The network connection is lost.

Banner Image

ဘာစီလိုနာစတားဟောင်းက အကြံပေးခဲ့ကြောင်း ထုတ်ဖော်ပြောကြားလာတဲ့ ပီအက်စ်ဂျီစတား

ပီအက်စ်ဂျီစတား ဒမ်ဘီလီက သူ့အနေနဲ့ ဘာစီလိုနာအသင်းဖော်ဟောင်း မက်ဆီထံကနေ အကြံပေးမှုရရှိခဲ့တယ်လို့ ထုတ်ဖော်ပြောကြားလိုက်ပါတယ်။

ကမ္ဘာ့ဖလား နဲ့ ချန်ပီယံလိဂ်ရယူနိုင်ခဲ့ပြီးနောက် ဒမ်ဘီလီဟာ မကြာခင်မှာ ကမ္ဘာ့အကောင်းဆုံးကစားသမားဖြစ်လာဖွယ်ရှိနေပါတယ်။ ဒါ့အပြင် ပြီးခဲ့တဲ့ရာသီတုန်းက ပီအက်စ်ဂျီနဲ့ခြေစွမ်းပြနိုင်ခဲ့တာကြောင့် ရွှေဘောလုံးဆုရယူနိုင်ဖို့ ရေပန်းစားနေပါတယ်။

ဘာစီလိုနာမှာ ကြံ့ခိုင်မှုပြဿနာတွေကြုံခဲ့ရပေမယ့်လည်း ပီအက်စ်ဂျီရောက်လာချိန်မှာတော့ စွမ်းဆောင်ရည်ကောင်းပြသနိုင်ခဲ့ပါတယ်။ အသက် ၂၈ နှစ်သားဟာ ၂၀၁၇ တုန်းက ဒေါ့မွန်ကနေ ဘာစီလိုနာထံပြောင်းလာချိန် မက်ဆီရဲ့ locker နဲ့ဘေးချင်းကပ်ကျရောက်ခဲ့တာဖြစ်ပါတယ်။

FourFourTwo နဲ့အင်တာဗျူးမှာ ဒမ်ဘီလီက “ကျွန်တော် ပထမဆုံးနေ့မှာတင် မက်ဆီနဲ့အရမ်းကောင်းတဲ့ဆက်ဆံရေးအခြေအနေရှိခဲ့ပါတယ်။ ကျွန်တော့် locker က သူ့ဘေးမှာတင်ကျခဲ့တာပါ။
သူက ကျွန်တော့်ကို အကြံဉာဏ်အများကြီးပေးခဲ့ပါတယ်။ သူက ခင်ဗျားဘာလိုချင်လဲဆိုတာကို ချက်ချင်းသိတဲ့လူစားမျိုးပါ။ သူက ခင်ဗျားအနေနဲ့ အိပ်မက်တွေအောင်မြင်ချင်တယ်ဆိုရင် ပြင်းပြင်းထန်ထန်လုပ်ဆောင်ရမယ်လို့ ပြောခဲ့ပါတယ်။

အဲ့တာအပြီး ကျွန်တော် ကွင်းထဲမှာ ဘာလုပ်ခဲ့လဲဆိုတာပြန်ကြည့်ခဲ့သလို ပြန်လည်သင်ယူခဲ့ပါတယ်။ မက်ဆီက နံပတ် ၁၀ ဒါမှမဟုတ် နံပတ် ၉ နေရာမှာကစားရင်လည်း ကောင်းပါတယ်။ သူ့ရဲ့နေရာယူပုံက အံ့ဖွယ်ပါ။

ကွင်းထဲမှာ သူကပြိုင်ဘက်မမြင်နိုင်အောင် ကစားတတ်ပါတယ်။ တစ်ချို့အချိန်တွေမှာဆိုရင် ခင်ဗျားသူ့ကို ၄ မိနစ် ဒါမှမဟုတ် ၅ မိနစ်လောက် မြင်ရမှာမဟုတ်ပါဘူး။  အဲ့နောက် သူဘောလုံးရလာချိန်မှာတော့ ဘာလုပ်ရမလဲဆိုတာကို ချက်ချင်းသိပါတယ်။ မက်ဆီက ကျွန်တော် နဲ့ ဂျော်ဒီအယ်လ်ဘာရှေ့မှာရှိနေချိန်ဆိုရင် ဘာလုပ်ရမလဲဆိုတာ သိပါတယ်။ 

သူက ဘောလုံးအကြောင်း ကောင်းကောင်းနားလည်သလို နေရာယူပုံလည်း အရမ်းကောင်းပါတယ်”လို့ ဒမ်ဘီလီက ဖြေကြားခဲ့ပါတယ်။ ဒမ်ဘီလီ နဲ့ မက်ဆီတို့ဟာ ၄ ရာသီအတွင်း ဘာစီလိုနာအတွက် ၉၅ ပွဲအထိ အတူတူကစားခဲ့ကြကာ ၂၀၂၁ မှာ မက်ဆီက ပီအက်စ်ဂျီကိုပြောင်းရွှေ့ခဲ့ပါတယ်။

ဒမ်ဘီလီဟာ ပြီးခဲ့တဲ့ရာသီတုန်းက ပီအက်စ်ဂျီအတွက် ပြိုင်ပွဲစုံ ၃၅ ဂိုးအထိသွင်းယူနိုင်ခဲ့သလို ပြည်တွင်းဖလား ၃ လုံး နဲ့ ချန်ပီယံလိဂ်ဖလား ၁ လုံးရယူနိုင်ခဲ့ပါတယ်။ ဘော်လွန်းဒီအော်ဆုပေးပွဲကို စက်တင်ဘာ ၂၂ ရက်နေ့မှာ ကျင်းပမှာဖြစ်ပြီး ပြင်သစ်သားက ဆုရယူနိုင်မယ်လို့ မျှော်လင့်နေပါတယ်။