ဆာဂျင်မ်ရက်ကလစ်သည် ယူနိုက်တက်တွင် နောက်ထပ်လူအင်အားလျှော့ချမှုများ ပြုလုပ်ရန် စီစဉ်နေပြီး သူရဲ့အာရုံကို ကောင်းထောက်အဖွဲ့သို့ ပြောင်းလိုက်ပြီဖြစ်ပါတယ်။ The Observer ရဲ့ဖော်ပြချက်အရ ယူနိုက်တက်ဟာ လူအင်အား ၂၀၀ ထပ်မံလျှော့ချရန် စီစဉ်မှုဖြင့် နောက်ထပ်ကုန်ကျစရိတ်လျှော့ချမှုများ ပြုလုပ်ရန် ရှိနေပါတယ်။ ကလပ်ရဲ့အစုရှယ်ယာရှင်ဟာ သူ့ရဲ့နောက်ဆုံးကုန်ကျစရိတ်လျှော့ချမှုတွင် ဝန်ထမ်း ၈၀ ပါဝင်တဲ့ ကင်းထောက်ဌာနကို သိသိသာသာလျှော့ချမယ်လို့ မျှော်လင့်ထားတာပါ။ ရက်ကလစ်ဟာ အဆိုပါဌာနကို ပြန်လည်ဖွဲ့စည်းရန် စီစဉ်နေပြီး ယခင်က ချဲလ်ဆီးရဲ့ နည်းစနစ်ဒါရိုက်တာ ခရစ်စတိုဖာ ဗီဗဲလ် ကို အသစ်ခန့်အပ်မှာဖြစ်ပါတယ်။ ကင်းထောက်အရေအတွက်ကို သိသိသာသာလျှော့ချမှာ ဖြစ်ပြီး ကစားသမားများရဲ့ အချက်အလက်အခြေပြု အကဲဖြတ်ခြင်း ကို ပိုမိုကျယ်ပြန့်စွာ အသုံးပြုမှာ ဖြစ်ပါတယ်။

ရက်ကလစ်ရဲ့ နောက်ဆုံးလူအင်အားလျှော့ချမှုများကြောင့် ကလပ်ရဲ့ ကစားသမားသစ်စုဆောင်းရေး အစီအစဉ်များကို ထိခိုက်စေနိုင်ပါတယ်။ ထိုအချိန်တွင် နည်းပြချုပ် ရူဘန် အမ်မိုရင်က ကလပ်ရဲ့ ဘဏ္ဍာရေးအခြေအနေကြောင့် ကစားသမားသစ်ဝယ်ယူမှုမပြုလုပ်မီ ရောင်းချရန် လိုအပ်ကြောင်း ပွင့်လင်းစွာဝန်ခံခဲ့ပါတယ်။ ယူနိုက်တက်ရဲ့ ကင်းထောက်တွေဟာ လူငယ်အကယ်ဒမီအတွက် ပါရမီရှင်များကို ရှာဖွေရန်နှင့် ပထမအသင်းအတွက် ဖြစ်နိုင်ခြေရှိတဲ့ ကစားသမားများကို ဖော်ထုတ်ရန် တာဝန်ယူထားတာဖြစ်ပါတယ်။ ကလပ်ရဲ့ အကယ်ဒမီဟာ ၁၉၃၇ ခုနှစ်မှစ၍ ပွဲစဉ်တိုင်းအတွက် ပြည်တွင်းကစားသမားတစ်ဦးကို ထောက်ပံ့ပေးခဲ့ပြီး ဂျော့ခ်ျ ဘက်စ်၊ ဘော်ဘီ ချာလ်တန်၊ ဒေးဗစ် ဘက်ခမ်း နှင့် ရိုင်ယန်ဂစ်စ် တို့ကဲ့သို့သော ဂန္တဝင်ကစားသမားများ အားလုံးဟာ လူငယ်အကယ်ဒမီမှ ပေါ်ထွက်လာခဲ့ခြင်းဖြစ်ပါတယ်။

အာမိုရင်က ယူနိုက်တက်ရဲ့ တော့တင်ဟမ်နှင့်ပွဲစဉ်မတိုင်မီ အပြောင်းအရွှေ့အတွက် ရန်ပုံငွေမလုံလောက်မှုအကြောင်း ပြောကြားခဲ့ပါတယ်။ သူက သတင်းထောက်တွေကို "တစ်ခုခုလုပ်ဖို့ ကျွန်တော်တို့ဟာ ကစားသမားတွေကို ရောင်းရပါမယ်။ အခု ခေါ်ယူလို့မရပါဘူး။ အပြောင်းအရွှေ့ကလည်း ပိတ်သွားပါပြီ။ ကျွန်တော်တို့က  ပွဲစဉ်တွေကို အာရုံစိုက်ရပါမယ် အထူးသဖြင့် နောက်တစ်ပွဲ ပြီးရင် နွေရာသီမှာ ဆက်ကြည့်ရမှာပါ" လို့ ပြောကြားခဲ့ပါတယ်။

အာမိုရင်က သူ့ရဲ့ကစားသမားတွေကို ယူနိုက်တက်တွင် လူများ အလုပ်ပြုတ်နေကြောင်း သတိပေးခဲ့ပါတယ်။ ဘာကြောင့်လဲဆိုတော့ "ကျွန်တော်တို့ဟာ မနိုင်ဘူး ချန်ပီယံလိဂ်မှာ မရှိဘူး ဒါကြောင့် ဝင်ငွေတွေက မတူဘူး" လို့ ပြောကြားခဲ့ပါတယ်။