ယူနိုက်တက်စတားဟောင်း နဗီးလ်က အာနိုးလ်အနေနဲ့ ရီးရဲလ်မှာ နေရာရမှာမဟုတ်ဘူးလို့ အခိုင်အမာပြောကြားလိုက်ပါတယ်။ အင်္ဂါနေ့တုန်းက မေးလ်စပေါ့တ်သတင်းဌာနက ရီးရဲလ်အသင်းဟာ လာမယ့်နွေမှာ အာနိုးလ်ကိုခေါ်ယူနိုင်ဖို့ နီးစပ်နေတယ်လို့ ဖော်ပြခဲ့ပါတယ်။ လီဗာပူးအသင်းမှာ အာနိုးလ်အပြင် ဆာလက် နဲ့ ဗန်ဒိုက်တို့လည်း နွေရာသီမှာ စာချုပ်သက်တမ်းကုန်ဆုံးမှာဖြစ်ပါတယ်။

ဒါပေမယ့်လည်း အာနိုးလ်က ရီးရဲလ်အသင်းကိုပြောင်းရွှေ့ဖို့ အနီးစပ်ဆုံးဖြစ်နေကာ နဗီးလ်က ရီးရဲလ်အနေနဲ့ အသင်းမှာအကောင်းဆုံးနောက်ခံလူပိုင်ဆိုင်ထားပြီးလို့ အခိုင်အမာပြောကြားခဲ့ပါတယ်။ အင်တာဗျူးတစ်ခုမှာ နဗီးလ်က “ကျွန်တော် အာနိုးလ်အကြောင်းတွေးမိသလို သူ့ရဲ့ခံစစ်ကစားဟန်ကိုလည်း တွေးမိပါတယ်။ ကျွန်တော်ပြောခဲ့သလိုပါပဲ သူ့ရဲ့ခံစစ်ကစားဟန်က ပြဿနာဖြစ်စေပါတယ်။

ရီးရဲလ်အသင်းမှာ သူက ပြဿနာဖြစ်လာနိုင်ပါတယ်။ ဘာလို့လဲဆိုတော့ သူတို့မှာ ဗယ်လ်ဗာဒီလည်းရှိနေသလို ကာဗာဂျယ်လည်း ပြန်လာတော့မှာပါ။ သူ့အနေနဲ့ အားပြိုင်ရတာတွေရှိလာနိုင်ပါတယ်။ ကာဗာဂျယ်က တိုက်စစ် နဲ့ ခံစစ်ကို ဟန်ချက်ညီစေပါတယ်။ ဒါပေမယ့် ပြဿနာက သူ့အသက်က ၃၂ နှစ်ရှိလာပြီဖြစ်သလို ဒဏ်ရာပြဿနာလည်းရှိနေပါတယ်။

ကျွန်တော့်အမြင်အရတော့ ကာဗာဂျယ်က အာနိုးလ်ထက်ပိုကောင်းတဲ့နောက်ခံလူပါ။ ဗယ်လ်ဗာဒီစွမ်းဆောင်ပြနေတာတွေကလည်း မယုံကြည်နိုင်စရာပါ။ သူ နဲ့ အာနိုးလ်တို့ကြား အားပြိုင်ရနိုင်ပါတယ်။ အာနိုးလ်အနေနဲ့ နေရာရချင်တယ်ဆိုရင် ခံစစ်စွမ်းဆောင်ရည်ကို ပြင်ရပါမယ်။ အင်္ဂလန်အသင်းမှာကော လီဗာပူးအသင်းမှာ သူနေရာမမြဲတာက အဲ့အချက်ကြောင့်ပါ။ အရေးပါတဲ့ပွဲတွေမှာ ညာနောက်ခံလူတစ်ဦးက အခုလိုမျိုးအရေးပါတဲ့ပွဲတွေမှာ အကြိမ်ရေတော်တော်များများ ချန်လှပ်ခံရတာ မမြင်ဖူးပါဘူး။

လီဗာပူးပရိသတ်တစ်ဦးအနေနဲ့တော့ သူ့ကိုအကယ်ဒမီထွက်ကစားသမားတစ်ဦးဖြစ်တာကြောင့် မဆုံးရှုံးချင်တာတော့ အမှန်ဖြစ်သလို ခံလည်းခံစားရမှာပါ။ကျွန်တော် ဒေးဗစ်ဘက်ခမ်းအကြောင်းတောင် တွေးဖြစ်ခဲ့ပါတယ်။ သူ ရီးရဲလ်ကိုပြောင်းခဲ့သလို အဲ့နောက် မီလန်ကိုပြောင်းခဲ့ပါတယ်။ အဲ့အတွေ့အကြုံတွေကပဲ သူ့ကိုပိုကောင်းလာစေတာပါ။ ကျွန်တော် ဘောလုံးကစားတာရပ်တန့်ပြီးချိန်မှ အခြားဘက်ကနေ တွေးမိလာခဲ့တာပါ။ ရီးရဲလ်အသင်းထံပြောင်းခဲ့တဲ့အတွေ့အကြုံ သူ့အတွက် အင်မတန်ကိုကောင်းမွန်စေခဲ့ပါတယ်”လို့ နဗီးလ်က ပြောကြားခဲ့ပါတယ်။