အာဆင်နယ်ဟာ ဂွါဒီယိုလာရဲ့အသင်းအား အမ်မရိတ် ပြင်းထန်တဲ့ ရှုံးနိမ့်မှုကို ခံစေခဲ့ပြီးနောက် ချန်ပီယံဆုအတွက် ပြိုင်ဘက် လီဗာပူးထံ အားကောင်းတဲ့ မက်ဆေ့ချ်တစ်ခု ပေးပို့ခဲ့တာဖြစ်ပါတယ်။ အာဆင်နယ်ဟာ ပထမဆုံးဂိုးကို ပွဲအစ ၂ မိနစ်အတွင်း သွင်းယူနိုင်ခဲ့ပြီး အကန်ဂျီရဲ့ အမှားကနေ အိုဒီဂတ် က မန်စီးတီး ဂိုးသမား အော့တီဂါကို ကျော်ဖြတ်ကာ ဂိုးသွင်းနိုင်ခဲ့ပါတယ်။

အာဆင်နယ်က ဒုတိယမြောက်ဂိုးကို သွင်းယူခဲ့သော်လည်း လူကျွံခဲ့တာကြောင့် ပယ်ချခြင်းခံခဲ့ရပါတယ်။မန်စီးတီးဟာ ပထမပိုင်းအပြီးတွင် ဟာလန်းရဲ့ ဂိုးဖြင့် ပြန်လည်ချေပခဲ့တာဖြစ်ပြီး တိုက်စစ်မှူး ဟာလန်း ဟာ အာဆင်နယ် ကစားသမားများနှင့်သာမက နည်းပြအာတီတာနှင့်ပါ ပဋိပက္ခဖြစ်ခဲ့တာဖြစ်ပါတယ်။

သို့သော် အာဆင်နယ်က တစ်မိနစ်အကြာတွင် ပါတေးရဲ့ သွင်းဂိုးဖြင့် ပြန်လည်ဦးဆောင်နိုင်ခဲ့ပြီး လူးဝစ်စကယ်လီက တတိယဂိုးကို သွင်းယူကာ ဟာလန်းရဲ့ ကျော်ကြားတဲ့ အောင်ပွဲခံပုံအတိုင်း ပြုလုပ်ခဲ့ တာဖြစ်ပါတယ်။ ဟာဗက်ဇ်က မန်စီးတီးဘက်သို့ ထပ်မံဂိုးကို သွင်းယူခဲ့ပြီး နာကျင်အချိန်ပိုတွင် ဝမ်နယ်ရီက ၅ ဂိုးမြောက် သွင်းဂိုးကို သွင်းယူခဲ့တာကြောင့် လက်ရှိချန်ပီယံအတွက် ဆိုးရွားစွာ အဆုံးသတ်ခဲ့ရပါတယ်။

ဂါဘရီရယ်က အာဆင်နယ် အဖွင့်ဂိုးသွင်းပြီးနောက် ဟာလန်းရဲ့ ရှေ့တွင် ဂုဏ်ယူစွာအောင်ပွဲခံခဲ့ပြီး ထိုသို့ပြုလုပ်ခြင်းဟာ စက်တင်ဘာလက နှစ်သင်း နောက်ဆုံးတွေ့ဆုံချိန်တွင် ဟာလန်းရဲ့ အပြုအမူကို ပြန်လည်တုံ့ပြန်ခြင်းလည်း ဖြစ်ပါတယ်။ ဟာလန်းက နာကျင်အချိန်ပို ဂျွန်စတုန်းက ဂိုးသွင်းခဲ့ပြီးနောက် ဂါဘရီရယ်ရဲ့ ခေါင်းပေါ်သို့ ဘောလုံးကို ပစ်ချခဲ့ပြီး ပွဲပြီးချိန်တွင် အာဆင်နယ် အသင်းသားများနှင့် ပဋိပက္ခဖြစ်ကာ အာတီတာအား နှိမ့်ချနေပါ လို့ပါ ပြောခဲ့တာဖြစ်ပါတယ်။

အာဆင်နယ် အသင်းသားများတွေရဲ့ ဟာလန်းကို တုံ့ပြန်လိုခြင်းကို နားလည်နိုင်သော်လည်း နဗီးလ်က ဂါဘရီရယ်ရဲ့ အပြုအမူဟာ မလေးစားမှု ဖြစ်တယ်လို့ ယူဆပြီး ထိုဖြစ်ရပ်ကြောင့် သူ့ကို မသက်မသာ ဖြစ်စေခဲ့ကြောင်း ပြောကြားခဲ့ပါတယ်။ "ကျွန်တော် ဂါဘရီရယ် နဲ့ ဟာလန်း ကို သူလုပ်ခဲ့တဲ့အရာကို ပြောချင်ပါတယ်" လို့ ယူနိုက်တက် နှင့် အင်္ဂလန်လက်ရွေးစင် ခံစစ်မှူးဟောင်းက Sky Sports podcast တွင် ပြောကြားခဲ့ပါတယ်။

"ဒါမျိုးကို ကျွန်တော်က ဟိုက်ဘူရီမှာ နှစ်ပေါင်းများစွာ ဖြစ်ခဲ့ဖူးပါတယ်။ အဲ့နေ့က ကျွန်တော်တို့ ၄-၂ ဂိုး နဲ့ နိုင်ခဲ့တယ်။ ကစားသမားတစ်ယောက်က ကျွန်တော်မျက်နှာကိုကြည့်ပြီး အော်ဟစ်ခဲ့ပါတယ်" "ကျွန်တော် အဲ့လိုမျိုး မကြိုက်ပါဘူး။ ဒါက မလေးစားမှုလို့ ထင်တယ်။ ဟာလန်း က ဒီနေ့ ပါတ်တီးရုပ်ဆိုးလို ဖြစ်နေတာကို နားလည်တယ်။ ဒါပေမယ့် အဲ့ဒါကို ကျွန်တော် မကြိုက်ပါဘူး"

"ကျွန်တော်ဆို ဘောလုံးကွင်းထဲမှာ အမျိုးမျိုးဖြစ်ခဲ့ဖူးပါတယ်။ ဒါပေမယ့် ကျွန်တော် အဲ့လိုမျိုး မလုပ်ခဲ့ပါဘူး။ ကျွန်တော် ကစားသမားတစ်ယောက်ရဲ့ မျက်နှာကို အော်ဟစ်ခဲ့ဖူးတာ မရှိပါဘူး" "ကျွန်တော် အဲ့လိုမျိုး မကြိုက်ဘူး။ ဒါက ကျွန်တော့်ကို နည်းနည်း မသက်မသာ ဖြစ်စေပါတယ် ဒါက  မလေးစားမှုပါပဲ" လို့ နဗီးလ်က ပြောပါတယ်။

လူးဝစ်စကယ်လီက ဟာလန်းရဲ့ အောင်ပွဲခံပုံအတိုင်း လုပ်ခဲ့ခြင်းနှင့်ပတ်သက်၍ မေးမြန်းတဲ့အခါ ဂွါဒီယိုလာက "ဒါကောင်းတယ်။ ဟုတ်တယ် ဒါကောင်းပါတယ်" လို့ ပြောကြားခဲ့ပါတယ်။ အသင်းရဲ့ ရှုံးနိမ့်မှုကို သုံးသပ်ရာတွင် မန်စီးတီး မန်နေဂျာက "ကျွန်တော် နောက်ဆုံး ၂၅ မိနစ်ကို နောင်တရမိပါတယ်။ကျွန်တော်တို့ ၆၅ မိနစ်ကနေ ၇၀ မိနစ်အထိ လုပ်ခဲ့တဲ့အရာကို မေ့သွားခဲ့ပါတယ်"

"ဒီကွင်းမှာ ဒီအသင်းနဲ့ ကစားရတာ ခက်ခဲပါတယ်။ ပထမမိနစ်တွေမှာ ဂိုးပေးလိုက်ရတာ ဒီရာသီမှာ အကြိမ်များစွာ ဖြစ်ခဲ့ပါတယ်" "ဒါပေမယ့်၊ ၁၀ မိနစ်ကနေ ၁၅ မိနစ်အကြာမှာ ကျွန်တော်တို့ ပွဲကို ထိန်းချုပ်နိုင်ခဲ့ပြီး ကောင်းကောင်းကစားနိုင်ခဲ့တယ်။ ၁-၁ ဂိုး နဲ့ ချေပခဲ့ပြီးနောက် ကျွန်တော်တို့ အားသာချက်ရခဲ့ပါတယ်"

"ကျွန်တော်တို့က မာမွတ်နဲ့ အပြောင်းအလဲလုပ်ဖို့ ဘောလုံးပို့ခဲ့ပါတယ် ပြီးတော့ ဘောလုံးက လမ်းလွဲသွားပြီး တတိယဂိုးကို ပေးလိုက်ရတာပါ" "ဒါပေမယ့် အဲ့ဒါပြီးနောက် ကျွန်တော်တို့က ခံစစ်မှာ လုပ်သင့်တာကို ဆက်လုပ်ခဲ့ပါတယ်။ ဒီလိုကစားနေတဲ့အခါ သူတို့က ပြေးနိုင်တယ် ၃-၁ ဂိုးနဲ့ ဖြစ်သွားတဲ့အခါ ပိုခက်ခဲလာပါတယ်"

"နောက်ဆုံး ၁၅ မိနစ်ကနေ ၂၀ မိနစ်ကို နောင်တရမိပါတယ်။ ဒါပေမယ့် ကျန်တာတွေက ကျွန်တော်တို့အတွက် တကယ်ကောင်းတဲ့ ပွဲဖြစ်ခဲ့ပါတယ်။ ရလဒ်ကို ကြည့်ရင် နားလည်ဖို့ ခက်ခဲပေမယ့် ဒါက ကျွန်တော့်ခံစားချက်ပါ" လို့ ပြောပါတယ်။