အာဆင်နယ်အသင်းဟာ ဒီရာသီ ပရီးမီးယားလိဂ်ချန်ပီယံဆုကို စိန်ခေါ်ချင်တယ်ဆိုရင် တိုနေးကို ခေါ်ယူရမှာပဲဖြစ်တယ်လို့ ပီယာ့စ်မော်ဂန်က ပြောကြားခဲ့ပါတယ်။

ဂန်းနားများကို ပြင်းပြင်းထန်ထန်အားပေးသူ ပီယာ့စ်မော်ဂန်သည် တနင်္လာနေ့တွင် ပြုလုပ်ခဲ့သော အင်တာဗျူးအစီအစဉ် တစ်ခု၌ အာတီတာအနေဖြင့် ဇန်နဝါရီအပြောင်းအရွှေ့တွင် ဘရန့်ဖို့ဒ် တိုက်စစ်မှူးအားခေါ်ယူရန် လိုအပ်ကြောင်း ရှင်းပြခဲ့ပါတယ်။

လောင်းကစားစည်းမျဥ်းများချိုးဖောက်မှုအတွက် ၈ လပိတ်ပင်ခံရပြီးနောက် လက်ရှိတွင် ၂၀၂၄ ခုနှစ် ဇန်နဝါရီလအထိ ဘောလုံးကစားခွင့် ရပ်ဆိုင်းခံထားရသော တိုနေး သည် မကြာသေးမီက ဘရန့်ဖိုဒ် လေ့ကျင့်ရေးသို့ ပြန်လည်ရောက်ရှိနေပြီဖြစ်ပါတယ်။ တကယ်တော့ နည်းပြ သောမတ်စ်ဖရန့်ခ်ဟာ ပရီးမီးယားလိဂ်တွင်  တိုနေးကို ဇန်နဝါရီမှာ ပြန်လည် ကစားခိုင်းဖို့ အစီအစဉ်ရှိတယ်လို့ အတည်ပြုခဲ့ပါတယ်။

ဒါပေမယ့် ပီယာ့စ်မော်ဂန်က “ဇန်နဝါရီလမှာ အာဆင်နယ်အနေနဲ့ တိုနေး ဒါမှမဟုတ် သူ့လိုလူတစ်ယောက်ယောက်ကို ခေါ်ယူသွားရမယ်လို့ ကျွန်တော်ထင်ပါတယ် ဘာလို့လဲဆိုတော့ ကျွန်တော်တို့က မှန်ကန်တဲ့တိုက်စစ်မှူးတစ်ယောက် လိုနေလို့ပါပဲ။ အာဆင်နယ်ပရိသတ်တိုင်းက ဒါကိုသိပြီး ကျွန်တော်တို့ဟာ တိုက်စစ်မှူးစစ်စစ်လိုနေတာ ကြာပြီလို့ ကျွန်တော်ထင်ပါတယ်၊ အမှန်တရားကတော့ ကျွန်တော်တို့ မတတ်နိုင်ပါဘူး”လို့ ပြောကြားခဲ့ပါတယ်။

အင်္ဂလန်လက်ရွေးစင်အတွက် အလားအလာရှိသော စာချုပ်တစ်ရပ်အတွက် မည်ကဲ့သို့ ငွေကြေးကိုမည်ကဲ့သို့ စီစဉ်ထားကြောင်း မေးမြန်းသောအခါ မော်ဂန်က "ကျွန်တော်တို့ ဟားဗတ်ဇ် ကို ရောင်းပြီး ပေါင် သန်း ၇၀ ပြန်ရနိုင်ပါတယ်။ နာပိုလီကိုသွားပြီး အိုစီဟင် အတွက် ပေါင် သန်း ၁၅၀ ပေးပြီး ခေါ်ဖို့ လူတိုင်းက အရမ်းမိုက်တယ်လို့ထင်ကြမှာပါ။ ဒါပေမယ့် သူနဲ့တူတဲ့ ဟားဗတ်ဇ်ကို ငွေကြေးတစ်ဝက်လောက်နဲ့ သုံးခဲ့ပါတယ်။ ကျွန်တော့်အတွက်ကတော့ အတွေးအခေါ်ကတော့ သေးသေးလေးပါပဲ။ ကျွန်တော်တို့ ဒီကလန်ရိုက်ကို ခေါ်နိုင်လိုက်တာက အရမ်းကောင်းတယ်။ ဒီမှာ ဆလီဘာလိုမျိုး အသင်းမှာ ကြီးကျယ်ခမ်းနားတဲ့ ကစားသမားအချို့ရှိပါတယ်၊ အိုဒီဂတ်ရဲ့ ပုံစံက အရမ်းကောင်းနေပေမယ့် လတ်တလောမှာ မာတင်နယ်လီကို လက်လွှတ်ရဦးမှာပါ။ ကျွန်တော်တို့မှာ ထူးချွန်တဲ့ ကစားသမားတွေ အများကြီးရှိပေမယ့် မှန်ကန်တဲ့ တိုက်စစ်မှူး မရှိရင် လိဂ်ကို အနိုင်ယူမှာ မဟုတ်ဘူး။ စိတ်မကောင်းပါဘူး၊ အာဆင်နယ်ပရိသတ်တွေက ဒါကို မကြားချင်ပေမယ့် ဒါဟာ အဖြစ်မှန်ပါပဲ၊ ဒါပေမယ့် ကျွန်တော်တို့က ဒီကိစ္စကို အလေးအနက်ထားရင် ဇန်န၀ါရီလမှာ တိုက်စစ်မှူးတစ်ယောက် ခေါ်ဖို့လုပ်ရမှာပါ”လို့ ပြောကြားခဲ့ပါတယ်။