အဲဗာတန်ကိုက်ခဲမှုအတွက် နောက်ထပ်သားကောင်ဖြစ်ခဲ့တဲ့ မန်စီးတီး
မန်စီးတီး ၁-၁ အဲဗာတန် (ပွဲပြီးရလဒ်)
အဲဗာတန်က အာဆင်နယ်၊ ချဲလ်ဆီး၊ မန်စီးတီးတို့နဲ့ ဆက်တိုက်ဆိုသလိုရင်ဆိုင်ခဲ့ရပေမယ့် သုံးပွဲလုံးကို သရေကစားကာ ပြိုင်ဘက်တွေကို ဒုက္ခပေးနိုင်ခဲ့ပါတယ်။ ပထမပိုင်းပွဲချိန်အတွင်း မန်စီးတီးအတွက် ဦးဆောင်ဂိုးကို ဘာနာဒိုဆေးလ်ဗားက သွင်းယူပေးခဲ့ပြီး အဲဗာတန်အတွက်ချေပဂိုးကိုတော့ အမ်ဒီယာရီက သွင်းယူပေးခဲ့ပါတယ်။ ဒုတိယပိုင်းပွဲချိန်အတွင်း မန်စီးတီးအသင်း ပယ်နယ်တီကန်ခွင့်ရရှိခဲ့ပေမယ့် ဟာလန်းရဲ့ကန်သွင်းမှုကို အဲဗာတန်ဂိုးသမားပစ်ဖို့ဒ်ကာကွယ်နိုင်ခဲ့ပါတယ်။ ရလဒ်တွေဆိုးရွားပြီး ဖိအားတွေအောက်ကျရောက်ကာ ယုံကြည်မှုပျောက်ဆုံးနေတဲ့ ပက်ဂွါဒီယိုလာရဲ့အသင်းအတွက် ထိုက်တန်တဲ့သရေရလဒ်လို့ပဲ ပြောရပါလိမ့်မယ်။
