ပီအက်စ်ဂျီနည်းပြ အင်းနရစ်တစ်ယောက် ကလပ်ကမ္ဘာ့ဖလားဖိုင်နယ်အပြီးမှာ ချဲလ်ဆီးစတား ပက်ဒရိုကိုလည်ပင်းညှစ်ခဲ့ပေမယ့် အရေးယူမှုကနေ ကင်းလွတ်ခဲ့တယ်လို့ သိရပါတယ်။ အေအက်စ်သတင်းဌာနရဲ့အဆိုအရ အင်းနရစ်ဟာ ကလပ်ကမ္ဘာ့ဖလားဖိုင်နယ်ပွဲအပြီးမှာ ချဲလ်ဆီးစတား ဂျာအိုပက်ဒရိုရဲ့လည်မျိုကို ညှစ်ခဲ့ပေမယ့် စည်းကမ်းပိုင်းဆိုင်ရာအရ အရေးယူမခံရဘူးလို့ ဖော်ပြခဲ့ပါတယ်။ ဖီဖာရဲ့စည်းကမ်းပိုင်းထိန်းသိမ်းရေးကော်မတီက အဆိုပါဖြစ်ရပ်ကို ကြည့်ရှုခဲ့ပေမယ့် အင်းနရစ်ကို ဘာမှအရေးမယူခဲ့တာဖြစ်ပါတယ်။

ဖီဖာရဲ့စည်းကမ်းထိန်းသိမ်းရေးက အဆိုပါဖိုင်နယ်မှာပဲ ကူကူရယ်လာကို ဆံပင်ဆွဲခဲ့တဲ့ ကွင်းလယ်လူ ဂျာအိုနီဗက်စ်ကိုတော့ ၂ ပွဲပယ်ပြစ်ဒဏ်ချမှတ်ခဲ့ပါတယ်။ အဆိုပါအခြေအနေကြောင့် ကစားသမား နဲ့ နည်းပြကြား စည်းကမ်းတွေနဲ့ပတ်သက်ပြီး ဝေဖန်မှုတွေထွက်ပေါ်နေပါတယ်။ ပီအက်စ်ဂျီအတွက်တော့ အင်းနရစ်တစ်ယောက် ပြစ်ဒဏ်မခံရတာက ကံကောင်းခဲ့တယ်လို့ ဆိုရမှာဖြစ်ပါတယ်။ နီဗက်စ်ကို ၂ ပွဲပယ်ခဲ့တာကလည်း ကစားသမားမပီသဘူးဆိုတဲ့အချက်နဲ့ ပယ်ခဲ့တာဖြစ်ပြီး ဒဏ်ငွေပါ ချမှတ်ဖွယ်ရှိနေပါတယ်။ အင်းနရစ်ကတော့ လက်ရှိမှာ လီဂူးဝမ်းပွဲစဉ်အတွက် ပြင်ဆင်နေပြီး ချန်ပီယံလိဂ်ပြိုင်ပွဲအတွက်ပါ အရှိန်အဟုန်ကို ဆက်ထိန်းချင်နေပါတယ်။