အာဆင်နယ်ရဲ့ဆုဖလား မရရှိခဲ့တာကို ထောက်ပြခဲ့ပြီး ယူနိုက်တက်ဟာ ပိုမိုကောင်းမွန်ရာသီဖြစ်ခဲ့ကြောင်း အိုလံပစ်ချန်ပီယံဟောင်း အူစိန်ဘော့က ပြောကြားလိုက်ပါတယ်။

ယူနိုက်တက်ဟာ အက်ဖ်အေဖလား မကျင်းပမီ အသင်းရဲ့သမိုင်းမှာ ပထမဆုံးအကြိမ်အဖြစ် ဆိုးရွားခဲ့တာဖြစ်ပြီး အမှတ်ပေးဇယား ရဲ့ အဆင့် ၈ နေရာအထိ ကျဆင်းသွားခဲ့ပါတယ်။ အာဆင်နယ်အသင်းဟာ အမှတ်ပေးဖလားပြိုင်ပွဲရဲ့ နောက်ဆုံးအပတ်မှာ ချန်ပီယံမန်စီးတီးနဲ့ နှစ်မှတ်အကွာနဲ့ ရာသီပိတ်သိမ်းခဲ့ပါတယ်။

ဘယ်အသင်းက ပိုအောင်မြင်တဲ့ရာသီကို ပိုင်ဆိုင်ထားသလဲလို့မေးတဲ့အခါ TalkSPORT သို့ အူစိန်ဘော့က "ဒါက ပတ်လမ်းကြောင်းပေါ်မှာ ပြေးနေသလိုပါပဲ။ အကောင်းဆုံးလုပ်ခဲ့ပြီး ချန်ပီယံရှစ်သို့ ရောက်ခဲ့သော်လည်း ဆုတံဆိပ်မရခဲ့သလိုပါ" လို့ ပြောပါတယ်။

သရဲနီတွေအတွက် အဆင့် ၈ နေရာက လုံလောက်မှု ရှိ၊ မရှိ မေးမြန်းရာမှာ ဘော့က "ဟုတ်ပါတယ်။ ဒါပေမယ့် ကျွန်တော်တို့ ဥရောပဝင်ခွင့်မှာ ရှိပါတယ်။ အာဆင်နယ်နဲ့ မန်စီးတီးတို့ထက် ပရီးမီးယားလိဂ်မှာဘယ်အသင်းကို ရစေချင်လဲလို့ ကျွန်တော့်ကိုမေးကြပါတယ်။ မန်စီးတီးကိုရွေးချယ်ရတာက လွယ်ပါတယ်။ အာဆင်နယ်ပရိသတ်တွေရဲ့အကြောင်းကို ကျွန်တော်သိပါတယ်။ သူတို့တွေက အမှတ်ပေးဇယားရဲ့ထိပ်မှာ ရှိနေတဲ့အချိန် အများကြီးပြောခဲ့ကြပြီး ဆုဖလားတော့မရရှိခဲ့ပါဘူး။ အမှန်တယ် ဖလားရရှိခဲ့သလားဆိုတော့ မရခဲ့ပါဘူး ပြီးဆုံးသွားပါပြီ"လို့ ပြောပါတယ်။

ဘော့ဟာ ဘောလုံးဝါသနာရှင်တစ်ဦးဖြစ်ပြီး သူ့ရဲ့အပြေးလေ့ကျင့်မှုများကို ၂၀၁၈ ခုနှစ်တွင် သြစတြေးလျကလပ် ဆန်ထရယ်ကော့စ်မာရီနာနှင့် လေ့ကျင့်ခဲ့ပြီး ဘောလုံးကွင်းတွင် ဒုတိယမြောက် အားကစားမလုပ်ရန် မဆုံးဖြတ်မီ ချစ်ကြည်ရေးပွဲ ၂ ပွဲကစားခဲ့ပါတယ်။ သူဟာ Soccer Aid ပရဟိတပွဲတွင် ပါဝင်ကစားခဲ့ပါတယ်။

ယူနိုက်တက်ဟာ INEOS ရဲ့ ပထမဆုံး အပြောင်းအရွှေ့ဈေးကွက်မှာ ကလပ်ရဲ့ဘောလုံးဆိုင်ရာလုပ်ဆောင်ချက်များကို တာဝန်ယူဖို့ ပြင်ဆင်နေတာကြောင့် စိတ်ပျက်စရာကောင်းတဲ့ ပရီးမီးယားလိဂ်ရာသီအပြီးမှာ အလုပ်ရှုပ်မယ့်နွေရာသီကို ရောက်ရှိလာတော့မှာ ဖြစ်ပါတယ်။ ကွင်းထဲမှာ ကစားသမားအဝင်အထွက်တွေ အများကြီးရှိလာဖို့ မျှော်လင့်ထားပေမယ့် ဆာဂျင်မ်ရက်ကလစ်ဖ်ရဲ့ ပထမဆုံးသော့ချက်ကတော့ နည်းပြတန်ဟက်အပေါ် ဆုံးဖြတ်ချက်ချဖို့ဖြစ်ပါတယ်။