ကလပ်ရဲ့ စံချိန်တင်ပြောင်းရွှေ့ကြေးဖြင့် ခေါ်ယူခြင်းခံထားရတဲ့ကစားသမားဟာ ယခုရာသီတွင် နှေးကွေးစွာ စတင်ခဲ့ပြီး သူ၏ အင်္ဂလန်အသင်းဖော်များကဲ့သို့ပင် ယူရို ၂၀၂၄ ဗိုလ်လုပွဲတွင် စပိန်ကို ရှုံးနိမ့်ခဲ့ပြီး နောက်ဆက်တွဲအကျိုးဆက်များကြောင့် ရုန်းကန်ခဲ့ရပါတယ်။

ဆာကာ နှင့် အိုဒီဂတ်တို့ ဒဏ်ရာများရရှိနေတာကြောင့် ရိုက်စ်ဟာ ပြီးခဲ့တဲ့ရက်သတ္တပတ်တွေမှာ အပိုတာဝန်များကို လုပ်ဆောင်ခဲ့ရပါတယ်။ ဝက်စ်ဟမ်းကပ္ပတိန်ဟောင်းဖြစ်သူ ရိုက်စ်ဟာ ထိုအခြေအနေများကို ကောင်းစွာ တုံ့ပြန်ခဲ့ပြီး အာဆင်နယ်ရဲ့ မန်စီးတီးအား၅-၁ ဂိုးဖြင့် အနိုင်ရခဲ့တဲ့ပွဲတွင် ပွဲထွက်ခဲ့ရပြီး သူရဲ့ အကောင်းဆုံးပုံစံကို ပြန်လည်ရရှိရန် နီးစပ်နေခဲ့တာဖြစ်ပါတယ်။

ရိုက်စ်ဟာ ကိုဗာဆစ် နှင့် ဘာနန်ဒိုဆေးလ်ဗားတို့ကို ဖိအားပေးခဲ့ပြီး အကောင်းဆုံး ကစားနိုင်ခဲ့ပါတယ်။ ရိုက်စ်ရဲ့ ပြေးအားနှင့် ဇွဲသတ္တိတို့ကြောင့် သူ့ကို "မြင်း" ဟူသော နာမည်ပြောင်ကို အသင်းဖော်တွေက ပေးခဲ့ပြီး၊ သူက အဲ့ဒီနာမည်ပြောင် ကိုက်ညီတယ်လို့ ပြောကြားခဲ့ပါတယ်။

"ဒါက အပြုသဘောပါ ပြောတာပါ၊ ဇင်ချန်ကိုက စခဲ့တာဖြစ်ပြီး ဂျော်ဂျင်ဟိုကပါ ဆက်ပြောခဲ့ပါတယ်" လို့ သူက Sky Sports ကို ပြောကြားခဲ့ပါတယ်။ "အခုတော့ လူတိုင်းက ကျွန်တော့်ကို ဒီလိုခေါ်နေကြပါတယ်"
"ကျွန်တော် တစ်နေ့လုံး ပြေးနိုင်တယ်။ ကျွန်တော်က အားကစားသမားတစ်ယောက်ပါ။ ကျွန်တော့်ရဲ့ ပြန်လည်လုပ်ဆောင်နိုင်စွမ်း၊ ရေရှည်ခံနိုင်စွမ်းနဲ့ အသင်းအတွက် အမြဲရှိနေနိုင်တာတွေကြောင့် သူတို့က ဒီလိုခေါ်တာပါ"

"နောက်ဆုံးပွဲကတည်းက နှစ်ရက်လောက်ကြာပြီ လေ့ကျင့်ရေးမှာ ပြေးနေတုန်းပါပဲ။ သူတို့က ကျွန်တော့်ကို စိတ်မနှံ့ဘူးလို့ ထင်နေကြပါတယ်။ ဒီနာမည်ပြောင်ကို ကျွန်တော် မကြိုက်တာမဟုတ်ဘူး၊ ဒါပေမယ့် ဆက်လုပ်နေရအုံးမှာပါ" လို့ ရိုက်စ်က ပြောပါတယ်။

ယူနိုက်တက်ကို ရှုံးနိမ့်ကာ အက်ဖ်အေဖလားကနေ ထွက်ခဲ့ရပြီးနောက် အာဆင်နယ်ဟာ ဒူဘိုင်းရှိ နွေးထွေးတဲ့ ရာသီဥတုတွင် လေ့ကျင့်ခန်းများ ပြုလုပ်ရန် ခဲ့ပါတယ်။
လွန်ခဲ့သော ၁၂ လကတည်းက ဒီခရီးစဉ်ကို စီစဉ်ခဲ့တဲ့ ဆုံးဖြတ်ချက်ဟာ အရင်ရာသီရဲ့ ဒုတိယရာသီဝက်တွင် အာဆင်နယ်ရဲ့ အံ့သြဖွယ်ကောင်းတဲ့ စွမ်းဆောင်မှုများတွင် အရေးပါတဲ့ အခန်းကဏ္ဍမှ ပါဝင်ခဲ့ပြီး အာတီတာရဲ့ အသင်းဟာ မန်စီးတီးကို ချန်ပီယံဆုအတွက် အနီးကပ်ယှဉ်ပြိုင်နိုင်ခဲ့ပါတယ်။

ယခုရာသီတွင် အာဆင်နယ်ဟာ လီဗာပူးကို ကျော်တက်ရန်အတွက် ပြီးပြည့်စုံတဲ့ ရလဒ်များကို လိုအပ်မည်ဖြစ်သော်လည်း ရိုက်စ်ကတော့ ယုံကြည်မှုရှိနေဆဲဖြစ်ပါတယ်။

"ဒီရာသီအတွက် အာဆင်နယ်ရဲ့ မျှော်လင့်ချက်တွေနဲ့ ပတ်သက်ပြီး ရှည်လျားတဲ့ ခရီးတစ်ခု ရှိနေဆဲပါ" လို့ ရိုက်စ်က ပြောကြားခဲ့ပါတယ်။
"ဘာတွေပဲဖြစ်ဖြစ် စိတ်ပူစရာက ကိုယ့်ကိုယ်ကိုပဲဖြစ်ပါတယ်လို့ လွန်ခဲ့တဲ့ ရက်သတ္တပတ်က သတင်းစာရှင်းလင်းပွဲမှာ နည်းပြက ပြောခဲ့ပါတယ်"
"ဒါပေမယ့် ရာသီအဆုံးမှာ ကျွန်တော်တို့ ရှိနေမှာပါ။ ကျွန်တော်တို့ ယုံကြည်နေတာကို ဆက်ယုံကြည်ရမှာဖြစ်ပြီး လုပ်နေတာကို ဆက်လုပ်ရပါမယ်။ မန်နေဂျာ၊ ကစားသမားတွေနဲ့ ကျွန်တော်တို့ပတ်ဝန်းကျင်က လူတိုင်းကို အပြည့်အဝ ယုံကြည်ရပါမယ်။ ဒါမှ ကြီးမားတဲ့အရာတွေကို ရယူနိုင်ပါမယ်"

"ဒါကို အောင်မြင်အောင် လုပ်ဖို့က ကျွန်တော်တို့ပဲဖြစ်ပါတယ်။ ကြီးမားတဲ့အရာတွေ လာနေပြီး ကျွန်တော်တို့ အကောင်းမြင်စိတ်ရှိပြီး ဆက်လုပ်နေရပါမယ်" လို့ ရိုက်စ်က ပြောပါတယ်။