါတယ်။
လင်ဒါက အာဂျင်တိုင်းသားဟာ ချဲလ်ဆီးအသင်းကို လမ်းကြောင်းမှန်ပေါ်တင်ပေးနိုင်နေပြီလို့ ယုံကြည်နေပါတယ်။ “ကျွန်တော်လူအင်အားဖြည့်ဖို့ လိုအပ်ပါတယ်။ ချဲလ်ဆီးက ရာသီအစတုန်းက မတည်ငြိမ်ပေမယ့် အခုတော့ အဆင်ပြေလာနေပါပြီ။ သူတို့တိုးတက်လာနေပါတယ်။ နည်းပြကလည်း အရမ်းကောင်းတဲ့အလုပ်ကို လုပ်ဆောင်နေပါတယ်”လို့ လင်ဒါက ပြောကြားခဲ့ပါတယ်။
လီဗာပူးအသင်းဟာ ချန်ပီယံဖြစ်ခဲ့ရင် ယူနိုက်တက်ရဲ့ပရီးမီးယားလိဂ်စံချိန် အကြိမ်ရေ ၂၀ ကိုလိုက်မီနိုင်မှာဖြစ်ပြီး အက်ဖ်အေဖလားအပြင် ယူရိုပါလိဂ်ဖလား လမ်းကြောင်းပေါ်မှာလည်း ရှိနေဆဲဖြစ်ပါတယ်။ ကလော့ပ်နဲ့အတူ လင်ဒါလည်း ရာသီအကုန်မှာ လီဗာပူးကနေ ထွက်ခွာမှာဖြစ်ပြီး မထွက်ခွာခင်မှာ လီဗာပူးနဲ့အတူ အောင်မြင်မှုရယူချင်နေပါတယ်။
“ကျွန်တော်တို့ ပစ်မှတ်တစ်ခုတည်းရှိနေပါတယ်။ အဲ့တာက ပရိသတ်တွေကို ပျော်ရွှင်မှုပေးချင်တာပါ။ ကျွန်တော်တို့ ဆုဖလားအောင်မြင်မှုတွေရယူနိုင်အောင် ကြိုးပမ်းမှာပါ”လို့ လင်ဒါက ထပ်လောင်းပြောကြားခဲ့ပါတယ်။
