ယူနိုက်တက်နောက်ခံလူဟာ ကြွက်သားဒဏ်ရာကနေ ပြန်လည်ကောင်းမွန်လာဖို့အတွက် ရုန်းကန်နေရတာကြောင့် သောကြာနေ့က အိုက်စလန်အသင်းနဲ့ ခြေစမ်းပွဲမတိုင်ခင် ခြင်္သေ့သုံးကောင်ရဲ့ နောက်ဆုံးလေ့ကျင့်ရေးအစီအစဉ်ကို လွဲချော်ခဲ့ပါတယ်။

ဆောက်ဂိတ်ဟာ သောကြာနေ့ည သန်းခေါင်ယံတွင် ပြိုင်ပွဲအတွက် နောက်ဆုံး ၂၆ ယောက် လူစာရင်းကို ပေးရမှာဖြစ်ပြီး မက်ဂွါရီဟာ သူ့ရဲ့ကြံ့ခိုင်မှုကို သက်သေမပြနိုင်သောကြောင့် အပြီးသတ်လူစာရင်းမှာ ပါဝင်ဖို့ သံသယဖြစ်ဖွယ်ရှိနေပါတယ်။ မက်ဂွါရီကလည်း ချန်လှပ်ခံရဖွယ်ရှိနေသလို အတွေ့အကြုံအရှိဆုံးနှင့် ယုံကြည်စိတ်ချရတဲ့ ကစားသမားတစ်ဦးကို ချန်လှပ်ရတာက ဆောက်ဂိတ်အတွက်လည်း ကြီးမားတဲ့ထိုးနှက်ချက်ဖြစ်မည်ကို စိုးရိမ်လျက်ရှိတယ်လို့ The Telegraph က ဖော်ပြထားပါတယ်။

မက်ဂွါရီဟာ ဧပြီလ ၂၇ ရက် ဘန်လေနဲ့ ၁-၁ သရေကျခဲ့တဲ့ပွဲပြီးကတည်းက နားနေရခဲ့ရတာဖြစ်ပြီး ယူနိုက်တက်ရဲ့ FA ဖလားဗိုလ်လုပွဲပါ လွဲချော်ခဲ့ရတာဖြစ်ပါတယ်။ ဆောက်ဂိတ်ဟာ တနင်္လာနေ့တွင် ဘော့စနီးယား-ဟာဇီဂိုဗီးနားနှင့် ခြေစမ်းပွဲမတိုင်မီ ယာယီ ၃၃ ဦးကို အမည်စာရင်းတင်ခဲ့ပြီး သောကြာနေ့ ဝင်ဘလေတွင် အိုက်စလန်နှင့် ကစားမည့်ပွဲမတိုင်မီ ကစားသမား ၂ ဦးကို လျော့ချထားပြီးဖြစ်ပါတယ်။

တော့တင်ဟမ်မှ ဂျိမ်းမက်ဒီဆင်နှင့် လီဗာပူး ကွင်းလယ်လူ ကာတစ် ဂျုံးစ်တို့ကလည်း သောကြာနေ့ နှောင်းပိုင်းတွင် ထွက်ခွာသွားကြပြီဖြစ်ပြီး နောက်ထပ် ကစားသမား ၅ ဦးလည်း ရှိနေတာဖြစ်ပါတယ်။

ကြာသပတေးနေ့က အင်္ဂလန်အသင်းရဲ့ ထုတ်ပြန်ချက်တွင် "ယနေ့လေ့ကျင့်ရေးတွင် ကစားသမား ၂၇ ဦး ပါဝင်မှာဖြစ်ပြီး တစ်ဦးချင်းအစီအစဉ်များအတိုင်း လူးဝစ်ဒန့်ခ်၊ ဟယ်ရီမက်ဂွါရီနှင့် လုရှောတို့ ပါဝင်မှာဖြစ်ပါတယ်" "မက်ဒီဆင်နှင့် ကာတစ်ဂျုံးစ်တို့ဟာ အသင်းရဲ့နောက်ဆုံး ယူရို ၂၀၂၄ လူစာရင်းတွင် မပါဝင်ကြောင်း ပြောကြားခဲ့ပြီးနောက် အင်္ဂလန်ရဲ့လေ့ကျင့်ရေးစခန်းမှ ထွက်ခွာသွားခဲ့ကြပါတယ်" "ကျွန်တော်တို့ရဲ့ ပြိုင်ပွဲအကြိုပြင်ဆင်မှုတွင် အရေးပါတဲ့ အစိတ်အပိုင်းတစ်ခုအဖြစ်ပါဝင်ခဲ့တဲ့အပေါ် သူတို့တွေကို ကျေးဇူးတင်ပါတယ်" လို့ ပါရှိပါတယ်။

မက်ဂွါရီ မပါဝင်ခဲ့ဘူးဆိုရင်တောင် အသင်းရဲ့ လက်ရှိလူစာရင်းမှာ ဂျွန်စတုန်း၊ ဂူယေး၊ ဒန့်ခ်၊ ကွန်ဆာ၊ ဂိုမက်ဇ်နှင့် ဘရန့်ဝိတ်တို့အားလုံးရှိနေတာကြောင့် ဆောက်ဂိတ်အတွက် ရွေးချယ်စရာ ရှားပါးနေမှာ မဟုတ်ပါဘူး။ လီဗာပူးမှ ကွန်ဆက်ဟာ အင်္ဂလန်ရဲ့လေ့ကျင့်ရေးစခန်းတွင်ရှိနေသော်လည်း လာမယ့်တနင်္ဂနွေနေ့ အင်္ဂလန်ရဲ့ ပထမအုပ်စုပွဲမတိုင်မီ အပြီးသတ် ၂၆ ဦးအားထုတ်ပြန်ချိန်တွင် ချန်လှပ်ခြင်းခံရမယ်လို့ မျှော်လင့်ရပါတယ်။