မန်ချက်စတာယူနိုက်တက်အသင်းဟာ ကုန်ကျစရိတ် လျှော့ချဖို့အတွက် ဝန်ထမ်း ၂၀၀ ကျော်ကို အလုပ်ဖြုတ်မယ်လို့ ကြေညာလိုက်ပါတယ်။ ဒါက ပြီးခဲ့တဲ့နွေရာသီက ဝန်ထမ်း ၂၅၀ ကို အလုပ်ဖြုတ်ပြီးတဲ့နောက် ထပ်မံဖြုတ်ချတာပါ။ အသင်းရဲ့ CEO အိုမာ ဘာရာဒါက ဒီလိုလုပ်ရတာဟာ အသင်းရဲ့ ဘဏ္ဍာရေးကို တည်ငြိမ်အောင် လုပ်ဖို့နဲ့ အသင်းတွေကို အနိုင်ရအောင် ကူညီဖို့အတွက် ဖြစ်တယ်လို့ ပြောပါတယ်။ 

ဒီအလုပ်ဖြုတ်ချမှုကြောင့် ဘယ်သူတွေ ထိခိုက်မလဲဆိုတာကိုတော့ မတ်လမှာ အသိပေးမယ်လို့ ဆိုပါတယ်။ မန်ယူအသင်းဟာ လွန်ခဲ့တဲ့ ၃ နှစ်အတွင်း ပေါင် သန်း ၃၀၀ ကျော် ဆုံးရှုံးခဲ့ပြီး ဘဏ္ဍာရေး အခက်အခဲတွေနဲ့ ရင်ဆိုင်နေရပါတယ်။ ၂၀၂၄ ခုနှစ် Q4 မှာလည်း ဝင်ငွေ ကျဆင်းခဲ့တယ်လို့ အစီရင်ခံစာတွေက ဆိုပါတယ်။

အလုပ်ဖြုတ်ချတာအပြင် အသင်းဟာ ကုန်ကျစရိတ် လျှော့ချဖို့အတွက် တခြားနည်းလမ်းတွေကိုလည်း လုပ်ဆောင်နေပါတယ်။ အိုးထရက်ဖို့ဒ်က ဝန်ထမ်းတွေကို ကာရင်တန် လေ့ကျင့်ရေးကွင်းကို ပြောင်းရွှေ့မယ်၊ Mayfair ရုံးခွဲမှာ နေရာတွေ လျှော့ချမယ်၊ အိုးထရက်ဖို့ဒ် မှာ နေ့လည်စာတွေကို ရပ်ဆိုင်းမယ်လို့ သိရပါတယ်။ ဒါ့အပြင် အလှူငွေတွေကိုလည်း လျှော့ချဖို့ စီစဉ်နေတယ်လို့ ဆိုပါတယ်။