ပြီးခဲ့တဲ့နွေရာသီယူရိုမှာ တိမ်မြုပ်ခဲ့ပြီးနောက် စိတ်ပိုင်းဆိုင်ရာပြဿနာရှိနေတဲ့အတွက် မန်စီးတီးအသင်းဖော်တွေက မိမိကိုစိတ်ပူနေကြကြောင်း ဖိုဒန်က ထုတ်ဖော်ပြောကြားလိုက်ပါတယ်။ ပြီးခဲ့တဲ့ ၁ နှစ်ခွဲလောက်ကတည်းက ဖိုဒန်ရဲ့ကစားသမားဘဝဟာ ကျဆင်းလာခဲ့ပြီး ကလပ်အသင်းမှာကော နိုင်ငံအသင်းမှာပါ ကျဆင်းလာခဲ့တာဖြစ်ပါတယ်။

ဂွါဒီယိုလာက ဖိုဒန်ကို ထောက်ခံထားပေမယ့်လည်း ယူရို ၂၀၂၄ မှာ ရုန်းကန်ခဲ့ရပြီးနောက် အခုလည်း တူချယ်လက်အောက်မှာ အရန်ခုံထိုင်နေရတာဖြစ်ပါတယ်။ အခုချိန်မှာတော့ စီးတီးအသင်းဖော်တွေက မိမိရဲ့စိတ်ပိုင်းဆိုင်ရာနဲ့ပတ်သက်ပြီး စိုးရိမ်နေကြတယ်လို့ ပြောကြားလာခဲ့တာဖြစ်ပါတယ်။ သတင်းတွေအရ စီးတီးအသင်းသားတွေဟာ ဖိုဒန်အခြေအနေကို စိုးရိမ်နေပြီး ကွင်းလယ်လူဟာ မိသားစုနဲ့အတူ မန်ချက်စတာမြို့နဲ့အဝေး Northwich အနီးကိုပြောင်းရွှေ့ခဲ့တာဖြစ်ပါတယ်။

ဂွါဒီယိုလာကတော့ ဖိုဒန်တစ်ယောက် စွမ်းဆောင်ရည်ကျဆင်းနေတာကို မစိုးရိမ်ဘူးလို့ ပြောကြားခဲ့ပြီး သူလည်း ကစားသမားဘဝကဖြတ်သန်းလာတာကြောင့် လက်ရှိအခြေအနေကို သိရှိထားတယ်လို့ ပြောကြားခဲ့ပါတယ်။ ဖိုဒန်ဟာ ပြီးခဲ့တဲ့ရာသီတုန်းက မန်စီးတီးရဲ့ဒုတိယမြောက် ပွဲထွက်ခွင့်မိနစ်အများဆုံးကစားသမားဖြစ်ပြီး ရိုဒရီရဲ့စံချိန်ကို ကျော်ဖြတ်ထားနိုင်ခဲ့ပါတယ်။ စီးတီးစတားအနေနဲ့ တူချယ်ရဲ့လာမယ့် ၂၀၂၆ ကမ္ဘာ့ဖလားလူစာရင်းမှာ ပါဝင်ဖို့ဆိုရင် စွမ်းဆောင်ရည်ပိုင်းတိုးတက်ဖို့ လိုအပ်နေပါတယ်။