ဘာစီလိုနာစတား ယာမဲလ်က အသင်းဖော် ပီဒရီဟာ လူစာရင်းထဲမှာ အရည်အချင်းအရှိဆုံးကစားသမားဖြစ်တယ်လို့ ပြောကြားလိုက်ပါတယ်။ ယာမဲလ်တစ်ယောက် အသက် ၁၇ နှစ်ပဲရှိသေးပေမယ့် ဘာစီလိုနာအတွက် လာလီဂါပွဲ ၁၀၀ ပြည့်မြောက်ဖို့တော့ လိုအပ်နေသေးတာဖြစ်ပါတယ်။ ဒါပေမယ့် စပိန်သားဟာ အသက် ၁၅ နှစ်ကတည်းက စံချိန်တွေနဲ့အတူ ဘာစီလိုနာအသင်းမှာ တောက်ပလာခဲ့တာဖြစ်ပါတယ်။

နိုင်ငံအသင်းဖြစ်တဲ့ စပိန်နဲ့အတူ ယူရိုဖလားရယူထားနိုင်တဲ့အပြင် ယာမဲလ်ဟာ ကိုပါဖလား နဲ့ ရွှေဘောလုံးဆုတွေပါ ရယူထားနိုင်ပါတယ်။ စွမ်းဆောင်ရည်ကောင်းတွေကြောင့် စပိန်သားကို ဘာစီလိုနာဂန္ထဝင်ဟောင်း မက်ဆီနဲ့ ခိုင်းနှိုင်းမှုတွေပြုလုပ်လေ့ရှိတာဖြစ်ပါတယ်။ အင်တာဗျူးတစ်ခုမှာ ယာမဲလ်က ဘာစီလိုနာကစားသမားတွေထဲ အရည်အချင်းအရှိဆုံးကစားသမားနာမည်ကိုမေးမြန်းရာမှာ သူ နဲ့ ပီဒရီတို့ဖြစ်တယ်လို့ ဖြေကြားခဲ့ပါတယ်။

“ကျွန်တော်တစ်ဆင့်ချင်းသွားနေပါတယ်။ ကျွန်တော့်စွမ်းဆောင်ရည်ကော ၊ ကစားသမားဘဝပါ တိုးတက်ချင်ပါတယ်။ စပိန်မှာက ဘယ်လောက်အထိဖိအားများလဲဆိုတာ ခင်ဗျားမြင်မှာပါ။ ဒါပေမယ့် ကျွန်တော် ကိုယ်ပိုင်စွမ်းဆောင်ရည် နဲ့ ကျွန်တော့်ကိုယ်ကျွန်တော်ပဲ အာရုံစိုက်ထားပါတယ်။ ကစားသမားတွေက ကွင်းထဲမှာပဲ တုံ့ပြန်ဖို့လိုအပ်ပါတယ်။ အသင်းဖော်တွေနဲ့ဆိုရင် ကျွန်တော် အမြဲတမ်းပျော်နေရပါတယ်”လို့ ယာမဲလ်က ပြောကြားခဲ့ပါတယ်။

ယာမဲလ်က အသင်းမှာ ရာဖင်ဟာလိုကစားသမားမျိုးရှိနေလို့ ဝမ်းသာမိတယ်လို့ ပြောကြားခဲ့သလို သူ့ရဲ့စိတ်ပိုင်းဆိုင်ရာကိုလည်း သဘောကျမိတယ်လို့ ပြောကြားခဲ့ပါတယ်။ ယာမဲလ် နဲ့ ရာဖင်ဟာတို့ကတော့ ဘာစီလိုနာအသင်းနဲ့အတူ ဆုဖလားအောင်မြင်မှုရယူနိုင်ဖို့ ပစ်မှတ်ထားနေပြီး လက်ရှိမှာတော့ ဆုဖလား ၃ လုံးလမ်းကြောင်းပေါ်မှာရှိနေပါတယ်။