ခရစ္စတယ်ပဲလေ့စ်ကို ဂိုးပြတ်အနိုင်ယူကာ အာဆင်နယ်ကို တောက်လျှောက်ဖိအားပေးနေတဲ့ မန်စီးတီး
ခရစ္စတယ်ပဲလေ့စ် ၀ - ၃ မန်စီးတီး (ပွဲပြီးရလဒ်)
မန်စီးတီးအသင်းဟာ ယနေ့ညပွဲစဉ်မှာ ခြေစွမ်းပိုင်းအရ အကောင်းကြီးမဟုတ်ခဲ့ပေမဲ့ အဆုံးသတ်သေချာမှုတွေကြောင့် ဂိုးပြတ်နိုင်ပွဲတစ်ခုကို ဖန်တီးနိုင်ခဲ့ပါတယ်။
ခရစ္စတယ်ပဲလေ့စ်ကတော့ အခွင့်အရေးတွေအများအပြားရခဲ့ပေမဲ့ တိုက်စစ်ပိုင်းက ဖြုန်းတီးမှုတွေကြောင့် တစ်ဂိုးမှတောင်ပြန်မသွင်းနိုင်ဘဲ အိမ်ကွင်းမှာ ဂိုးပြတ်ရှုံးခဲ့ပါတယ်။
ယခုနိုင်ပွဲကြောင့် မန်စီးတီးဟာ ဇယားထိပ်က အာဆင်နယ်ကို ၂မှတ်အကွာကနေ ဆက်လက်ဖိအားပေးနိုင်ခဲ့ပါတယ်။
