ခရစ္စတယ်ပဲလေ့စ်နဲ့ပွဲက ပထမပိုင်းခြေစွမ်းနဲ့ ပတ်သက်ပြီး အမ်မရာဘတ်အား ဝေဖန်လိုက်တဲ့ ပီတာရှမိုက်ကယ်
အပြောင်းအရွှေ့နောက်ဆုံးရက်တွင် ဖီအိုရင်တီးနားမှ အငှားဖြင့် ရောက်ရှိလာခဲ့တဲ့ အမ်မရာဘတ်ဟာ ပဲလေ့စ်နှင့် ကာရာဘောင်ဖလား တတိယအဆင့်ပွဲစဉ်တွင် ကလပ်အသင်းအတွက် ပထမဆုံးပွဲထွက်ခွင့်ရခဲ့ပြီး ခြေစွမ်းပြနိုင်ခဲ့တာဖြစ်ပါတယ်။
ရီဂူလွန်၊ လုခ်ရှောနှင့် မာလာစီယာတို့ အားလုံး ဒဏ်ရာ ရရှိနေတာကြောင့် မော်ရိုကိုလက်ရွေးစင်ဟာ ရွိုင်းဟော့ဆန်ရဲ့အသင်းနှင့်ပွဲမှာ ဘယ်နောက်ခံလူအဖြစ် ပါဝင်ခဲ့ပြီး ပွဲအစ ၂၅ မိနစ်မှာ ပဲလေ့စ်အသင်း အဖွင့်ဂိုး ရရှိစေမယ့် ဖရီးကစ်ကို သူ့ကြောင့် ပေးခဲ့ရတာဖြစ်ပါတယ်။ အဆိုပါဖရီးကစ်ကို ဟန်ဒါဆင်က ပိတ်သွင်းယူခဲ့တာကြောင့် ပဲလေ့စ်အသင်းက အိုးထရက်ဖို့ဒ်မှာ ဦးဆောင်ဂိုးနှင့်အနိုင်ဂိုး ရရှိသွားခဲ့ပါတယ်။
ယူနိုက်တက်ပရိသတ်တွေရှေ့မှာ မလိုအပ်ဘဲ ဖရီးကစ်ကန်ဖို့ ပေးလိုက်ရတာကြောင့် ပထမပိုင်းမှာ ကွင်းလယ်ကစားသမားအဖို့ ခက်ခဲခဲ့ပါတယ်။ ပထမပိုင်း စွမ်းဆောင်ရည်ကို ပိုင်းခြားစိတ်ဖြာကြည့်မယ့်ဆိုရင် အမ်မရာဘတ်ရဲ့ ညံ့ဖျင်းမှုကို ဂိုးသမားဟောင်း ရှမိုက်ကယ်က ထောက်ပြပြောကြားလိုက်ပါတယ်။
"ကျွန်တော်တို့က ပွဲမစခင် အမ်မရာဘတ်အကြောင်းပြောခဲ့ပြီး ဒါဟာ ပထမဆုံး ပရီးမီးယားလိဂ်ပွဲဖြစ်ကာ သူ့မှာ အခုထိ ကောင်းမွန်တဲ့ ပွဲတစ်ပွဲမှ မရသေးပါဘူး"လို့ ရှမိုက်ကယ်က Premier League Productions သို့ ပြောကြားခဲ့ပါတယ်။ "သူက ဒီဖရီးကစ်ကို ဖြစ်စေခဲ့တဲ့ မိုက်မဲတဲ့ ပြစ်ဒဏ်ကျူးလွန်မှုကို လုပ်ခဲ့တာပါ" "ဒီနေ့ပွဲမှာ ဒိန်းမတ်ကစားသမား ယူနိုက်တက်တိုက်စစ်မှူး ဟွိုက်လန်းကို ဂိုးသွင်းယူနိုင်ဖို့ မျှော်လင့်ထားပေမယ့် အန်ဒါဆင်အတွက် ဒီလိုမျိုး သွင်းဂိုးရရှိခဲ့ပြီး အရမ်းကောင်းတဲ့ဂိုးဖြစ်ပါတယ်"လို့ သူက ပြောပါတယ်။
ဘိုင်ယန်မြူးနစ်နှင့် ချန်ပီယံလိဂ်ပွဲမှာ ဆိုးရွားတဲ့ အမှားတစ်ခုပြုလုပ်ခဲ့တဲ့ အိုနာနာကိုလည်း အန်ဒါဆင်ရဲ့ သွင်းဂိုးနဲ့ ပတ်သက်ပြီး ဆိုရှယ်မီဒီယာမှာ ယူနိုက်တက် ပရိသတ်အချို့က မေးခွန်းထုတ်ခဲ့ကြပါတယ်။ သို့သော် ရှမိုက်ကယ်ကတော့ ကင်မရွန်းလက်ရွေးစင်ကို ပြစ်တင်ပြောကြားခဲ့ခြင်းမရှိပါဘူး။
"ဂိုးသမားက ပိုကောင်းအောင် လုပ်သင့်လား ၊ ခံစစ်က ပိုကောင်းအောင် လုပ်သင့်လား ၊ ဒါကိုပဲ တွေးကြည့်လိုက်ပါ။ ဒါဟာ အံ့သြစရာကောင်းတဲ့ အဆုံးသတ်တစ်ခုပါပဲ" လို့ ရှမိုက်ကယ်က ပြောပါတယ်။
