ဆွစ်ဇာလန်ကို သရေကျခဲ့ပြီးနောက် လူစားဝင်ကစားသမားတွေကို ချီးကျူးလိုက်တဲ့ နူအာ
ဂျာမနီအသင်းဂိုးသမား နူအာက ဆွစ်ဇာလန်ကို ၁-၁ သရေကျခဲ့တဲ့ပွဲမှာ ဂျာမနီအသင်းရဲ့လူစားဝင်ကစားသမားတွေကို ချီးကျူးလိုက်ပါတယယ်။ ဒါ့အပြင် ဂျာမန်သားဂိုးသမားက အဆိုပါပြိုင်ပွဲမှာ မိမိတို့အနေနဲ့ အနိုင်ရခဲ့သင့်တယ်လို့ ခံစားနေရပါတယ်။
ဂျာမနီဟာ ပထမပိုင်းမှာ အန်ဒိုယီရဲ့ဂိုးနဲ့ အရေးနိမ့်နေခဲ့ပေမယ့် ဖူလ်ကရက်ဂျ်ရဲ့ချေပဂိုး မတိုင်ခင် အခွင့်အရေးကောင်းတွေလွဲချော်ခဲ့တာဖြစ်ပါတယ်။ နောက်ထပ်လူစားဝင်ကစားသမား တစ်ဦးဖြစ်တဲ့ ဒေးဗစ်ရာအမ်ကလည်း အဆိုပါချေပဂိုးကို ဖန်တီးပေးနိုင်ခဲ့သလို အသက် ၂၁ နှစ်အရွယ် ဘေယာကလည်း ခြေစွမ်းကောင်းပြသနိုင်ခဲ့တာဖြစ်ပါတယ်။
“အသင်းက ဘယ်တော့မှလက်မလျော့ပါဘူး။ အထူးသဖြင့် ကျွန်တော်တို့တွေပါ။ လူစားဝင်ကစားသမားတွေက ခြေစွမ်းကောင်းပြသနိုင်ခဲ့သလို ကျွန်တော်တို့ ချေပဂိုးအပြင် အနိုင်ဂိုးတွေပါ ရခဲ့သင့်တာပါ”လို့ နူအာက ပြောကြားခဲ့ပါတယ်။
ဂျာမနီအတွက် ဆွီဒင်ကိုရင်ဆိုင်ရတာက ခက်ခဲခဲ့ပြီး ချေပဂိုးမရခင်အထိ ရုန်းကန်ခဲ့ရတာဖြစ်ပါတယ်။ “ဆွီဒင်က အကောင်းဆုံးလုပ်နိုင်ခဲ့ပါတယ်။ သူတို့က အမြဲတမ်းစုစည်းမှုရှိသလို ကျွန်တော်တို့ကိုလည်း ဖိအားပေးနိုင်ခဲ့ပါတယ်။ ပထမ ၂ ပွဲမှာ ကျွန်တော်မိနစ် ၉၀ အတွင်းအကောင်းဆုံး ပုံစံမရှိခဲ့ပါဘူး။ အခုသရေရလဒ်က မျှတတဲ့ရလဒ်လို့ ထင်ပါတယ်။ တစ်မှတ်နဲ့ ကျွန်တော်တို့ ကျေနပ်နိုင်ပါတယ်”လို့ နူအာက ထပ်လောင်းပြောကြားခဲ့ပါတယ်။
ဟန်ဂေရီကတော့ စကော့တလန်ကို ၁-၀ နဲ့ အနိုင်ရခဲ့တာကြောင့် အကောင်းဆုံး အုပ်စုတတိယနဲ့ နောက်တစ်ဆင့်တက်နိုင်ဖို့ စောင့်ဆိုင်းရမှာဖြစ်ပါတယ်။
