ဆိုဘိုဆလိုင်းရဲ့အံ့မခန်းဖရီးကစ်သွင်းဂိုးနဲ့ အန်ဖီးလ်မှာ အမှတ်ပြည့်ရယူခဲ့တဲ့ လီဗာပူး
လီဗာပူး ၁-၀ အာဆင်နယ် (ပွဲပြီးရလဒ်)
ပရီးမီးယားလိဂ်ထိပ်သီးကလပ်အသင်းနှစ်ခုထိပ်တိုက်တွေ့ဆုံမှုက ခံစစ်နည်းဗျူဟာပိုင်းအားပြိုင်မှုနဲ့အတူ စိတ်လှုပ်ရှားစရာကောင်းခဲ့ပါတယ်။ အခုပွဲစဉ်အတွက် အဆုံးအဖြတ်အနိုင်ဂိုးကိုတော့ ဆိုဘိုဆလိုင်းက ပွဲချိန်နှောင်းပိုင်းမှာ ဖရီးကစ်မှတဆင့် သွင်းယူပေးခဲ့ပါတယ်။ တဖက်မှာလည်း အာဆင်နယ်က အဖွင့်ဂိုးရရှိနိုင်ရေးကြိုးပမ်းမှုတွေ ရှိခဲ့ပေမယ့် လီဗာပူးခံစစ်ပိုင်းကိုကျော်ဖြတ်နိုင်ဖို့ ရုန်းကန်ခဲ့ရပါတယ်။ အခုပွဲစဉ်ရလဒ်ပိုင်းကြောင့် အန်းစလော့ရဲ့အသင်းက အမှတ်ပေးဇယားထိပ်ဆုံးနေရာကိုရယူပြီး စက်တင်ဘာနိုင်ငံတကာသီတင်းပတ်ဆီ ဝင်ရောက်သွားခဲ့ပါတယ်။
