မန်စီးတီးတိုက်စစ်မှူးဟောင်း အဂူရိုက အာတီတာအနေနဲ့ အာဆင်နယ်အသင်းပရီးမီးယားလိဂ်ချန်ပီယံဖြစ်ရေးအတွက် ဖိအားပေးရမယ်လို့ ပြောကြားလိုက်သလို မကြာခင်မှာ လန်ဒန်ကလပ်အနေနဲ့ ချန်ပီယံဖြစ်နိုင်တယ်လို့ ထောက်ခံပြောကြားလိုက်ပါတယ်။

လီဗာပူးဂန္ထဝင်ဟောင်းကလည်း အာတီတာရဲ့အာဆင်နယ်အသင်းကို ချန်ပီယံဆုနဲ့ပတ်သက်ပြီး မကြာသေးခင်တုန်းက မေးခွန်းထုတ်ခဲ့ပါတယ်။ တယ်လီဂရက်ဖ်သတင်းဌာနနဲ့အင်တာဗျူးမှာ ကာရေဂါက “အာတီတာရဲ့အာဆင်နယ်အသင်းခေတ်က ကုန်ဆုံးခဲ့ပြီလားပေါ့?။ အမ်းမရိတ်ခေတ်က ဖြတ်မျဉ်းတစ်ခုဆီကို ဦးတည်နေတယ်လို့ ခံစားရပါတယ်။ အခုနှစ်က ၂၁ နှစ်အတွင်း အသင်းသမိုင်းတစ်လျှောက် ဆုဖလားရယူနိုင်ဖို့ အကောင်းဆုံးရာသီတွေထဲကတစ်ခု ဒါမှမဟုတ် အဖျားရှူးတဲ့ရာသီတစ်ခုဖြစ်လာမလားဆိုတာကို စောင့်ကြည့်ရပါမယ်”လို့ ဖြေကြားခဲ့ပါတယ်။

အာဆင်နယ်ဟာ ပြီးခဲ့တဲ့၂ ရာသီတုန်းက ချန်ပီယံဖြစ်ဖို့ နီးစပ်ခဲ့‌ပေမယ့် စီးတီးရဲ့ကျော်တက်ခြင်းကို ခံခဲ့ရတာဖြစ်ပါတယ်။ အာတီတာရဲ့အာဆင်နယ်ဟာ အခုရာသီမှာ စီးတီးအမှတ်လျော့မှုကို အခွင့်အရေးယူနိုင်ဖို့အကောင်းဆုံးအနေအထားမှာရှိနေပေမယ့် မထင်မှတ်ပဲ လီဗာပူးက ကျော်တက်နေတာဖြစ်ပါတယ်။

တကယ်လို့ နောက်တစ်ရာသီ ဆုဖလားနဲ့လွဲချော်ခဲ့မယ်ဆိုရင် အာဆင်နယ်ပရိသတ်အချို့က အာတီတာဘက်ကို မြှားဦးလှည့်လာနိုင်ပေမယ့် အဂူရိုက အာဆင်နယ်ဟာ စပိန်သားလက်အောက်မှာ ချန်ပီယံဖြစ်နိုင်တယ်လို့ ထောက်ခံခဲ့ပါတယ်။

“အာတီတာတစ်ယောက် ဖိအားတွေဖြစ်နေတယ်လို့ ကျွန်တော် မမြင်မိတာလဲ။ အာဆင်နယ်က သူမရောက်လာခင်မှာ ဘယ်နေရာမှာရှိနေလဲဆိုတာ မြင်ကြမှာပါ။ သူ့ရဲ့လမ်းပြမှုနဲ့အခု ဘယ်အဆင့်ကိုရောက်လာလဲဆိုတာကိုလည်း မြင်ကြမှာပါ။ သူတို့ ထိပ်ဆုံးနေရာမှာ တည်ငြိမ်မှုရှိရှိနဲ့ ဆက်သွားနေပါတယ်။ စီးတီး ၊ လီဗာပူးလိုအသင်းတွေနဲ့အားပြိုင်ရတာက မလွယ်ပါဘူး။ အာဆင်နယ်က စက်ဝန်းအသစ်တစ်ခုကို စတင်ဝင်ရောက်ပြီးကတည်းက တည်ငြိမ်မှုကို ပြသနေပါတယ်။ သူတို့မှာ ကစားသမားကောင်းတွေရှိနေသလို ကစားဟန်တစ်ခုလည်းရှိပါတယ်။ အာဆင်နယ်ပရိသတ်တွေကလည်း ပျော်နေကြပါတယ်။ သူတို့ပစ်မှတ်က ချန်ပီယံဆုဖြစ်ပြီး မကြာခင်မှာ သူတို့ ရယူနိုင်လိမ့်မယ်လို့လည်း ကျွန်တော် တပ်အပ်ပြောရဲပါတယ်”လို့ အဂူရိုက ပြောကြားခဲ့ပါတယ်

အာဆင်နယ်ဟာ ၂၂ ပွဲကစားပြီးချိန်မှာ ၁၀ မှတ်အထိ လျော့ကျခဲ့ပြီး ပြီးခဲ့တဲ့အပတ်တုန်းကလည်း ဗီလာကို ၂ ဂိုးပြတ်ဦးဆောင်ထားနိုင်ခဲ့ပြီးမှ ၂-၂ သရေကျခဲ့တာဖြစ်ပါတယ်။ ၂၀၂၅ အစဟာ အာဆင်နယ်အတွက် ခက်ခဲခဲ့သလို အက်ဖ်အေဖလားမှာ ယူနိုက်တက်ကို ပင်နယ်တီနဲ့အရေးနိမ့်ပြီး ထွက်ခွာထားခဲ့ရပါတယ်။