ကာဇိုလာဟာ ၂၀၁၂ ခုနှစ်မှ ၂၀၁၈ ခုနှစ်အထိ ၆ နှစ်တာကာလအတွင်း အမ်းမရိတ်စ်တွင် ပရိတ်သတ်နှစ်သက်တဲ့ ကစားသမားတစ်ဦးဖြစ်ခဲ့ပြီး ကြိုးစားတဲ့ စိတ်နေသဘောထား၊ စွမ်းဆောင်နိုင်မှုနှင့် မြင့်မားတဲ့ နည်းစနစ်ပိုင်းဆိုင်ရာ စွမ်းရည်များကြောင့် တော်တော်များများက သိနေကြတာဖြစ်ပါတယ်။

၂၀၀၈ နှင့် ၂၀၁၂ တို့မှာ စပိန်နှင့်အတူ ယူရိုဖလားရရှိခဲ့တဲ့ အသက် ၃၉ နှစ်အရွယ် ကာဇိုလာဟာ ဂန်နာတို့အား အက်ဖ်အေဖလား ၂ ကြိမ်ရယူပေးခဲ့ကာ ၂၀၁၃ ခုနှစ်တွင် အာဆင်နယ်ရဲ့တစ်ရာသီအကောင်းဆုံးကစားသမားဖြစ်ခဲ့ပါတယ်။

ကာဇိုလာဟာ လွန်ခဲ့တဲ့ ၆ နှစ်က အာဆင်နယ်မှ ဗီလာရီးယဲလ်သို့ ထွက်ခွာခဲ့ပြီး ကာတာကလပ် အယ်လ်ဆက်တွင် ကစားခဲ့ပြီးနောက် ယခုအခါ ကွင်းလယ်ကစားသမားဟာ စပိန်တွင် ရီးရဲလ်အိုဗီဒိုအတွက် ပြန်လည်ကစားနေပြီဖြစ်ပါတယ်။

သူဟာ မကြာမီတွင် ဘောလုံးလောကရဲ့ ဒုတိယအဆင့်ကို ပြောင်းလဲနိုင်နေတာဖြစ်ပြီး ကာဇိုလာဟာ ယခုနှစ်နွေရာသီတွင် ကစားသမားဘဝကို အဆုံးသတ်ရန် မျှော်လင့်ထားတာကြောင့် အာဆင်နယ်သို့ နည်းပြအဖွဲ့ဝင်ဖြစ်ရောက်လာနိုင်တာဖြစ်ပါတယ်။

ကာဇိုလာက "အာဆင်နယ်ကို ကျွန်တော် ချစ်မြတ်နိုးပါတယ်" လို့ Sky Sports ကို ပြောပါတယ်။ "အဲဒီမှာ ၆ နှစ်လောက်နေခဲ့ရတဲ့ အံ့သြစရာကောင်းတဲ့ နှစ်တွေမှာ ပရိသတ်တွေအက ကျွန်တော့်ကို ဘယ်လောက်အထိချစ်တယ်ဆိုတာ သိပါတယ်" "ဟုတ်ပါတယ် ကျွန်တော်က အာတီတာနဲ့အတူ အဝတ်လဲခန်းကို မျှသုံးရတာ ကံကောင်းခဲ့ပြီး အခု သူက နည်းပြတစ်ဦးဖြစ်နေပါပြီ"

"အဲဒါနဲ့ ပတ်သက်ပြီး ဆွေးနွေးမှုတွေ ရှိခဲ့ပေမယ့် အခုချိန်မှာတော့ အိုဗီဒိုကို ကူညီပေးပြီး ကစားသမားတစ်ယောက်အနေနဲ့ ဘောလုံးကိုဆက်လက်ကစားဖို့ကလွဲလို့ တခြားဘာကိုမှ အာရုံစိုက်မနေပါဘူး"

"အဲဒါပြီးရင်တော့ ကျွန်တော့်အတွက် အနာဂတ်က ဘာတွေဖြစ်လာမလဲဆိုတာကို ကြည့်ရမှာပါ။ အာဆင်နယ်က ကျွန်တော့်အတွက် အမြဲတမ်း တံခါးဖွင့်ထားခဲ့တဲ့ အသင်းတစ်သင်းဆိုတာ ရှင်းပါတယ်"

"ဒါပေမယ့် အခုအချိန်မှာတော့ play-offs နဲ့ ပတ်သတ်ပြီး ကျွန်တော့်ရဲ့စိတ်ထဲမှာ အလုံအလောက်ရှိနေပြီး ကျွန်တော့်ရဲ့ ကစားသမားဘဝရဲ့ နောက်ဆုံးနေ့ရက်တွေအတွက် ကြိုးစားနေပါတယ်" လို့ သူက ပြောပါတယ်။

အာတီတာကလည်း ကာဇိုလာကို အာဆင်နယ်ရဲ့နည်းပြအဖွဲ့ဝင်အဖြစ် ခေါ်ယူလိုတဲ့ဆန္ဒကို သေချာပေါက် လျှို့ဝှက်ထားခြင်းမရှိပါဘူး။ "နေရာပေါ်မှာမူတည်ပါတယ်။ သူ့ကို ကိုယ်ချင်းစာမိတယ်ဆိုတာ အားလုံးသိပါတယ်။ ကျွန်တော်တို့ အတူတူရှိခဲ့ဖူးတော့ တကယ်ကိုကောင်းပါတယ်"

"သူ့မှာ မယုံနိုင်စရာ စွမ်းအင်တွေရှိပြီး ဒီလိုမျိုးနည်းပြအဖွဲ့ဝင်တစ်ယောက်အနေနဲ့ သူ့အသိပညာကို ယုံကြည်နိုင်ပြီး သူ့ရဲ့စွမ်းအားက အသင်းအတွက် မှန်ကန်မယ်လို့ ထင်ပါတယ်" လို့ အာဆင်နယ်နည်းပြက ဧပြီလတွင် ပြောကြားခဲ့ပါတယ်။