အသက် ၂၇ နှစ်အရွယ် မာတီတာဟာ ဆဲလ်ဟတ်စ်ပါ့ခ်မှာ အထင်ကြီးစရာ ခြေစွမ်းပြသနေတာကြောင့် အိုးထရက်ဖို့ဒ်ကို ပြောင်းရွှေ့ဖို့ ပြင်းပြင်းထန်ထန် ချိတ်ဆက်ခံနေရပါတယ်။၂၀၂၂ ခုနှစ်မှာ မိန်းဇ်ကနေ ခေါ်ယူခဲ့တဲ့ မာတီတာဟာ ပဲလေ့စ်ရှိ ပထမ ၂ ရာသီတွင် မထင်မရှား ဖြစ်ခဲ့ပေမယ့် ပြီးခဲ့တဲ့ ၂ ရာသီကစလို့ ပြိုင်ပွဲစုံမှာ ၃၄ ဂိုးနဲ့ခြေစွမ်းပြခဲ့တာဖြစ်ပါတယ်။

ပြီးခဲ့တဲ့ ရက်သတ္တပတ်က မန်ယူနိုက်တက်ဟာ မာတီတာကို ခေါ်ယူဖို့ စပြီးဆွေးနွေးနေတယ်လို့ သတင်းထွက်ခဲ့ပြီး သူက အမ်မိုရင်လက်ထက်မှာ ဆက်လက် ရုန်းကန်နေရတဲ့ သရဲနီတွေထံ ပါဝင်ဖို့ လမ်းဖွင့်ထားတယ်လို့ ယုံကြည်ရပါတယ်။ ယူနိုက်တက်နဲ့ အင်္ဂလန် ဂန္ထဝင် ရွန်းနီက မာတီတာကို သဘောကျသူဖြစ်ပြီး ဒီရာသီမှာ တိုက်စစ်မှူး ပြဿနာတွေ ရှိနေတဲ့ အာဆင်နယ်က ဒီကစားသမားကို ကြည့်သင့်တယ်လို့ ယုံကြည်နေပါတယ်။

အထောင်တိုက်စစ်မှူး အသစ်တစ်ဦး ခေါ်ယူဖို့ မအောင်မြင်ခဲ့တာနဲ့ အမ်မရိတ်မှာ မမျှော်လင့်ထားတဲ့ ဒဏ်ရာအကြပ်အတည်းကြောင့် အာတီတာဟာ တိုက်စစ်မှာ ကစားသမားအင်အား နည်းပါးနေပြီး အာဆင်နယ်ဟာ ပရီးမီးယားလိဂ်ဇယားထိပ်က လီဗာပူးနဲ့ ၁၅ မှတ် ကွာဟသွားခဲ့ပါတယ်။ အာတီတာဟာ ဒီနွေရာသီမှာ တိုက်စစ်မှူး အသစ်တစ်ဦး ခေါ်ယူဖို့ မျှော်လင့်ထားပြီး ရွန်းနီက ပြင်သစ် အိုလံပစ်ကစားသမား မာတီတာဟာ ဂန်နာတွေကို ကူညီနိုင်မယ်လို့ အခိုင်အမာ ပြောထားပါတယ်။

"မာတီတာက ကြီးမားပြီး သန်မာတဲ့ ကစားသမားတစ်ယောက်ဖြစ်ပြီး ဂိုးအများကြီး သွင်းပါတယ်"  "အာဆင်နယ်ရဲ့ ပရီးမီးယားလိဂ်က ပြီးခဲ့တဲ့ ပွဲအနည်းငယ် ကြည့်ရင်း သူတို့က ဘောလုံးတွေကို ပြိုင်ဘက်ရဲ့ဧရိယာထဲ အများကြီး ပို့ပေးခဲ့ပေမယ့် အဲဒါတွေကို အဆုံးသတ်ပေးမယ့် ဘယ်သူမှ မရှိခဲ့ပါဘူး။ ဒီအချက်ကနေ သူ ကူညီနိုင်မယ်လို့ သေချာပါတယ်" လို့ ရွန်းနီက BBC Sport ကို ပြောခဲ့ပါတယ်။

လန်ဒန်တောင်ပိုင်းမှာ သူ့ရဲ့ အထင်ကြီးစရာ ပုံစံရှိပေမယ့် မာတီတာကို ဒီနွေရာသီမှာ ပေါင် ၄၀ သန်းနဲ့သာ ရောင်းချနိုင်တယ်လို့ သတင်းတွေ ထွက်နေပါတယ်။ အာဆင်နယ်ရဲ့ အင်အားနည်းနေတဲ့တိုက်စစ်ဟာ တနင်္ဂနွေနေ့မှာ အာတီတာအတွက် ထပ်မံ ပြဿနာတစ်ခု ဖြစ်ခဲ့ပြီး ဂန်နာတွေဟာ ယူနိုက်တက်နဲ့ ၁-၁ ဂိုး သရေကျခဲ့ရပါတယ်။ ဧည့်သည်အသင်းဟာ ပထမပိုင်းမှာ လွှမ်းမိုးမှုနဲ့ တစ်ဖက်သတ် ကစားခဲ့ပေမယ့် အမ်မိုရင်ရဲ့ အသင်းကို ဖြိုခွဲနိုင်ခဲ့ခြင်း မရှိဘဲ နာကျင်အချိန်ပိုမှာ ဖာနန်ဒက်စ်ရဲ့ ဖရီးကစ်ကနေ ဦးဆောင်ဂိုး ပေးလိုက်ရပါတယ်။

အာဆင်နယ်ဟာ ရိုက်စ်နဲ့ဂိုးနဲ့ ချေပခဲ့ပေမယ့် ဇယားထိပ်က လီဗာပူးနှင့် အမှတ်ကွာဟမှုနည်းအောင် လုပ်နိုင်ခဲ့ခြင်း မရှိပါဘူး။ "ပထမပိုင်းမှာ ကျွန်တော်တို့ လွှမ်းမိုးမှုနဲ့ အခွင့်အရေးတွေ ရခဲ့ပေမယ့် အနိုင်မရတာက အရမ်း စိတ်ပျက်စရာပါ" "ပြီးတော့ ဘာမှမဟုတ်တဲ့ အချိန်မှာ ဘောလုံးကို လွှတ်ပေးလိုက်တယ်။ ပြစ်ဒဏ်ဘော ပေးလိုက်ရတယ်။ ဒုတိယပိုင်းမှာ လုပ်နိုင်ခဲ့ပေမယ့် သူတို့ အရမ်း ပင်ပန်းနေတယ်လို့ ခံစားရပါတယ်"

"နောက်ဆုံး ၂၅ မီတာမှာ တစ်ခုခု ဖြစ်လာအောင် ခြိမ်းခြောက်မှု ရှိခဲ့ပါတယ်။ သူတို့က အခုလို ကစားချင်တာ မဟုတ်အါဘူး။ ဒီကို ရောက်လာပြီး ပွဲကို အနိုင်ရချင်တာပါ။ ဒီနေ့က စိတ်ပျက်စရာပါ" လို့ အာတီတာက ပြောခဲ့ပါတယ်။ သူ့အသင်းရဲ့ ဂိုးဧရိယာအတွင်း ရုန်းကန်နေရတာနဲ့ ပတ်သက်ပြီး မေးမြန်းခံရတဲ့အခါ အာတီတာက "တစ်ခါတလေ ဒါက လိုအပ်နေတာပါ။ ပေးပို့မှုက မှန်ကန်တဲ့ ကစားသမားဆီ ရောက်ရမယ်၊ မှန်ကန်တဲ့ ကစားသမားက ကောင်းစွာကန်ရပါမယ်"

"အချို့အချိန်တွေမှာ ကျွန်တော်တို့ အခွင့်အရေးတွေ ပေးလိုက်ရတာက လက်ခံနိုင်စရာ မဟုတ်ပါဘူး။ သူတို့မှာ အရည်အသွေး အများကြီး ရှိပါတယ်၊ မှန်ကန်တဲ့ ကစားသမားကို ရွေးပြီး ပုံမှန်ဆိုရင် အဲဒါက ဂိုးဖြစ်သွားမှာပါပဲ" "ကျွန်တော်တို့ ပွဲကိုရှုံးနိမ့်ဖို့ တံခါးကို ဖွင့်ပေးလိုက်တယ်။ ပွဲကိုရှုံးဖို့ ဘယ်လို အခွင့်အရေးမှ မရှိခဲ့ပေမယ့် ကျွန်တော်တို့ ကိုယ်တိုင် ဖွင့်ပေးလိုက်တာပါ။ ကျွန်တော့် ကစားသမားတွေကို အမြဲ ကာကွယ်ပေးမှာပါ ဒါပေမယ့် ဒီလို အချိန်တွေမှာ ပိုကောင်းအောင် လုပ်ရပါမယ်" လို့ ပြောပါတယ်။