ယူနိုက်တက် စီနီယာလေ့ကျင့်လေးအစီအစဉ်သို့ လူငယ်ကစားသမား ၅ ဦးထည့်သွင်းခဲ့တဲ့ ကာရစ်
လာမယ့်စနေနေ့မှာ ကစားမယ့် တော့တင်ဟမ်ဟော့စပါးအသင်းနဲ့ ပွဲစဉ်မတိုင်ခင် ယာယီနည်းပြ မိုက်ကယ်ကာရစ်ဟာ ပြီးခဲ့တဲ့ဗုဒ္ဓဟူးနေ့က မန်ချက်စတာယူနိုက်တက် စီနီယာအသင်းရဲ့ လေ့ကျင့်ခန်းအစီအစဉ်မှာ အကယ်ဒမီလူငယ်ကစားသမား ၅ ဦးကို ထည့်သွင်းလေ့ကျင့်ပေးခဲ့ပါတယ်။
အဆိုပါလူငယ်တွေထဲမှာ အသက် ၁၅ နှစ်အရွယ်သာရှိသေးတဲ့ ဂျေဂျေ ဂေဘရီရယ်လ်ဟာ မနေ့က သတင်းတွေရဲ့ ခေါင်းကြီးပိုင်းမှာ နေရာယူခဲ့သလို၊ လေတွန်အိုရီးယင့်အသင်းဆီ အငှားချထားရာကနေ ပြန်လည်ခေါ်ယူထားတဲ့ ဂျက် မိုးဟောက်စ်လည်း ပါဝင်လာခဲ့တာကို တွေ့ရပါတယ်။
ဒါ့အပြင် ကွင်းလယ်ကစားသမားတွေဖြစ်ကြတဲ့ ဂျက် ဖလက်ချာနဲ့ တိုင်လာ ဖလက်ချာ တို့ကိုလည်း လေ့ကျင့်ခန်းကွင်းမှာ တွေ့မြင်ခဲ့ရပါတယ်။
အထူးသဖြင့် မျက်နှာသစ်ကစားသမားတစ်ဦးဖြစ်တဲ့ အသက် ၁၇ နှစ်အရွယ် နောက်ခံလူ ယူရယ် ဟီလာဖူး ပါဝင်လာတာကလည်း စိတ်ဝင်စားစရာ ဖြစ်ခဲ့ပါတယ်။
ယူရယ် ဟီလာဖူးဟာ ယူနိုက်တက်လူငယ်အသင်းနဲ့ ရင်ဆိုင်ကစားစဉ်မှာ အထင်ကြီးလောက်စရာ စွမ်းဆောင်ရည်ပြသနိုင်ခဲ့တာကြောင့် ဒေသတွင်း အပျော်တမ်းအသင်းတစ်ခုကနေ မကြာသေးမီကမှ ခေါ်ယူထားတဲ့ ကစားသမားတစ်ဦးဖြစ်တယ်လို့ သိရပါတယ်။
