နယ်သာလန်လက်ရွေးစင်အသင်းနည်းပြ လူးဝစ်ဗန်ဟားလ်က လက်ရှိသူတို့နိုင်ငံရဲ့အကောင်းဆုံး နည်းပြမှာ အန်းစလော့ဖြစ်တယ်လို့ ကြေညာခဲ့ပါတယ်။ အန်းစလော့က လီဗာပူးနည်းပြသစ်တာဝန်ယူဖို့ ဖီယင်နုအသင်းမှ ထွက်ခွာလာသူဖြစ်ပါတယ်။

Sky Sports သတင်းဌာနနဲ့ တွေ့ဆုံချိန် ဗန်ဟားလ်က “ယာဂန်ကလော့ပ်က အံ့အားသင့်လောက်စရာ အလုပ်တစ်ခုကို လုပ်ဆောင်ခဲ့တာဖြစ်လို့ ဒါက အတော်လေးကို တာဝန်ကြီးမားတဲ့ အလုပ်တစ်ခု ဖြစ်လာပါလိမ့်မယ်။ နောက်ပြီး ဒါက တာဝန်ဆက်ခံရသူတစ်ဦးအတွက် အမြဲလိုလိုခက်ခဲနိုင်ပါတယ်။ အန်းစလော့က နည်းပြကောင်းတစ်ဦးပါ။ ကျွန်တော်ကတော့ သူ့ကို ပီတာဘော့ဇ်(ပီအက်စ်ဗွီနည်းပြ)နဲ့အတူ အခုအချိန်မှာ အကောင်းဆုံး ဒတ်ချ်လူမျိုးနည်ပြဖြစ်တယ်လို့တောင် တွေးမိနေပါတယ်”လို့ ပြောပါတယ်။

ဆက်လက်ပြီး အသင်းဟောင်း ဘိုင်ယန်မြူးနစ်ရဲ့ နည်းပြသစ်ရှာပုံတော်ခက်ခဲနေမှုကို မြင်တွေ့ခဲ့ရတဲ့ ဗန်ဟားလ်က အမြင့်ဆုံးအဆင့်အတန်းမျိုးမှာ တာဝန်မယူဖူးသူတစ်ဦးကို ခေါ်ယူသွားဖို့ ဆုံးဖြတ်ခဲ့တဲ့ လီဗာပူးရဲ့လှုပ်ရှားမှုကို နားလည်ပေးနိုင်ခဲ့ပါတယ်။

“အန်းစလော့က လီဗာပူးအတွက် ဖြစ်နိုင်ခြေရှိခဲ့ပါတယ်။ ကျွန်တော်တို့ ဒါကို စောင့်ကြည့်သွားရပါမယ်။ ကျွန်တော်ကတော့ လီဗာပူးအသင်း အရမ်းကောင်းတဲ့ဆုံးဖြတ်ချက်တစ်ခု ချမှတ်ခဲ့တယ်လို့ ထင်ပါတယ်”လို့ ဗန်ဟားလ်က ဆက်ပြောပါတယ်။