FC Damm အသင်းရဲ့ တောင်ပံကစားသမား ဂွန်ဇာလက်ဇ်ကို ဘာစီလိုနာခေါ်ယူ
ဘာစီလိုနာအသင်းဟာ Damm လူငယ်အသင်းရဲ့ ကစားသမားလေး အဲလက်စ်ဂွန်ဇာလက်ဇ်ကို ခေါ်ယူလိုက်ပါတယ်။ ဂွန်ဇာလက်ဇ်ကို ခေါ်ယူလိုက်ကြောင်း ဘာစီလိုနာအသင်းက ဒီနေ့မနက်ပိုင်းမှာပဲ တရားဝင်သတင်းထုတ်ပြန်ခဲ့တာပါ။ အသက် ၁၉ နှစ်အရွယ် တောင်ပံကစားသမားလေးဟာ မပြောပလောက်တဲ့ ပြောင်းရွှေ့ကြေးတစ်ခုနဲ့ ဘာစီလိုနာကို ပြောင်းရွှေ့လာတာဖြစ်ပြီး အစောပိုင်းမှာတော့ Juvenil A လူငယ်အသင်းမှာ ပါဝင်ကစားသွားရမှာဖြစ်ပါတယ်။ ဒါပေမဲ့လည်း ဂွန်ဇာလက်ဇ်ဟာ ရာသီကုန်ပိုင်းလောက်မှာ ဘာစီလိုနာအရံအသင်းဖြစ်တဲ့ Barca Atletic မှာ ပါဝင်လာနိုင်လိမ့်မယ်လို့ အများက ယူဆထားကြပါတယ်။ ဂွန်ဇာလက်ဇ်ဟာ ဒီရာသီ Damm အသင်းအတွက် ၂၂ ပွဲ ကစားပေးထားပြီး ၁၂ ဂိုးအထိ သွင်းယူပေးထားသူလည်း ဖြစ်ပါတယ်။
