ဘရန့်ဖို့ဒ် ဝ-၂ လီဗာပူး (ပွဲပြီးရလဒ်)

ပွဲချိန်တလျှောက်လုံး အိမ်ရှင်ဘရန့်ဖို့ဒ်နဲ့ ဧည့်သည်လီဗာပူးတို့ အပြန်အလှန်တိုက်စစ်ဖွင့်ကစားခဲ့ပေမယ့် သွင်းဂိုးတွေတော့ မမြင်တွေ့ခဲ့ရပါဘူး။ နှစ်ဖက်အသင်းရဲ့ကြိုးပမ်းမှုတွေ အရာမထင်ဘဲ သရေရလဒ်နဲ့သာ ပွဲပြီးဆုံးတော့မယ်လို့ ထင်မှတ်နေချိန်မှာပဲ ဒုတိယပိုင်းနာကျင်အချိန်ပိုအရောက်မှာတော့ လီဗာပူးအသင်းက လူစားဝင်ကစားသမား ဒါဝင်နူနက်ဇ်ရဲ့ သွင်းဂိုးနှစ်ဂိုးနဲ့အတူ အဖိုးတန်အဝေးကွင်းသုံးမှတ်အပြည့်ကို ရှာဖွေနိုင်ခဲ့ပါတယ်။ အခုပွဲစဉ်ရလဒ်ပိုင်းနဲ့အတူ Clean Sheet ပါရရှိခဲ့တဲ့ အန်းစလော့ရဲ့အသင်းက အနီးဆုံးပြိုင်ဘက်အာဆင်နယ်ကို ခုနစ်မှတ်ဖြတ်ကာ အမှတ်ပေးဇယားထိပ်ဆုံးနေရာမှာ ဆက်လက်ရပ်တည်နိုင်ခဲ့ပါတယ်။