ဗီလာဟာ ပရီးမီးယားလိဂ်ချန်ပီယံမန်စီးတီးကို စနေနေ့မှာ အနိုင်ရရှိခဲ့တာဖြစ်ပြီး ပြိုင်ပွဲစုံ ၅ ပွဲမှာ ၄ ပွဲအထိ အနိုင်ရရှိထားပြီဖြစ်ပါတယ်။ အဆင့် ၆ မှာရှိနေတဲ့ ဗီလာဟာ ဘောက်ဆင်ဒေးမှာ နယူးကာဆယ်နှင့် ကစားရမှာဖြစ်ပါတယ်။

နယူးကာဆယ်ဟာ လက်စတာနှင့် အင်းဆွစ်တို့ကို အနိုင်ရရှိခဲ့ပြီးနောက် ကြာသပတေးနေ့ပွဲကို ကစားရမှာဖြစ်ပြီး ပြီးခဲ့တဲ့ရာသီက နှစ်ကျော့စလုံးမှာလည်း ဗီလာကို အနိုင်ရရှိခဲ့တာဖြစ်ပါတယ်။ "အရမ်းကိုခက်ခဲပါတယ်။ သူတို့က လက်ရှိမှာ ပုံစံကောင်းမှာရှိနေတာဖြစ်သလို ချန်ပီယံလိဂ်မှာလည်း ကစားခဲ့ဖူးတဲ့အသင်းလည်းဖြစ်ပါတယ်"

"သူ့ရဲ့ရည်မှန်းချက်က ဥရောပဆိုတာရှင်းပါတယ်။ အက်ဒီဟောင်းဆိုတာကလည်း ဘုန်းမောက်မှာ အကောင်းဆုံးလုပ်ပြခဲ့သူပါ။ သူ့ရဲ့အသင်းတွေက အမြဲတမ်း ကောင်းတဲ့အသင်းတွေဖြစ်ပြီး တိုက်စစ်အားသန်ပါတယ်"

"ပြီးခဲ့တဲ့နှစ်က နှစ်ပွဲစလုံးမှာ နယူးကာဆယ်က အနိုင်ရရှိခဲ့တာကြောင့် သူတို့အပေါ် အများကြီးလေးစားမှုရှိပါတယ်။ သူတို့အတွက် အိမ်ကွင်းဆိုတာ အရမ်းကိုကောင်းပြီး ပြိုင်ဘက်တွေအတွက် ခက်ခဲပါတယ်" လို့ အမ်မရီက ပြောပါတယ်။ ပရီးမီးယားလိဂ်နောက်ဆုံး အဝေးကွင်း ၄ ပွဲကို ဗီလာက ရှုံးနိမ့်ထားပြီး ကြာသပတေးနေ့ပွဲကတော့ နောက်ထပ်ခက်ခဲတဲ့ပွဲစဉ်ဖြစ်ပါတယ်။

"ဒီကိုရောက်ခဲ့တုန်းက ကျွန်တော့်ရဲ့အတွေးတွေက အခက်ခဲဆုံးလိဂ်လို့ တွေးမိတာပါ"
"အသင်းတော်တော်များများက စုစည်းမှုအားကောင်းပြီး ကစားသမားကောင်း နည်းပြကောင်း သမိုင်းကြောင်း ကောင်းတွေရှိပါတယ်။ အရမ်းကို စိတ်ဝင်စားဖို့ကောင်းတဲ့လိဂ်ဖြစ်ပြီး ကျွန်တော်တို့အတွက် စိတ်အားတက်ကြွစေပါတယ်။ လက်ရှိမှာ ကျွန်တော့်အသင်းက အဆင့် ၆မှာ ရှိနေပြီး ပွဲစဉ်တိုင်းမှာ ခြေစွမ်းတည်ငြိမ်ဖို့အတွက် အာရုံစိုက်သွားမှာပါ" 
"ကျွန်တော်တို့က အိမ်မှာကောင်းပေမယ့် အဝေးကွင်းမှာဆိုရင် လုံးဝကို ကွဲပြားခြားနားပါတယ်" လို့ အမ်မရီက ပြောပါတယ်။

အဆင့် ၈ က အသင်းအတွက် အက်ဒီဟောင်းက အကောင်းဆုံး စိန်ခေါ်နိုင်မှာဖြစ်ပြီး ဗီလာနှင့် ၂ မှတ်သာ ကွာဟနေကာ ပရီးမီးယားလိဂ် ထိပ်ဆုံး ၆ သင်းအတွက် သက်သေပြနိုင်မှာဖြစ်ပါတယ်။ အသုံးစရိတ်စည်းမျဉ်းများတွေက ကလပ်နှစ်သင်းစလုံးသည် အင်္ဂလိပ်ဘောလုံးလောကရဲ့ ထိပ်တန်းနေရာများကြားတွင် နေရာရယူရန် ကြိုးပမ်းရာမှာ ကန့်သတ်ချက်များရှိနေသော်လည်း ဒီအချက်တွေက သူ့ရဲ့ရည်ရွယ်ချက်ကို တားဆီးနိုင်မှာမဟုတ်ကြောင်း အက်ဒီဟောင်းက ပြောကြားလိုက်ပါတယ်။

"ပိတ်ပြောတာမျိုး ကျွန်တော် ဘယ်တုန်းကမှ မပြောပါဘူး။ အတတ်နိုင်ဆုံး ကြိုးစားပြီး အောင်မြင်အောင်လုပ်ဖို့က ကျွန်တော်တို့ရဲ့အလုပ်ပါ။ ဒီလိုအဆင့်တွေမှာ အတားအဆီးတွေ မထားဘဲ ကိုယ့်ပြည်တွင်းမှာ ဘာဖြစ်လာမလဲဆိုတာကို မြင်အောင်ကြည့်ဖို့ပါ"
"နော်တင်ဟမ်ဖောရက်စ် ၊ ဘုန်းမောက်နဲ့ အသင်းအများအပြားဟာ တကယ်ကို ကောင်းတဲ့ရာသီတွေကို တွေ့ခဲ့ရပါတယ်။ ပရီးမီးယားလိဂ်ရဲ့ အဆင့်ဟာ ဒီနှစ်မှာ အသင်းအားလုံးကြားထဲမှာ တင်းတင်းကျပ်ကျပ် ဖြစ်နေပါတယ်"

"ထိပ်တန်းအသင်းတွေနဲ့ အောက်ခြေကအသင်းတွေကြား ကွာခြားချက်အများကြီးရှိမယ်လို့ ကျွန်တော်မထင်ပါဘူး၊ ဒါဟာ လိဂ်မှာရှိတဲ့ အသင်းတိုင်းရဲ့ အရည်အသွေးကို သက်သေပြလိုက်တာပါပဲ။ လွယ်ကူတဲ့ပွဲတွေဆိုတာ မရှိပါဘူး၊ အဲဒါက ကြီးကျယ်ခမ်းနားတဲ့ မြင်ကွင်းတစ်ခုပါပဲ"

"ဘာဖြစ်မယ်ဆိုတာကို သင်ဘယ်တော့မှ မသိနိုင်တာကြောင့် ကောင်းမွန်တဲ့ လိဂ်တစ်ခု ဖြစ်လာစေမှာပါ။ ရှေ့က ဘယ်လို အလှည့်အပြောင်းတွေ ဖြစ်လာမလဲဆိုတာ မသိနိုင်ပါဘူး၊ ဒါကြောင့် ဘယ်အသင်းအဖွဲ့ကိုမဆို ကွဲထွက်အောင် ကြိုးစားရပါမယ်။ အောင်မြင်မှုရရှိဖို့ ကျွန်တော်တို့အားလုံးမှာ မူတည်ပါတယ်" လို့ အက်ဒီဟောင်းက ပြောပါတယ်။