ကန်တေဟာ ၂၀၁၈ တွင် ပြင်သစ်ရဲ့ ကမ္ဘာ့ဖလားချန်ပီယံရရှိမှုတွင် အရေးပါသောအစိတ်အပိုင်းတစ်ခုဖြစ်သော်လည်း ယူရို ၂၀၂၄ အတွက် ဆင့်ခေါ်ခြင်းမခံရမီ နိုင်ငံအသင်းနှင့် ၂ နှစ်ကြာဝေးကွာနေခဲ့ရတာဖြစ်ပါတယ်။

အသက် ၃၃ နှစ်အရွယ်ကန်တေဟာ ဆော်ဒီပရိုလိဂ်ကလပ် အယ်လ်အီတီဟက်သို့ ပြီးခဲ့တဲ့နွေရာသီက ချဲလ်ဆီးမှ အလွတ်ပြောင်းရွှေ့ကြေးဖြင့် ရောက်ရှိလာခဲ့ပြီး ယခုလအစောပိုင်းက လူဇင်ဘတ်၊ ကနေဒါတို့နှင့် ခြေစမ်းပွဲ နှစ်ပွဲစလုံးတွင် စတင်ပါဝင်ကစားခဲ့ပြီး ယခုအခါတွင် လက်ရွေးစင်အသင်းအတွက် အဓိကအခန်းကဏ္ဍမှ ပါဝင်လာမှာဖြစ်ပါတယ်။

တနင်္လာနေ့ည သြစတြီးယားနှင့်ကစားမယ့် အုပ်စု D အဖွင့်ပွဲစဉ်တွင် ပြင်သစ်ရဲ့တိုက်စစ်မှာ စတင်ပါဝင်မယ့်သူရမ်က ပြိုင်ပွဲမတိုင်မီ ကန်တေအား အထင်ကြီးနေပြီး ကမ္ဘာ့အကောင်းဆုံးကွင်းလယ်ကစားသမားတစ်ဦးအဖြစ် သတ်မှတ်ခံရဆဲဖြစ်ကြောင်း အခိုင်အမာပြောကြားခဲ့ပါတယ်။"သူ့ကို အထင်ကြီးရတဲ့အကြောင်း ၃ ခုရှိပါတယ်" လို့ သူရမ်က စနေနေ့က သတင်းစာရှင်းလင်းပွဲတွင် အရွှန်းဖောက်ခဲ့ပါတယ်။

"ဒီလိုမျိုး တစ်ခါမှ ကျွန်တော် မမြင်ဖူးပါဘူး။ အရမ်းကို ကြောက်စရာကောင်းပါတယ်။ ငါတို့ မကစားနိုင်တော့ဘူး၊ လေ့ကျင့်ရေးမှာ မကစားနိုင်တော့ဘူး""ကျွန်​​တော်​တို့အသင်းမှာ သူရှိ​နေချိန်တွင် ကျွန်​​တော်​တို့ အနိုင်ရ​ခဲ့ပါတယ်​""ဒါပေမယ့် ပိုလေးနက်အောင်ပြောရရင် ကန်တေက မယုံနိုင်စရာပါပဲ။ တစ်ပတ်အတွင်းမှာပဲ သူဟာ ကမ္ဘာ့အကောင်းဆုံး ကွင်းလယ်ကစားသမားတွေထဲက တစ်ယောက်ဖြစ်ရတဲ့ အကြောင်းရင်းကို သိရှိခဲ့ရတယ်လို့ ကျွန်တော်ထင်ပါတယ်။ သူနဲ့ အတူရှိရတာ အရမ်းပျော်တယ်လို့ ထင်ပါတယ်" လို့ သူရမ်က ပြောပါတယ်။

အမ်ဘာပေက ပြင်သစ်ရဲ့တိုက်စစ်မှာ အထောင်တိုက်စစ်မှူးတစ်ဦးရဲ့ အရေးပါမှုကို လွှမ်းမိုးနေပါတယ်ဆိုတဲ့ ပြောဆိုမှုတွေကို သူရမ်က ငြင်းဆိုခဲ့ပါတယ်။"သူက ပြင်သစ်အသင်းမှာ နံပါတ် ၉ ရဲ့တိုးတက်လာမှုကို ဘယ်လိုနည်းနဲ့မှ တားဆီးမှာမဟုတ်ပါဘူး""သူက ကစားသမားအားလုံးကို ကူညီပေးတဲ့သူပါ။ ကြီးကျယ်ခမ်းနားတဲ့ ကစားသမားတွေဖြစ်တာကြောင့် အချင်းချင်း ဖြည့်စည်းပေးဖို့ ပိုမိုလွယ်ကူပါတယ်" လို့ သူရမ်က ပြောပါတယ်။