The network connection is lost.

Banner Image

ဘုန်းမောက်နောက်ခံလူကို ပစ်မှတ်ထားလာတဲ့ ရီးရဲလ်မက်ဒရစ်

သတင်းတွေအရ ရီးရဲလ်မက်ဒရစ်အသင်းဟာ ဘုန်းမောက်နောက်ခံလူ ဟာဂျယ်ဆန်ကို ခေါ်ယူဖို့ စိတ်ဝင်စားနေတယ်လို့ သိရပြီး ချဲလ်ဆီးကလည်း အလိုရှိနေတယ်လို့ သိရပါတယ်။ ကာဒီနာသတင်းဌာနရဲ့အဆိုအရ ရီးရဲလ်အသင်းဟာ နောက်တန်းနေရာအတွက် ဟာဂျယ်ဆန်ကို သဘောကျနေပြီး ဘုန်းမောက်နဲ့ပွဲဦးထွက်ပရီးမီးယားလိဂ်ရာသီမှာ ခြေစွမ်းပြနေသလို စပိန်အတွက်လည်း ပွဲဦးထွက်ပါဝင်ခွင့်ရရှိထားခဲ့တာဖြစ်ပါတယ်။

ချဲလ်ဆီးအသင်းဘက်ကလည်း စပိန်သားအခြေအနေကို စောင့်ကြည့်နေပြီး ဘုန်းမောက်ဘက်က ပေါင် ၅၅ သန်းလောက်ရရင် ရောင်းထုတ်ဖွယ်ရှိနေပါတယ်။ ရီးရဲလ်အသင်းဟာ ဒီရာသီဒဏ်ရာပြဿနာများနေတာကြောင့် ကစားသမားအသစ်ခေါ်ယူဖို့ ပြင်ဆင်လာခဲ့တာဖြစ်ပြီး ရူဒီဂါ နဲ့ အလာဘာတို့ကလည်း အသက် ၃၂ နှစ်ရှိလာပြီဖြစ်တာကြောင့် မဖြစ်မနေအစားထိုးရတော့မှာဖြစ်ပါတယ်။

သတင်းတွေအရ ဘုန်းမောက်ဘက်က တကယ်လို့ ရီးရဲလ်အနေနဲ့ ဟာဂျယ်ဆန်ကို လိုချင်တယ်ဆိုရင် အန်းဒရစ်ခ် ၊ ဂူလာတို့နဲ့ ကမ်းလှမ်းလာမယ်ဆိုရင်လည်း လက်ခံဖွယ်ရှိနေတယ်လို့ သိရပါတယ်။ ဟာဂျယ်ဆန်ဟာ ဘုန်းမောက်အသင်းရဲ့အဓိကကစားသမားတစ်ဦးဖြစ်နေသလို အသင်းဘက်ကလည်း သမိုင်းတစ်လျှောက် ပထမဆုံးအကြိမ် ဥရောပဝင်ခွင့်ကို ပစ်မှတ်ထားနေပါတယ်လက်ရှိမှာ ဘုန်းမောက်ဟာ အက်ဖ်အေဖလားပြိုင်ပွဲရှိနေဆဲဖြစ်ပြီး လာမယ့်တနင်္ဂနွေနေ့မှာ မန်စီးတီးနဲ့ ကွာတားဖိုင်နယ်ပွဲကန်ရမှာဖြစ်ပါတယ်။