ဆွီဒင် တိုက်စစ်မှူး အီဆက်ကို ဝေဖန်မှာမဟုတ်ဘူးလို့ ပြောကြားလိုက်တဲ့ မိုက်ကယ် အိုဝင်
နယူးကာဆယ်ကနေ လီဗာပူးဆီ ငွေကြေးအများကြီးနဲ့ ပြောင်းရွှေ့ဖို့ အလက်ဇန်းဒါး အီဆက်ရဲ့ လုပ်ရပ်တွေကို မိုက်ကယ် အိုဝင်က ဝေဖန်ဖို့ ငြင်းဆန်ခဲ့ပါတယ်။ လက်ရှိအခြေအနေက တင်းမာမှုတွေ ပိုများလာခဲ့ပါတယ်။ အီဆက်က “အသင်းရဲ့ အုပ်ချုပ်သူတွေကို ယုံကြည်မှု ဆုံးရှုံးသွားပြီ” လို့ ပြောတဲ့ ကြေညာချက်ကို လူသိရှင်ကြား ထုတ်ပြန်ခဲ့ပါတယ်။ ဒါ့အပြင် လီဗာပူးကို ပြောင်းရွှေ့ဖို့အတွက် နယူးကာဆယ်အတွက် ဘယ်တော့မှ ပွဲထွက်ကစားတော့မှာ မဟုတ်ဘူးလို့လည်း ဆိုပါတယ်။ နယူးကာဆယ်အသင်းကတော့ ဒီသတင်းအပေါ် “စိတ်ပျက်မိတယ်” လို့ တုံ့ပြန်ခဲ့ပါတယ်။ နယူးကာဆယ်ကစားသမားဟောင်း အိုဝင်ကတော့ အီဆက်ရဲ့ လုပ်ရပ်ကို ဝေဖန်ဖို့ ငြင်းဆန်ခဲ့ပြီး တိုက်စစ်မှူးရဲ့ စိတ်နေစိတ်ထားကို နားလည်ပါတယ်လို့ ပြောခဲ့ပါတယ်။
အိုဝင်ကတော့ ပရိသတ်တွေနဲ့ ကလပ်အသင်းတွေဟာ အသုံးမလိုတဲ့ ကစားသမားတွေကို ဘယ်လို မြန်မြန် ထွက်သွားအောင် လုပ်တတ်လဲဆိုတာကိုလည်း ထောက်ပြခဲ့ပါတယ်။ ဒီဆွီဒင်ကစားသမားအပေါ် ကိုယ်ချင်းစာမှုအချို့ ပြသခဲ့ပေမဲ့လည်း အပြောင်းအရွှေ့လုပ်ဖို့အတွက် ဒီနည်းလမ်းအတိုင်း လုပ်မှာမဟုတ်ဘူးလို့ ဘောလုံးသမားဟောင်း အိုဝင်က ပြောပါတယ်။ အိုဝင်က Chronicle သတင်းဌာနကို “သူက သူ့ရဲ့ ရည်ရွယ်ချက်ကို ပြောပြခဲ့တာပါ”
“သူ ပြောင်းရွှေ့ချင်တယ်ဆိုတာ ရှင်းရှင်းလင်းလင်းပဲ ဖြစ်ပါတယ်။ နယူးကာဆယ်ပရိသတ်တွေက သူ့ကို ခွင့်လွှတ်ပြီး မေ့နိုင်မလားဆိုတာကတော့ ကြီးမားတဲ့ မေးခွန်းတစ်ခုပါပဲ။ ကျွန်တော် မသိပါဘူး။ ဒါပေမဲ့ သူက အသင်းအတွက် အံ့မခန်းကောင်းအောင် လုပ်ပေးခဲ့ပါတယ်။ ဆုဖလားလည်း ရခဲ့ပြီး ချန်ပီယံလိဂ်လည်း ဝင်ခွင့်ရခဲ့ပါတယ်”
“သူ့ရဲ့ ကြေညာချက်က သူ့ဘက်က အခန်းကဏ္ဍကို ရှင်းရှင်းလင်းလင်း လုပ်ဆောင်ခဲ့ပြီးပါပြီ။ အဲ့ဒါ လုံလောက်ပြီလို့ သူက ခံစားမိနေပါတယ်။ အရင်က ဆွေးနွေးမှုတွေအရ သူက လွတ်လပ်စွာ ထွက်ခွာခွင့်ရထားတယ်လို့ ဆိုပါတယ်။ ဒါပေမဲ့ နယူးကာဆယ်က ဒီလိုမျိုး လုပ်မယ့်ပုံ မပေါ်ပါဘူး” “ဒီအခြေအနေတစ်ခုလုံးက စိတ်ဝင်စားစရာပါ။ အပြောင်းအရွှေ့တစ်ခု ဖြစ်လာတဲ့အခါ အသင်းက ကစားသမားကို တွန်းထုတ်ပြီး ဘယ်သူမှ စိတ်မပူကြပါဘူး။ ဒါပေမဲ့ ဒီလိုပြောင်းရွှေ့တာက ကလေးတွေရဲ့ ကျောင်း၊ မိသားစုတွေနဲ့ တခြားအရာတွေအားလုံးကို လွှမ်းမိုးထားခဲ့ပါတယ်”
“တကယ်တော့ ဘယ်သူမှ ဘောလုံးသမားတစ်ယောက်ကို ဂရုမစိုက်ပါဘူး။ ဒါပေမဲ့ အဲ့ဒီလိုမဟုတ်ဘဲ ကစားသမားကပဲ ပြောင်းရွှေ့ဖို့ လုပ်တဲ့အခါမှာတော့ တစ်ကမ္ဘာလုံးက အပြောင်းအရွှေ့တစ်ခု ဖြစ်လာအောင် ဘယ်လိုလုပ်ရဲတာလဲဆိုပြီး ဒေါသတွေ ထွက်နေကြတာကို မြင်ရတာ စိတ်ဝင်စားစရာပါပဲ။ ကျွန်တော်ကတော့ အိုင်ဆက်ကို ဝေဖန်မှာ မဟုတ်ပါဘူး”
“သူ လုပ်ခဲ့တဲ့ လုပ်ရပ်အတိုင်းတော့ ကျွန်တော်ကိုယ်တိုင် မလုပ်ခဲ့ပါဘူး။ ဒါပေမဲ့ သူက ကောင်းမွန်တဲ့ ကစားသမားတစ်ယောက်ဖြစ်ပြီး သူ့ရဲ့အကောင်းဆုံး နေရာကို ရောက်ချင်တာကိုတော့ ကျွန်တော် နားလည်ပါတယ်” “သူက အသက်မွေးဝမ်းကျောင်း ဘဝ တိုတောင်းပြီး လက်ရှိ ကမ္ဘာပေါ်မှာ အကောင်းဆုံးအသင်းလို့ ပြောလို့ရတဲ့ အသင်းဆီကို ပြောင်းချင်နေတာပါ။ သူ့ဘက်ကတော့ နားလည်နိုင်ပါတယ်။ ဒါပေမဲ့ ကမ္ဘာ့မီဒီယာတွေမှာ ဒီလိုဖြစ်နေတာကတော့ ဝမ်းနည်းစရာပါပဲ။ အိုင်ဆက်အနေနဲ့ သူ့ရဲ့ နာမည်ကောင်းနဲ့ပတ်သက်ပြီးတော့ ကောင်းမွန်တဲ့အရာတွေ မဖြစ်လာခဲ့ပါဘူး” လို့ ပြောခဲ့ပါတယ်။
လီဗာပူးအသင်းက ပေါင် သန်း ၁၁၀ တန် ကမ်းလှမ်းမှုအပေါ် ပိုကောင်းတဲ့ ကမ်းလှမ်းမှု ပေးအပ်မှသာ ဒီအငြင်းပွားမှုက ရှေ့ဆက်နိုင်ပါလိမ့်မယ်။ နယူးကာဆယ်အသင်းကတော့ ကစားသမားအတွက် ပေါင်သန်း ၁၅၀ တန်ဖိုးရှိမှသာ သဘောတူညီမှု ရနိုင်မယ်လို့ ခိုင်မာစွာ ရပ်တည်နေပါတယ်။ အဲ့ဒီအချိန်အတောအတွင်းမှာတော့ အိုင်ဆက်ရဲ့ စရိုက်နဲ့ပတ်သက်ပြီး ဂန္ထဝင်ကစားသမားတွေ၊ အစီအစဉ်တင်ဆက်သူတွေနဲ့ လူမှုကွန်ရက်ပေါ်ကနေ ဝေဖန်မှုတွေ ပိုများလာနိုင်ပါတယ်။
