အာဆင်နယ်သို့ ရောက်လာကတည်းက မာဂယ်ဟေးစ်ကို တကယ်အံအားသင့်ခံခဲ့ရပါတယ်လို့ ပြောကြားလိုက်တဲ့ ဒီကလန်ရိုက်စ်
ရိုက်စ်ဟာ ပြီးခဲ့တဲ့ နွေရာသီမှာ ဝက်စ်ဟမ်းကနေ ပေါင် ၁၀၅ သန်းဖြင့် အာဆင်နယ်သို့ ပြောင်းရွှေ့လာခဲ့တာဖြစ်ပြီး အာဆင်နယ်ရဲ့ ကွင်းလယ်မှာ အသားကျလာခဲ့ပါတယ်။
ဒါပေမယ့် အင်္ဂလန်လက်ရွေးစင်က အာဆင်နယ်ရဲ့ ပထမဦးစားပေး ဗဟိုခံစစ်ကစားသမား ဆာလီဘာနဲ့ ဂါဘရီရယ်မာဂယ်ဟေးစ်တို့ရဲ့ စွမ်းဆောင်ရည်တွေဟာ သူ့အတွက်အကူအညီဖြစ်စေခဲ့တာကို အသိအမှတ်ပြုထားပါတယ်။ မာဂယ်ဟေးစ်ရဲ့ လုပ်ဆောင်ပုံနဲ့ စိတ်ဓာတ်က သူ့ကို အံ့အားသင့်စေတယ်လို့ ရိုက်စ်က ပြောပါတယ်။
စနေနေ့က နယူးကာဆယ်ကို ၄-၁ ဂိုးနဲ့ အနိုင်ရခဲ့တဲ့ပွဲမှာ အာဆင်နယ်အတွက် ကစားခဲ့တဲ့ ဆာလီဘာနဲ့ ဂါဘရီရယ်တို့ အကြောင်းကို မေးမြန်းရာမှာ ရိုက်စ်က TNT Sports သို့ "ကျွန်တော် သူတို့ရဲ့အကောင်ဆုံးပုံစံအတွက် လုံလောက်အောင် ပြောဖို့ စကားမရှိနေတာပါ၊ ဒီမှာထိုင်ပြီး လိမ်မပြောချင်ပါဘူး" "ဆာလီဘာက အရမ်းကောင်းတယ်လို့ထင်ပါတယ်။ ကျွန်တော် ဒီကိုမလာခင်မှာ သူပြောသမျှတွေအကုန်လုံး သိသိသာသာ ကြားခဲ့ရပြီး ကျွန်တော့်ကို တကယ်အံ့သြသွားတဲ့သူကတော့ မာဂယ်ဟေးစ်ပါပဲ" "သူက အရမ်းပြင်းပြတဲ့စိတ်ရှိတယ် အရမ်းသန်မာတယ် အဲ့ဒီလိုမျိုးကို အချိန်တိုင်း တကယ်လိုချင်နေပြီး ၂ ဦး ယှဉ်လုတဲ့အခါမှာ ဘယ်တုန်းကမှာ ဆုံးရှုံးဖူးတာမရှိပါဘူး" "ပြင်းပြတဲ့စိတ်နဲ့ကစားတဲ့ ဒီလိုဗဟိုခံစစ်မှုး နှစ်ယောက် ရှိပြီဆိုရင် တကယ်ကို အထောက်အကူဖြစ်ပြီး ယုံကြည်မှုတွေ ပေးမှာဖြစ်ပါတယ်" လို့ ပြောပါတယ်။
အာဆင်နယ်ရဲ့ ပရီးမီးယားလိဂ်ဖလားပြိုင်ဆိုင်မှု ဖိအားကို သဘာကျမိပါတယ်လို့ ရိုက်စ်က ပြောဆိုထားပါတယ်။ "တကယ်ကိုကောင်းပါတယ်။ ခင်ဗျားဆိုရင်လည်း ကြိုက်မှာပါ။ ဘောလုံးပွဲတွေမှာ အနိုင်ရဖို့ ဖိအားတွေကို နှစ်သက်မိတယ်လို့ ကျွန်တော် ထင်ပါတယ်" "ကျွန်တော့်ရဲ့ ကစားသမားဘဝ ကုန်ဆုံးသွားချိန်မှာတော့ ဒီအချိန်တွေကို ပြန်ကြည့်ရင်း ဆုဖလားပြိုင်ပွဲတွေ များများကစားစေချင်ပါတယ်" လို့ ရိုက်စ်က ပြောပါတယ်။
