အာဆင်နယ်နည်းပြ မီကယ်အာတီတာက အသင်းဟာ ယခုနှစ်နွေရာသီအပြောင်းအရွှေ့မှာ ကစားသမားကောင်းတွေခေါ်ယူနိုင်ခဲ့တာကြောင့် ပရီးမီးယားလိဂ်နဲ့ ဥရောပမှာ ဆုဖလားတွေအတွက် ယှဉ်ပြိုင်နိုင်လောက်တဲ့ ကစားသမားအင်အားရှိလာပြီလို့ပြောကြားလိုက်ပါတယ်။

အာတီတာက "ကျွန်တော်တို့သိပါတယ်၊ ဒါဟာလိဂ်မှာရှိတဲ့တခြားအသင်းတွေ၊ ဥရောပကအသင်းတွေရဲ့စံနှုန်းပါပဲ။ ကျွန်တော်အရမ်းပျော်ပါတယ်။ ဘာလို့လဲဆိုတော့ ဒါက ကျွန်တော်တို့ကို ရွေးချယ်စရာတွေအများကြီးပေးထားလို့ပါ။ သူတို့ (ကစားသမားတွေ) က တစ်ရာသီလုံးမှာ ၇၀ ဒါမှမဟုတ် ၇၄ ပွဲကစားရမှာဖြစ်ပါတယ်။ ဒါကအရင်ကမရှိခဲ့ပါဘူး။ ပြင်းထန်မှုကဒီလောက်မြင့်လာတဲ့အခါ သူတို့က အဲဒီအတိုင်းဆက်ထိန်းထားနိုင်မှာမဟုတ်ဘူး၊ ဒါကြောင့် ကစားသမားတွေပိုလိုအပ်ပါတယ်။ စံနှုန်းတွေကမြင့်တက်လာပါတယ်။ ကျွန်တော်တို့က ကစားသမားကောင်းတွေလိုအပ်ပါတယ်၊ အဲဒါကလည်း လျှို့ဝှက်ချက်မရှိပါဘူး" လို့ ပြောခဲ့ပါတယ်။

ကစားသမားသစ်တွေဖြစ်တဲ့ ဗစ်တာယောကရက်စ်၊ နိုနီမာဒူကီ၊ အီဘရီချီအီဇီနဲ့ ကရစ်သီယန်မော့စ်ကွီရာတို့ဟာ အဆိုပါပွဲစဉ်မှာ အကောင်းဆုံးစွမ်းဆောင်ရည်ပြသခဲ့တာကြောင့် အာဆင်နယ်အသင်းရဲ့ ကစားသမားအင်အားတိုးတက်လာတာကို မီးမောင်းထိုးပြနိုင်ခဲ့ပါတယ်။ 

ဒဏ်ရာရရှိနေတဲ့ ဘူကာယိုဆာကာရဲ့နေရာမှာ မာဒူအီကီက အကောင်းဆုံးကစားနိုင်ခဲ့သလို ဝီလီယံဆာလီဘာမပါဝင်နိုင်တဲ့အတွက် မော့စ်ကွီရာက အစားထိုးဝင်ရောက်ကစားခဲ့တာကလည်း အဓိကကစားသမားတွေမပါဝင်နိုင်တဲ့အချိန်မှာတောင် အသင်းမှာကစားသမားအင်အားအသင့်အတင့်ရှိနေတာကို ပြသနေပါတယ်။