မန်ချက်စတာယူနိုက်တက်နည်းပြ ရူဘင်အာမိုရင်က ဂရင်းစ်ဘီကိုပင်နယ်တီအဆုံးအဖြတ်နဲ့ရှုံးနိမ့်ခဲ့တဲ့ ကာရာ‌ဘောင်ဖလားပွဲစဉ်မှ အသင်းရဲ့ခြေစွမ်းညံ့ဖျင်းမှုကိုကြည့်ပြီး ထိတ်လန့်ခဲ့ရကြောင်း ဝန်ခံပြောကြားလာခဲ့ပါတယ်။ 

အဆိုပါပွဲစဉ်အတွင်း ယူနိုက်တက်ဟာ ပထမပိုင်းမှာပဲ စတုတ္ထတန်းကလပ် ဂရင်းစ်ဘီရဲ့ ၂ ဂိုးပြတ်ဦးဆောင်ခြင်းကို ခံခဲ့ရတာဖြစ်ပြီး ဒုတိယပိုင်းမှာ ချေပဂိုးတွေပြန်လည်ရရှိခဲ့ဝာာကြောင့် ပင်နယ်တီအထိ အသက်ဆက်နိုင်ခဲ့တာဖြစ်ပါတယ်။ ပင်နယ်တီမှာလည်း ယူနိုက်တက်ဟာ ဂရင်းစ်ဘီကို အနိုင်ရခဲ့ခြင်းမရှိဘဲ ၁၂-၁၁ ဆိုတဲ့ရလဒ်နဲ့ ရှုံးနိမ့်ပြီး ဒီရာသီ ကာရာဘောင်ဖလားပြိုင်ပွဲကို စောစောစီးစီးလက်ပြနှုတ်ဆက်ခဲ့ရပါတယ်။ 

ယခုအခါမှာ အာမိုရင်က "ကျွန်တော် မအံ့ဩမိခဲ့ပါဘူး။ အသင်းရဲ့ခြေစွမ်းကြောင့် ထိတ်လန့်မိခဲ့ပါတယ်။ ဒီပွဲမှာကစားနေတာ ကျွန်တော်တို့အသင်းမဟုတ်ဘူးလို့ ထင်ခဲ့မိပါတယ်။ ဒီလိုပုံစံနဲ့ကစားနေတာ ကျွန်တော်တို့အသင်းမဟုတ်ပါဘူး။ ကျွန်တော်လိုချင်တဲ့ပုံစံအတိုင်း ယူနိုက်တက်ကို ပုံသွင်းသွားနိုင်မယ်လို့ ယုံကြည်ပါတယ်" လို့ပြောကြားခဲ့ပါတယ်။ 

ဆက်လက်ပြီးအာမိုရင် သူ့အနေနဲ့ စတုတ္ထတန်းကလပ်ကိုတောင်ရှုံးနိမ့်ခဲ့ ယူနိုက်တက်ကို ပြန်လည်ပြုပြင်နိုင်မယ်လို့ ယုံကြည်ကြောင်း ပြောကြားခဲ့ပါတယ်။ ပေါ်တူဂီသားနည်းပြက "အချိန်ပေါ်မှာ မူတည်ပြီး အသင်းကိုပြောင်းလဲနိုင်မယ်လို့ယုံကြည်ပါတယ်။ လေ့ကျင်းရေးကွင်းမှာ အသင်းရဲ့အခြေအနေက အရမ်းကောင်းလာပါတယ်။ လာမယ့်ပွဲအတွက် အကောင်းဆုံးပြင်ဆင်နိုင်မှာပါ။ အခုအခြေအနေက ရလဒ်ကိုအဓိက မထားပါဘူး။ အသင်းရဲ့ကစားပုံပိုကောင်းလာဖို့ပဲ အာရုံစိုက်ထားပါတယ်" လို့ပြောကြားခဲ့ပါတယ်။ 

စနေနေ့ညမှာတော့ ယူနိုက်တက်ဟာ တတိယတတိယမြောက်ပရီးမီးယားလိဂ်ပွဲစဉ်အဖြစ် ဘန်လေကို အိမ်ကွင်းအိုးလ်ထရက်ဖို့ဒ်မှာ ဧည့်ခံကစားသွားရမှာဖြစ်ပြီး ဒီရာသီပထမဆုံးနိုင်ပွဲကို စတင်ရယူသွားနိုင်မလား စောင့်ကြည့်ရပါမယ်။