The network connection is lost.

Banner Image

လီဗာပူးစတား ဆော်ဒီမြေကိုပြောင်းလာမယ်လို့ ယုံကြည်နေတဲ့ ဆော်ဒီအာရေဗျ

ဆော်ဒီအာရေဗျနိုင်ငံကတော့ လီဗာပူးစတား ဆာလက်အနေနဲ့ အခုနွေရာသီမှာ ဆော်ဒီလိဂ်ကို ပြောင်းလာမယ်လို့ ယုံကြည်နေပါတယ်။ လီဗာပူးအသင်းဟာ ဆာလက်ကို ဆက်ထိန်းနိုင်ဖို့ လုပ်ဆောင်နေပေမယ့် ဆော်ဒီလိဂ်တာဝန်ရှိသူတွေကလည်း ဆွေးနွေးမှုတွေ လပ်ဆောင်နေတာဖြစ်ပါတယ်။ ဆော်ဒီလိဂ်တာဝန်ရှိသူတစ်ဦးကတော့ ဆာလက်အနေနဲ့ လာမယ့်နွေမှာ ဆော်ဒီလိဂ်ပြောင်းဖို့ စိတ်ဝင်စားနေဆဲလို့ ယုံကြည်နေပါတယ်။

ဖီဖာကတော့ အပြောင်းအရွှေ့စည်းမျည်းအသစ်ကို မိတ်ဆက်ခဲ့ပြီး လာမယ့်ဇွန်လ ၁ ရက်နေ့ကနေ ၁၀ ရက်နေ့အထိ ဖွင့်လှစ်ပေးမှာဖြစ်ပါတယ်။ အဆိုပါသတင်းဟာ ဆော်ဒီလိဂ်အတွက် ဆာလက်ကိုခေါ်ယူနိုင်မယ့်အခွင့်အရေးရှိနေပြီး အယ်လ်ဟီလယ်အသင်းကလည်း အရှိန်မြှင့်လုပ်ဆောင်နေပါတယ်။ ဒါပေမယ့်လည်း ဆာလက်ကတော့ ပြိုင်ပွဲမတိုင်ခင် ထွက်ခွာဖွယ်မရှိပဲ ကလပ်ကမ္ဘာ့ဖလားအပြီးမှသာ ဆုံးဖြတ်ဖွယ်ရှိနေပါတယ်။

အယ်လ်ဟီလယ်အသင်းဟာ နေမာထွက်ခွာသွားတာကြောင့် သူ့နေရာမှာ ဆာလက်နဲ့ အစားထိုးချင်နေပါတယ်။ ဆော်ဒီလိဂ်ကစိတ်ဝင်စားနေပေမယ့် လီဗာပူးအသင်းက ဆာလက်အနေနဲ့ စံချိန်အသစ်တွေထပ်တင်နိုင်ဖို့ ပရီးမီးယားလိဂ်မှာဆက်နေမယ်လို့ မျှော်လင့်နေပါတယ်။

အီဂျစ်သားဟာ လက်ရှိပရီးမီးယားလိဂ်သွင်းဂိုးပေါင်း ၁၈၄ ဂိုးအထိသွင်းယူထားနိုင်ခဲ့ပြီး အင်္ဂလိပ်ပြင်ပကစားသမားအဖြစ် စံချိန်တင်ထားတဲ့ မန်စီးတီးဂန္ထဝင် အဂူရိုရဲ့စံချိန်ကိုကျော်ဖြတ်နိုင်ဖို့ ၁ ဂိုးသာ လိုအပ်တော့တာဖြစ်ပါတယ်။ အခုရာသီမှာလည်း ဆာလက်တစ်ယောက် ပရီးမီးယားလိဂ်မှာ ၂၇ ဂိုးအထိသွင်းယူထားနိုင်ခဲ့ပြီး လီဗာပူးဟာ အခုညမှာ ဒါဘီပွဲအဖြစ် အဲဗာတန်အသင်းနဲ့ရင်ဆိုင်ရမှာဖြစ်ပါတယ်။