The network connection is lost.

Banner Image

ပထမဆုံးကလေးမွေးဖွားမှုကို အင်စတာဂရမ်ကနေ အသိပေးလိုက်တဲ့ ကိုင်ဟာဗက်ဇ်

အာဆင်နယ်စတား ကိုင်ဟာဗက်ဇ် နဲ့ ဇနီးသည်ဆိုဖီယာတို့က ပထမဆုံးကလေးမွေးဖွားမှုကို အင်စတာဂရမ်ကနေ အသိပေးလိုက်ပါတယ်။ပြီးခဲ့တဲ့နှစ်နိုဝင်ဘာတုန်းက ပထမဆုံးကိုယ်ဝန်ဆောင်ထားရပြီဆိုတာကို အသိပေးခဲ့တာဖြစ်ပါတယ်။ အဲ့နောက် ဗုဒ္ဓဟူးနေ့တုန်းက အင်စတာဂရမ်မှာ အဆိုပါပို့စ်အောက်ကနေ ပထမဆုံးကလေးမွေးဖွားမှုကို အသိပေးခဲ့ပါတယ်။

“ကမ္ဘာမြေကြီးကနေ ကြိုဆိုပါတယ် ကလေးလေးရေ။ အများကြီးချစ်ရပါတယ်”လို့ အင်စတာဂရမ်မှာ တင်ခဲ့ပါတယ်။ ဟာဗက်ဇ်ဟာ ပြီးခဲ့တဲ့လတုန်းက တံကောက်ကြောဒဏ်ရာကြောင့် အနားယူနေရတာဖြစ်ပြီး လက်ကျန်ရာသီကို လွဲချော်မှာဖြစ်ပါတယ်။

ဒဏ်ရာမရခင် ဂျာမန်သားဟာ အာဆင်နယ်အတွက် ပြိုင်ပွဲစုံ ၃၄ ပွဲအထိ ပါဝင်ကစားခဲ့ကာ ၁၅ ဂိုးသွင်း ၊ ၅ ဂိုးဖန်တီးနိုင်ခဲ့ပါတယ်။ အာဆင်နယ်ဟာ အခုလာမယ့်နိုင်ငံတကာရက်သတ္တပတ်အပြီးမှာ ဖူလ်ဟမ်အသင်းနဲ့ရင်ဆိုင်ရမှာဖြစ်ပါတယ်။