အာဆင်နယ်ကွင်းလယ်လူ ဒီကလန်ရိုက်စ်က လူငယ်စတား မက်စ်ဒေါင်းနင်းဟာ စီနီယာတွေဖြစ်လာတဲ့ စကယ်လီ နဲ့ နွမ်နီရီတို့ခြေရာကို လိုက်နင်းနိုင်မယ့်သူအဖြစ် ထုတ်ဖော်ပြောကြားလိုက်ပါတယ်။ စကယ်လီ နဲ့ နွမ်နီရီတို့ဟာ ပြီးခဲ့တဲ့လတွေကတည်းက အာဆင်နယ်အသင်းမှာ နေရာရလာခဲ့တာဖြစ်ပြီး ဟေးအန့်တ်အကယ်ဒမီကနေပေါ်ထွက်လာခဲ့တာဖြစ်ပါတယ်။

စကယ်လီကတော့ လက်ရှိ တူချယ်ရဲ့ရွေးချယ်မှုနဲ့အတူ အင်္ဂလန်စီနီယာအသင်းမှာ ပထမဆုံးပါဝင်ခွင့်ရရှိခဲ့ပြီး အယ်လ်ဘေးနီးယားနဲ့ပွဲဦးထွက်ပွဲမှာ ဂိုးသွင်းယူနိုင်ခဲ့ပါတယ်။ ဒေါင်းနင်းက အာဆင်နယ်စီနီယာအသင်းမှာ ပါဝင်ခွင့်မရသေးပေမယ့် မကြာခင်မှာ စကယ်လီ နဲ့ နွမ်နီရီတို့ခြေရာကို လိုက်နင်းနိုင်ဖို့ များနေပါတယ်။

အင်္ဂလန်ယူ - ၁၇ ကိုယ်စားပြုကွင်းလယ်ကစားသမားလေးဟာ ဒီဇင်ဘာတုန်းက ပရီးမီးယားလိဂ်လိဂ်တူးရဲ့အသက်အငယ်ဆုံးကစားသမားဖြစ်လာခဲ့ပြီး အာတီတာရဲ့စီနီယာအသင်းမှာ လေ့ကျင့်ခန်းဆင်းခဲ့သေးတာဖြစ်ပါတယ်။ “ကျွန်တော် မက်စ်အကြောင်း စာတွေအများကြီးရထားပါတယ်။ အသက် ၁၅ နှစ်ပဲရှိနေသေးတာကြောင့် သူခရီးအရှည်ကြီးသွားရဦးမှာပါ။ အသက် ၁၅ နှစ်နဲ့ ခင်ဗျားက အကောင်းဆုံးဖြစ်နေပေမယ့် အသက် ၁၈ နှစ်အထိဖြစ်မယ်လို့ မဆိုလိုပါဘူး။

ဒါကြောင့် ခင်ဗျားအနေနဲ့ ဆာလောင်နေဖို့ လိုအပ်သလို အလုပ်ကြိုးစားပြီး တွန်းအားပေးနေဖို့ လိုအပ်ပါတယ်။ ကျွန်တော် မက်စ်အကြောင်းအများကြီးပြောဖြစ်ပါတယ်။ သူ့မှာ ကောင်းမွန်တဲ့မိသားစုပတ်ဝန်းကျင်ရှိပါတယ်။ သူက တကယ့်ကိုမယုံကြည်နိုင်စရာကောင်းတဲ့ကစားသမားပါ။ ကျွန်တော့်မှာ သူတို့ ၃ ယောက်စလုံးနဲ့ ကောင်းမွန်တဲ့ဆက်ဆံရေးရှိပါတယ်။ ဘာလို့လဲဆိုတော့ မက်စ်လည်း ကျွန်တော်တို့နဲ့အတူ လေ့ကျင့်ခန်းအများကြီးဆင်းဖူးပါတယ်။ သူတို့ ၃ ယောက်စလုံးကို ကျွန်တော် ဂရုစိုက်ပါတယ်။ ဘာလို့လဲဆိုတော့ ကျွန်တော်လည်း အဲ့နေရာမှာကစားဖူးတာကြောင့်ပါ။ ကျွန်တော်က စီနီယာဖြစ်တာကြောင့် သူတို့ကို ကူညီပါတယ်”လို့ ရိုက်စ်က ပြောကြားခဲ့ပါတယ်။

အာတီတာက ပြီးခဲ့တဲ့လတွေတုန်းက ပရီးမီးယားလိဂ်စည်းမျည်းတွေကြောင့် ဒေါင်းနင်းကို ပွဲထွက်ခွင့်ပေးဖို့ ခက်ခဲကြောင်း ထုတ်ဖော်ပြောကြားခဲ့ပါတယ်။ “သူ့အသက်အရွယ်နဲ့မလိုက်အောင် စွမ်းဆောင်ပြထားပါတယ်။ လေ့ကျင့်ခန်းမှာ သူလုပ်ပြတဲ့အချို့အရာတွေက မယုံကြည်နိုင်စရာပါ။ သူက အလားအလာအများကြီးတဲ့ကစားသမားတစ်ဦးပါ။ လက်ရှိအချိန်မျာတော့ သူ့အတွက် ကန့်သတ်ချက်တွေရှိနေပေမယ့် မကြာခင်မှာ သူ့ကိုမြင်ရနိုင်ပါတယ်။ အခုလက်ရှိ သူရနေတဲ့မတူညီတဲ့စိန်ခေါ်မှုတွေကြောင့် သူက မတူညီတဲ့ကစားသမားတစ်ဦးအလျင်အမြန်ဖြစ်လာနေပါတယ်”လို့ အာတီတာက ပြောကြားခဲ့ပါတယ်။