ဘာစီလိုနာနည်းပြ ဟန်ဆီဖလစ်က ကိုပါဒယ်ရေးဆီမီးဖိုင်နယ်ပွဲစဉ်မှာ အက်သလက်တီကိုမက်ဒရစ်ကို နှစ်ကျော့ပေါင်းရလဒ် ၄-၅ နဲ့အနိုင်ယူခဲ့ပြီးနောက် သူ့ရဲ့အသင်းဟာ ဆုဖလားတွေအတွက် အိပ်မက်မက်လို့ရနေပြီလို့ အခိုင်အမာပြောကြားလာခဲ့ပါတယ်။ 

ဘာစီလိုနာဟာ ပထမအကျော့မှာ အက်သလက်တီကိုကို ၄-၄ နဲ့သရေကျခဲ့ပေမယ့် ဒုတိယအကျော့မှာတော့ ၀-၁ ဆိုတဲ့အနိုင်ရလဒ်ကိုဖော်ဆောင်နိုင်ခဲ့တာကြောင့် ဗိုလ်လုပွဲသို့တက်လှမ်းနိုင်ခဲ့ကာ တစ်ဖက်က ရီးရဲလ်ဆိုစီဒက်ကို အနိုင်ယူခဲ့တဲ့ မဟာပြိုင်ဘက်ရီးရဲလ်မက်ဒရစ်နဲ့ ထိပ်တိုက်တွေ့ဆုံသွားတော့မှာဖြစ်ပါတယ်။ 

ပွဲအပြီးမှာ ဟန်ဆီဖလစ်က "ဒီပွဲမှာ အသင်းရဲ့ကစားပုံကို အရမ်းကျေနပ်မိပါတယ်။ ပထမပိုင်းမှာ ရဲရဲဝံ့ဝံ့ကစားနိုင်ခဲ့ကြပြီး ဒုတိယပိုင်းမှာတော့ နည်းနည်းခြေစွမ်းကျခဲ့ပါတယ်။ အသင်းရဲ့နောက်ခံလူတွေကို ချီးကျူးရမယ့်ပွဲပါ။ ဒီလိုအသင်းမျိုးကို အဝေးကွင်းမှာလာကစားပြီး ဂိုးမပေးရဖို့က မလွယ်ပါဘူး။ အက်သလက်တီကိုက စပိန်မှာသာမက ဥရောပရဲ့ အကောင်းဆုံးအသင်းတွေထဲမှာပါ ပါဝင်နေပါတယ်။ ဒါပေမယ့် အနိုင်ရခဲ့လို့ ပျော်ပါတယ်"

"အခုချိန်နမှာ ဆုဖလားတွေအတွက် အိပ်မက်မက်လို့ရနေပါပြီ။ ဒါပေမယ့် ကျွန်တော်တို့အနေနဲ့ အနာဂတ်မှာ ဘာတွေလုပ်မယ်ဆိုတာ အာရုံစိုက်ဖို့လိုအပ်ပါသေးတယ်။ မနက်ဖြန် ကျွန်တော်တို့ အိမ်ပြန်ရောက်ပါမယ်။ ကစားသမားတွေအနေနဲ့ အင်အားပြည့်ဝအောင် အိပ်ပြီး ရီးရဲလ်ဘက်တစ်နဲ့ပွဲစဉ်အတွက်ပြင်ဆင်သွားရပါမယ်"

"ပွဲပန်းမှုတွေက မလွယ်ကူပါဘူး။ ဒါပေမယ့် ကျွန်တော်တို့ အကောင်းဆုံးကစားသွားပါမယ်။ ကျွန်တော့်မှာ ပရော်ဖက်ရှင်နယ်တွေနဲ့ ထိပ်တန်းကစားသမားတွေပေါင်းစပ်ထားတဲ့ အရမ်းကောင်းတဲ့အသင်းရှိပါတယ်။ ကလပ်ကစားသမားတွေအနေနဲ့လည်း သူတို့ကိုယ်သူတို့ ဂုဏ်ယူကြမယ်လို့ထင်ပါတယ်။ ပြီးတော့ ပရိသတ်တွေအနေနဲ့လည်း အသင်းအတွက် ဂုဏ်ယူနေမှာပါ" လို့ပြောကြားခဲပါတယ်။ 

ပွဲဆက်တွေများနေတဲ့ ဘာစီလိုနာအနေနဲ့ အနားယူချိန် အပြည့်အဝရရှိဖို့ ရုန်းကန်သွားရဦးမှာဖြစ်ပြီး လာမယ့် စနေနေ့မှာ လာလီဂါပွဲစဉ်အဖြစ် ရီးရဲလ်ဘက်တစ်နဲ့ ကစားသွားရမှာဖြစ်ပါတယ်။