ဒီဒီယာ ဒက်စ်ချမစ်က ခရိုအေးရှားနဲ့ နေးရှင်းလိဂ် ကွာတားဖိုင်နယ် ပထမအကျော့မှာ ပြင်သစ်က ဒုတိယအကောင်းဆုံးဖြစ်ခဲ့တယ်လို့ ဝန်ခံခဲ့ပါတယ်။ ဒါပေမယ့် သူတို့ရဲ့ နှစ်ဂိုးပြတ်အရှုံးကို comeback လုပ်နိုင်ဖို့လည်း ယုံကြည်ချက် ရှိနေပါတယ်။

ကြာသပတေးနေ့မှာ ဇလာကိုဒါလစ်ရဲ့အသင်းက ပြင်သစ်ကို ၂-၀ ဂိုးနဲ့ အနိုင်ယူခဲ့တာဖြစ်ပြီး တနင်္ဂနွေနေ့မှာ ကစားမယ့် ဒုတိယအကျော့မတိုင်မီ အန်တီ ဘူဒီမီယာနဲ့ အီဗန် ပါရီဆစ်တို့ရဲ့ ဂိုးတွေနဲ့ ဦးဆောင်နေတာ ဖြစ်ပါတယ်။ တကယ်တော့ ဘူဒီမီယာရဲ့အဖွင့်ဂိုးဟာ ပြင်သစ်ရဲ့နောက်ဆုံး နိုင်ငံတကာပွဲစဉ် သုံးပွဲမှာ ခွင့်ပြုခဲ့တဲ့ လေးဂိုးမြောက် ခေါင်းတိုက်ဂိုး ဖြစ်ပါတယ်။ အဲဒါက သူတို့ရဲ့ယခင်ပွဲစဉ် ၅၃ ပွဲမှာ ခွင့်ပြုခဲ့တဲ့ ဂိုးအရေအတွက်နဲ့ တူညီပါတယ်။

၂၀၁၅ ခုနှစ် နိုဝင်ဘာလတွင် အင်္ဂလန်က ဝိန်းရွန်နီက ပြင်သစ်နဲ့ပွဲမှာ သွင်းဂိုးနဲ့ ဂိုးဖန်တီးမှု လုပ်နိုင်ခဲ့ပြီးနောက်ပိုင်း ပါရီဆစ်က အဲ့ဒီလိုလုပ်နိုင်ခဲ့တဲ့ ပထမဆုံးကစားသမား ဖြစ်လာခဲ့ပါတယ်။ ပြင်သစ်အသင်းက ပထမပိုင်းမှာ သူတို့ရဲ့ပြိုင်ဘက်တွေကို ခြိမ်းခြောက်ဖို့ ရုန်းကန်ခဲ့ပါတယ်။ ဒမ်ဘီလီနဲ့ အမ်ဘာပေတို့ရဲ့ ကန်ချက်တွေကို ပြိုင်ဘက်ဂိုးသမား ဒိုမီနစ် လီဗာကိုဗစ် သက်သောင့်သက်သာ ကာကွယ်နိုင်ခဲ့ပါတယ်။

ဒက်စ်ချမ့်ရဲ့အသင်းက ဒုတိယပိုင်းမှာ တိုးတက်ခဲ့ပေမယ့် သူတို့ရဲ့ဖိအားပေးနိုင်ခြင်း မရှိခဲ့ကာ ခရိုအေးရှားကို ပထမဆုံးအကြိမ်အဖြစ် နှစ်ပွဲဆက် ရှုံးနိမ့်ခဲ့ရတာ ဖြစ်ပါတယ်။ "ကျွန်တော်တို့က ကောင်းကောင်းစတင်ခဲ့ပါတယ်။ ဒါပေမယ့် ဘောလုံးဆုံးရှုံးမှုတွေ၊ နည်းစနစ်ပိုင်း အမှားတွေ ရှိခဲ့ပါတယ်။ ကျွန်တော်တို့က ပြိုင်ဘက်ကို အခွင့်အရေးတွေ ပေးခဲ့ပါတယ်"

"ဒုတိယပိုင်းက အများကြီး ပိုကောင်းပါတယ်။ မိုင်ဂ်နန်က ပင်နယ်တီကို ကာကွယ်ခဲ့ပါတယ်။ အဲဒီနောက် ဆက်လက် ကြိုးစားကစားခဲ့ပါတယ်။ ကျွန်တော်တို့က ဘောလုံးကို ဆုံးရှုံးခဲ့သလို ထိထိရောက်ရောက်လုပ်နိုင်ခြင်းလည်း မရှိခဲ့ပါဘူး"  လို့ ဒက်စ်ချမ့်က ပွဲအပြီးမှာ TF1 ကို ပြောပါတယ်။

အဆိုပါ ရလဒ်ကြောင့် ခရိုအေးရှားက ပြင်သစ်ကို မရှုံးနိမ့်တာက ပွဲစဉ်သုံးပွဲဆက်အထိ ရှိလာစေခဲ့ကာ ၂၀၀၄ ခုနှစ် ဇွန်လနဲ့ ၂၀၁၁ ခုနှစ် မတ်လကြားက ပွဲစဉ်တွေကို ကျော်လွန်ခဲ့ပါတယ်။ ပြင်သစ်အသင်းက သုံးရက်အတွင်းမှာ စတဒ်ဒ် ဖရန့်စ်ကိုမှာ ခရိုအေးရှားကို လက်ခံကစားရမှာ ဖြစ်ပါတယ်။ ဒက်စ်ချမ့်ကတော့ တနင်္ဂနွေနေ့ ပြန်ကစားတဲ့အခါ တိုက်စစ်ပိုင်း တိုးတက်မှုတွေကို မြင်တွေ့ဖို့ မျှော်လင့်နေပါတယ်။

"ကျွန်တော်တို့က ပထမအကျော့ကို ရှုံးနိမ့်ခဲ့ပါတယ်။ ကျွန်တော်တို့က အိမ်ကွင်းမှာ ဒုတိယအကျော့ကို အနိုင်ရရှိဖို့ သေချာအောင် လုပ်ဆောင်သွားမှာပါ။ကျွန်တော်တို့ရဲ့ပထမပိုင်းက ကျွန်တော်တို့ လုပ်ဆောင်နိုင်တဲ့အရာအောက်မှာ ရှိခဲ့ပါတယ်" "အခြေအနေကို ပြောင်းပြန်လှန်ဖို့ အရာအားလုံး လုပ်ဆောင်သွားပါမယ်။ ပထမပိုင်းမှာ သူတို့ကို ပေးခဲ့တဲ့အရာအားလုံးကြောင့် ကျွန်တော်တို့ အပြစ်ပေးခံခဲ့ရပါတယ်။ နည်းစနစ်ပိုင်းအဆင့်မှာ အလဟသဖြစ်မှုတွေ ရှိခဲ့ပါတယ်" လို့ ဒက်စ်ချမ့်က ထပ်လောင်းပြောကြားခဲ့ပါတယ်။

ဒက်စ်ချမ့်က စတေဒီယံ ပိုလဂျူဒ်က အမ်ဘာပေရဲ့ခြေစွမ်းကိုလည်း ဆွေးနွေးခဲ့ပါတယ်။ ရီးရဲလ်မက်ဒရစ်စတားဟာ ပြီးခဲ့တဲ့ စက်တင်ဘာလ အီတလီကို ၃-၁ ဂိုးနဲ့ ရှုံးနိမ့်ပြီးနောက် သူ့ရဲ့လက်ရွေးစင်အသင်းအတွက် ပထမဆုံးပါဝင်မှု ပြုလုပ်ခဲ့ပါတယ်။

အမ်ဘာပေက အဆိုပါပွဲစဉ်တွင် ဂိုးပေါက်တည့်တဲ့ကန်ချက် (လေးကြိမ်)၊ ပြိုင်ဘက်ဂိုးဧရိယာအတွင်း ထိတွေ့မှု (၁၀ ကြိမ်) နဲ့ အခွင့်အရေးဖန်တီးမှု (လေးကြိမ်) တို့နှင့်အတူ အသင်းရဲ့အမြင့်ဆုံးမှတ်တမ်းတွေနဲ့ အဆုံးသတ်ခဲ့ပါတယ်။

"သူက အရမ်းကြံ့ခိုင်တယ်ဆိုတာ ကျွန်တော် တွေ့ရှိခဲ့ပါတယ်။ သူက အရာအားလုံးမှာ အောင်မြင်ခဲ့ခြင်း မရှိပါဘူး" လို့ ဒက်စ်ချမ့်စ်က ပြောပါတယ်။ "သူက အရမ်းကို ကောင်းကောင်းရနိုင်ပါတယ်။ low block နဲ့ ရင်ဆိုင်ရတဲ့အခါ အားထုတ်မှုတွေ အများကြီး ပြုလုပ်ခဲ့ပါတယ်။ သူက အမြဲတမ်း ပိုကောင်းအောင် လုပ်ဆောင်နိုင်ပါတယ်" လို့ နည်းပြက ပြောပါတယ်။